ALLAH DIÝMEK.
Bir garyp ýigit ülkäniň patyşasynyň gyzyna aşyk bolýar. Bu umytsyz yşgyny ülkede ýaşaýan meşhur dewişlerden biriniň ýanyna baryp, gürrüň berýär, ondan kömek soraýar. Derwiş: “Oglum, sen şäheriň giriş derwezesiniň agzynda otur, kim näme diýse diýsin, diňe “Allah” diýip jogap ber” diýýär.
Garyp ýigit diýleni edýär. Derwüş-de günlük iýjek-içjegini getirip durýar. Günler, aýlar geçýär. Agzyndan “Allah” sözünden gaýry söz çykmaýan ýigit halk arasynda meşhurlyk gazanyp, ol barada dürli gürrüňler ýaýraýar. Ahyry bir gün bu gürrüňler patyşanyň hem gulagyna ýetýär. Ol hem ýigit barada gyzyklanyp, derwüşi ýanyna çagyryp, ondan ýigit barada maglumat soraýar.
Derwüş ýigidiň döwrüň möhüm şahsyýetlerinden biridigini aýdýar. Patyşa ýigidi görmäge barýar. “Kimsiň? Näme derdiň bar? Näme islegiň bar?” diýip sorasa-da, ýigidiň agzyndan “Allah” diýmekden başga söz çykmandyr.
Derwüş agşam ýigidiň ýanyna baryp: “Patyşa saňa “Gyzyňy bereýin” diýýänçä hiç bir sowalyna jogap berme!” diýip berk tabşyrýar. Ahyry bir gün patyşa gelip: “Näme islegiň bar? Aýt. Isleseň, gyzymy seniň bilen nikalaýyn” diýende, ýigit: “Ýok” diýýär.
Ýigit sözüni şeýle dowam edýär: “Indi ony hem islämok. Men aslyýetinde, şunça wagtlap sizden şu sözi eşitmek üçin “Allah” diýdim. Allah döwrüň patyşasyny aýagyma getirip, meniň ýaly pukara ýigide öz gyzy bilen öýlenmegi teklip etdirdi. Hut Onuň öz hormatyna, Onuň ryzasyny gazanmak üçin “Allah” diýen bolsam, kim bilýär, nähili bolardy? Men mundan beýläk Ondan başgasyny islemeýärin.
Arhiwiň ýagdaýy
● Doly tekst
● 11/11 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 30 iýul 2012 ý. · Asyl sahypany gör ↗
Teswirler 11
🙂
Gorsene muny. Gaty gowy. Ajayyp
Mundan, 5-6 yyl ozal, takside bir yashulydan dinlapdim. Kop Kop sagbol.
Allah diýip ýaşamak we Onuň beren ömrüni Onuň isleýşi ýaly ýaşandygyňy bilip bu dünýäden ötmek miýesser etsin!
Ämin.
amin
Amin
Shu wagt şeyle derwüşler barmyka????
Dunye gindir kyyamata cenli welilerem,derwushlerem bolar
Sagboluň, hekaýat manyly eken.
Nebsine erk etdi, her iki
älemde bagtly boldy:
Medresanin sonky yil talybydy.
Ol oz hujresinde (otag)
garanky gijede (cyra
bolmanson) shem yakyp, onun
yagtysyna sapaklaryna
calyshmaga dowam edyardi.
Sagat hem gijanin yarysy
bolup, dasharyda gijeki gopan
gay-tupan hem dowam
edyardi. Ol gayrat bilen
okamagyna we yazmagyna
dowam edyarka, birden onun
hujresinin gapysy kakyldy. Ol:
-Bah, gijanin bu wagty kim
menin hujrame geldika!? -
diyip, gapysyny acanda,
onunde yetishen we sheyle
owadan bir gyzy gorup ank-
tank boldy. Ol namanin
nameligine dushunman durka
shol gyz:
-Salamalik! Bagyshlan, men
yoldan gecip baryarkam, shu
turan tupan sebapli, yolumy
yitirdim, sygynjak yer hem
tapmadym, size hayish edyan,
meni shu gijelik oz hujranize
alsanyz, ertir irdenjik men hic
gormanka bu yerden giderin,
dasharda men hazir nirede
galayin, mana rehminiz gelsin
- diyip, oz cykgynsyz yagdayiny
aytdy. Talyp bu aydylanlara
name diyjegini bilman oz
icinden az salymlyk oylanyp
durdy, wyjdan-nebis soweshi
az salymlygam bolsa dowam
etdi, yone sonunda wyjdan
ustun cykdy we ony iceri aldy.
