5 minut galanda
Bu mowzuk ilki bilen nebsime we isleýän dertdeşlere, pikirdeşlere...
Gel dertdeş, hyýalymyz bilen geljege 1 minut, 10 minut ýada 1 gün, 1 hepde ýada 1 ýyl, 10 ýyl ýada 50 ýyl geljege gideli.. Haçan geljegi mälim bolmadyk wagta gideli.
Ynha ömrimiziň soň demlerini ýaşaýan wagtymyz; ölüm düşegi diýlen wagt. Arzuw eden hemme zadymyza ýetdik diýp saýsak: maşgala, çagalar, ýaşaýan jaýymyz, jemgyýetdeki tutýan ýerimiz, bütin ömür höwes edip yzynda ylgap, çekilen kösençlerden soň elimize geçen durmuşymyz. Belki bir buýsanç duýýandyrys. Ýöne bir gynanma duýgysy hem bar. Sebäbi tenimizi duýmak, dem almak, aýaklarymyzy duýmak kynlaşýar. Ellerimiz titreýär. Şol pursatda, ömrümiziň soňky 5 minutynda çagalykdan soň deme çenli ýaşan durmuşymyz bir lentada görkezilýän ýaly göz öňümizden geçýär. Ejem, kakam, doganlarym, mekdep döwri, okuw, iş we maşgalam, geçen günlerimiziň her bir sekundyny ýatlaýas. Şonça ýyllyk durmuş gysga wagta nädip sygdy ka? Ýogsa da çyndanam azajyk wagt ýaşadyk my?! Entek düýnjek mekdebe bardym, heniz ýaňyrak öýlenip maşgala gurdym, eýýam soň güne nädip gelipdirs? Şeýle çalt geçipdir wagyt... Şu ýagdaýda töweregimize üns bilen seretsek agaçdan ýasalan eksentrik mebeller, lýuks ýaşaýyş, soňky model awtoulaglar önkisi ýaly gadyrly görünenok, bize mundan beýlek peýdasy ýok dostlaryň, ýarlaryň, abraý we nam nyşanlaryň. Sebäbi ertir, gün biz üçin däl başgalary üçin dogýar.
Bu älemde myhman ekenimizi ýatladýar ölüm. Myhman bolup elimizde näme bilen gelen bolsak yzymyza da şeýle giders bu dünýäden. Elimiz boş geldik, elimiz boş gidýäs.
Ýöne “şu wagt men sagdyn we ýaş, ýaşamaly bir ömrüm bar entek, şu ajaly ýatlatma maňa” diýmegin dertdeş. Çünki düýnjek ýaşajyk we sagdyn biri bardy sen ýaly, şu wagt bolsa gürlemäne jany ýok. Ýogsam häzir täsirli sözler aýtmak islärdi pahyr. Ertiriň geljegi bize aýan däl, şu wagtymyz örän gadyrly.
Gysga edip aýdanda, Şahyryň “adamyň bolşy nähili bolmaly?” diýen soraga, “soň demde nähili boljak bolsa şeýle bolmaly” diýşi ýaly; ajal wagtynda, ölüme 5 minut galanda biz üçin näme ähmiýetli bolsa, asyl şol iň möhümdir.
Arhiwiň ýagdaýy
● Doly tekst
● 25/25 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 25
ymgyr manyly sozler. Hich kimem ertir name boljagny bilenokda
temada dogry bellenipdir, bu günki iş erta goyulsa, sony kyn bolya, owalky yaşap geçenlerden kimleri
Ertir oglum sana tigir alyp berjek.
BİR İŞİ BAŞLADYNMY TAŞLAMA, TAŞLAJAKMY BAŞLAMA, yatyp galandan atyp galayyn etme, o degjek ok belkide ...
Gaty dogry belläpsiñ.Ylala$ýan dost.Awtor sag bol paýla$anyñ ücin.
Yalnyshyanyz bir yerde, ABRAYYN ozunden son hem yashayandyr!
Berekella.
Balzak şo abraý üçin ömrüni beren adamlardan biri, (Fransiýada baý we aristokrat maşgalalaryň familiýasynyň öňüne 'de' diýp goşumça goşulýar). Balzak hem familiýasyna şony goşdurmak üçin, ad abraý gazanmak üçin kä wagt günde 20 sagat ýazýardy. Netijede ölen soň Honore de Balzak boldy. Indi soraýan şu wagtky abraýy, de Balzak familiýasy Balzakyň özüne näme peýda getirýär? Hiç zat... ölen soň abraý dowam eder ýöne peýdasy bolmaz. Şon üçin yhlas bilen ýaşa diýilýär, abraý üçin ýaşa diýilmändir. Abraý islemeseň de berilmegi mümkin onda da üns bermeli däl.
Men barde olumden son ABRAY olen adama peyda ya zyyan getiryar diyjek bolmandym, oylanma bilen ylalashdym. Bir shol ABRAY olyar diyenine goshulmandygymy belledim.
hmmmmmm dogry........
gayta gayta okadym abraý ölýär diýlen ýerini meň monitorym görkezenok öýdýän 🙂, mundan beýlek peýdasy ýok abraýyň diýýära
Hava, men okan zadymy biraz crtically kabul edipdirn. 🙂
sag bol free
critically seretmek gowy zat
Näme diyjek bolanña düshündm,has dogrusy awtory men yalydy 🙂 yöne ÖLÜP DIRELEN YOK ONAM UNUTMA!
daş etdiňlaý bratok muny. Senden tamamam şeýle-di.
Olup direlen yok.. yone Allahdan gelen sozler bar onam unutman 🙂
@Miilli, @Diffi, näme diýjek bolýaňyzaý? düşünmedim
Olup direlen yok diyya Diffi... Menem zato Allah ayda bize o dunyede namelerin garashyanyny diydim.. dushundinmi?
Usti kapali mesajlar bilen diss'lashmak...
Her adam ün abraý diýilýän zat herhili bolýar. meniň ün imanly
gitmekmikä diýýän.
gaty gowy yazypsyn,400e golay yil yashan Lukman Hekimem aydypdyra oluminden owuncha ylgap baryan keyigin kolegesinde sayalan yaly boldum dp,durmush sheyle chalt gechya,durmushda goren ahli zatlany in kyn pursatlarda 5 sekuntda hem goz onune getirip bolya.