BÖWREGI WE SIÝDIK HALTANY ARASSALAMAK

Agyry kesiji, gyzgyny gaýtaryjy, aspirin, gan suwaldyjy we beýleki
lukmançylyk dermanlary, tebigy bolmadyk iýmitler, köp süýt we süýt önümi
(aýratyn hem gan topary 0 we A bolanlar üçin), täze maýaly çörek, köp duran
ysmanak nahary, pomidor goýaltmaly naharlar, nahardan soňra iýlen miwe,
duran suw, gara çaý, kofe we taýyn içgiler, dar balak we dar aýakgap böwrek
we siýdik haltada daşyň döremegine sebäpleri taýynlap biler.
Iýmit siňdirişiň bozulmagy we süýji kesel ýaly metabolizma bozuklyklary,
böwrek keselleri, çiş sebäpli bagyr, dalak, ýatgy, ýumurtgajyklary we
içegeleriň ulalyp, böwrekleriň gysylmagy, dogandan ene süýdüne derek başga
iýmitler alynmagy sebäpli böwrek gurluşyndaky tapawutlylyk we hroniki iç
gatama hem daş döremegine ýol açyp biler.
Böwrek we siýdik haltany arassalanmagyndan maksat, daşlary bölekläp,
duzlary eredip daşary zyňmak, böwrekleri kuwwatlandyrmak we şu görnüşde
bagyryň arassalanmagyny tamamlamakdy. Böwürslen köki, lawr köküniň gabygy, lawr miwesi, petruşka tohumy,
petruşka suwy, turp tohumy (aýratyn hem gara turp tohumy), turp ýapragynyň
suwy, ýowşan, dalçyn, enginaryň suwy we köki, käşir tohumy, käkilik oty,
kimýon, anis, miswak.
Daş döremeginiň öňüni alýan, peşewi köpeldýän we eredilen galyndylary
peşew ýoly arkaly çykarýan dermanlar:
Arassa suw, käşir suwy, gyzyl şugundyr suwy, ysmanak suwy, petruşka
suwy, seldereý we ýapragynyň suwy, limon suwy, greýfurt suwy, garpyz,
garpyz çigidi, garpyz gabygy, çitçiti, gawun çigidi.
Bişen ysmanak we duran suwuň daş ýygnamagy, emma çig ysmanagyň we
tämiz janly suwuň daş eretmegi dykgat çekijidir. Çig pomidor we ysmanakda
bar bolan janly oksalasit, işjeň duz eredijilerden biridir. Ýöne pomidor we
ysmanak bişirilende, tebigy gurluşyny ýitiren oksalasit, daşlary eretmän,
gaýtam tersine, daşlary döredýär. Duran suw üçin «Suw» bölümine serediň!
Taýýarlyk:
•1 çorba çemçesi çörek oty döwlüp, 200 gr bal we 3 baş sarymsak bilen
garyşdyrylar. Günde 3 gezek 1 çorba çemçesi içiler. Soňra her gezekde
gabygy bilen birlikde 1 limon iýler ýada 1-3 limon suwy + 150-200 gr suw
goşulyp ýada greýfurt suwy içiler. Ýada:
•100 gr limon suwy +100 gr zeýtun ýagy + 3 baş ýenjilen sarymsak +50 gr
täze sykylan petruşka suwy garyndysyndan irden agşam 50 gr içiler we bu
ýagdaý 3 ýada 5 gün dowam ediler.
Saýlanan garyndy bilen birlikde her gün arpa suwy taýýarlanyp içiler: 200 gr
gabykly arpa 2 litr suwda 3-4 sagat saklanar, soňra şol bir suwda 1,5 sagat pes
otda gaýnadylyp süzüler. Arpa suwy bal bilen garyşdyrylyp, günüň
dowamynda gutarýança içiler. Arpa ýerine şol bir görnüşde gabykly arpagan
(gerkules) hem ulanylyp bilner. Günde 1 gezek içdäaçar iýlip bilner.
Lukmanyň maslahaty boýunça edilen böwrek tämizlenmesinde diňe
aşakdaky soňky 3 gün amal ediler.
Böwrek we siýdik haltany arassalamak üçin aşakdaky 2 usuldan biri
ulanylar:
Bu usullaryň ikisinde hem 3 günläp her gün günde 3 gezek ýyly käkilik
otunyň çaýy bilen birlikde aşakdaky daş eredýän garyndydan 1 çaý çemçesi
owurtlanar:
•Deň mukdarlarda lawr miwesi + ýabany käkilik oty + 1 sany kimýon +
gilaburu agajynyň gabygy + zenjebil + dalçyn owradylar. Gilaburu gabygy
ýerine anis hem ulanylyp bilner.
1nji usul: Günüň dowamynda gezekleşdirilip aşakdaky miwegök önümleriň suw
garyndysy içiler:
• Günde 4 gezek 1 limonyň suwuna + ýarym bulgur ýyly suw goşup içiler.
Daşlaryň ululygyna we gan toparyna görä, limonyň sany 10a çenli baryp biler.
•Deň mukdarlarda käşir suwy, gyzyl şugundyr suwy, hyýar suwy arassa suwa
garyşdyrylar we günde 4-7 bulgur içiler.
Ilki bilen 1 bulgur limon suwunyň garyndysy içiler. Limon suwy
garyndysyndan soňra 1 sagat, gök önümleriň suwunyň garyndysyndan soňra
bolsa, 2 sagat ara bermek zerurdyr.
Bellik : Limon suwuny içmeýänler greýfurt suwuny içip bilerler.
Hyýaryň ýerine petruşka, seldereý ýapragy, hindibag (hindiba) ýada çitçiti
ulanylyp bilner.
2nji usul:
200 gr gabykly arpa ýada arpagan 2 litr suw bilen 2-4 sagat çyglandyrylar,
soňra pes otda 1,52 sagat gaýnadylar, süzülip, günde 8-10 bulgur içiler (günde
2 gezek arpa suwy taýýarlanar).
Şunuň bilen birlikde käkilik otuny demläp ýada arpa samanyny 20-30 minut
gaýnadyp, suwa düşülýän suwa garmak daşlaryň eredilmegine kömekçi bolar,
sanjylary ýeňilleşdirer. («Myşsa we süňk keselleri» bölümine serediň!)
Örän güýçli dermanlar
Şu usullar bilen eremedik ullakan we köne daşlary eretmek üçin, şu güýçli
dermanlary ulanmak zerurdyr:
•Guşlaryň keteginde jüýjeler ýumurtgadan täze çykanda ýumurtga gabyklary
ýuwulmadan guradylar, ýukajyk ýenjiler we ertir-agşam çaý çemçesi suw
bilen ýuwudylar. Ýada:
•15 gr gwozdika + 30 gr garpyz çigidi + 30 gr nohut (iň gowusy gara hind
nohudy) çörek bişirýända ýakylyp alnan kül gowuja ezilip garyşdyrylar we
ertir-agşam bir kofe çemçesi owurtlanar. Yzyndan 150 gr ýabany semzek
suwy + 30 gr seldereý ýapragy suwy + 50 gr suw garyndysy ýada ýokarda
berlen gök önüm suwy garyndysy içiler. Şeýlede 100 gr gara turpuň suwy
günüň dowamynda ýuwdumlanar. Üç gün hiç hili zat iýilmeli däl.