Ol ozunin yatyan yerini ol gyza
tayyarlap berip, ozi hem
sapaklaryna calyshmagyna
dowam etdi. Gyz shol bada
surnugyp halys bolan yadaw
bedeninin yadawlyk yzasyna
cydaman yatypdy. Talyp shem
yagtysy bilen sapagyna
calyshyarka, aram-aram
gozunin gytagy bilen oz
yorganynda yatan owadan
gyza-da nazar aylayardy, nebsi
ona weswese beryardi, shonda
ol yene0de wyjdanynyn guyji
bilen ozune erk edip,
barmagyny yanyp duran
shemin ustune az salym tutup
duryardy we yanan
barmagynyn yzasyna cydaman,
barmagyny yzyna cekyardi. Oz
nebsine-de:
-Goryanmi, sen shujagash odyn
tasirine 1 minut hem cydap
bilenok, a senin etmek isleyan
gunan gazandyryan jezasy
bolan sheyle guycli jahennem
oduna nadip cydarsyn, ha!? -
diyibem, nebsini ynandyryar
we ozune erk edyardi. Bu
yagday ertir dandana cenli
dowam etdi. Bu yagdaya
gijanin sonky boleklerinde
gozuni acan gyz hem shayat
bolupdy. Ertesi irden ol gyzy oz
oyune gitmegi ucin talyp
ugradypdy.
Aslynda, ol gyz yurdun bash
wezirinin gyzydy we ol bolan
wakany kakasyna bolshy yaly
gurrun beripdi, kakasy hem
shol talyby cagyryp, name ucin
beyle edenini sorapdy, shonda
talyp
-Kyn gune dushene komek
etmek her bir musulmana
bolshy yaly, menin hem
borjum, shol sebapli, gyzynyzy
apy-tupandan we yagyshdan
gutulmagynyn bashga caresi
bolmany ucin goramak ucin
hujrame aldym, ony yetyrybam,
nebsimin betpal islegine
garshy goranmak ucin shem
bilen barmagymy yakyp, ona
jahennem odynyn has guycli
we tasirlidigini aydyp
ynandyrdym we ozumi hem
saklap bildim sheylelik bilen -
diyip jogap beripdir. Wezir
bolsa ondan hoshal bolup, oz
gyzyna shol talyba durmusha
cykarypdyr. Olar oran bagtly
mashgala bolupdyrlar we
ozlerine mynasyp sheyle asylly,
ynancly we ahlakly cagalara
eye bolupdyrlar. Garaz, hadys
bushlugy bilen, bu dunyadaki
onat amallary sayasynda
(sebapli), beyleki tarapda-da
Jennetden bir bakja eye
bolupdyrlar butin bir mashgala
bolup!
Allah sozi barada:
ﺍﻟﻠﻪ
Allah sozi Biribaryn in beyik adydyr.
Biribaryn 1000-den gowrak ady bolup,
naybashy Allah-dyr.
Sebabi bolsa, Biribara beyleki dinlerde-de
ka atlar berilyar, meselem, Tanry, Ylah,
Reb we sh.m.
Indi Allah adynyn name ucin naybashy ady
bolanyna bir sebap hokmunde
ashakdakylary yazmakcy:
1-Allah ady ozbashyna bir at we Esmaul Husna(Allahyn gozel
atlary)nyn naybashysy;
2-Allah -daky ilkinji harpyn (I-Elif)
herekesini(yokardaky ysharat) ayirsan,
onda bu gezek Ylah okalyar, olam
Biribaryn bir ady;
3-Ylah-daky herekani ayirsak, bu gezek
Lehu diylip okalyar, bulam yene Ona
(=Allaha) diymek bolan Biribaryn ady
hokmunde kabul edilyar;
4-Lehu-daky L harpy ayirsak, bu gezek
Hu(=Huwe) diylip okalyar we olam OL
(=Allah) manyda kabul edilyar.
Ynha, shu sebap, sebaplerden menin
bilyan yekeje sebabim!
Galan sebaplerini bolsa, bashda Allah, son
Onun ilcileri we Onun bildiren beyik
shahsiyetleri biler!