Algyn pendim, nowcha gyzym!

Yetginjeklik döwründe bedeniñde bolup gechyän özgerishlikleriñ kalbyñda dürli duygulary döredyändiginden men habarly. Häli-shindi ayna seredyänsiñ. Bir-birinden görkli boydashlaryñy göz öñüne getirip, özüñden göwnüñ gechyän bolmagy ähtimal. Modalar £urnallarynda, ''mawy ekranda'' kashañ geynüwli , yüzi-gözi, sachy boyalan ''emeli gözelleri'' görüp, kemsinyän bolmagyñam ahmal. Seniñem pomada bilen dodaklaryñy gyzardasyñ, tush bilen kirpikleriñi ''jaytardyp goyasyñ'' gelyändir. Bugdayreñk meñziñi un kimin ap-ak etmek, dyzlaryña degip tolkunyan sachlaryñy gyrkyp, eginleriñ üstünden sechelendirip goybermek islegi erkiñi elden alyp baryandyr.
Elbetde, sheyle arzuw- hyyallara gark bolup özüñüñ, elhepus, üytgeshik owadandygyñ barada oylanyanam dälsiñ. Sen Me£nuny däldiredip chöle chykaran Leylisiñ. Leyli gijeleriñ tümlügi siñen tar-tar zülpleriñden jyda düshjekmi?! Tahyry 7 yylyñ ayralygyna dözdüren Zöhresiñ. Zöhre yyldyzynyñ nuruna eylenen dideleriñi yelpeyän kirpikleriñi tush bilen doñdurjakmy?! Bilbili peryat eyleden Gülsüñ, gyrmyzy gülden reñk alan dodaklaryñ boyaga mätäch däldir. Pyragydan uyat eyleyip gyzaran Meñlisiñ, dañ shapagy ''möhür basan'' yañagyñ boyaga mätäch däldir. Yylgyranda dodaklary darka yarylan nar deyin cyzylyan, syh-syh kirpikleri ashagyna gezelyän, ''yörishi arslana-shire, ala-ala gözleri janyña iyre'' ogshayan türkmen gözelisiñ! Gitme sen ham-hyyala, goy, seni ''pagtabent'' yaly bosh ymtylmalar däl-de, tebigatdan peshgesh jemalyñda eglenyän nazarlary mayyl etsin! Goy, seniñ meñziñde wagtyñ gechmegi bilen deriñi zayalayan kosmetiki serishdeleriñ däl-de , shatlykly, hyjuwly, manyly, hoshniyetli, göreshli ten gözelligi, edep-ekram, edim-gylym gözelligi bilen utgashyp gechjek yyllar yz galdyrsyn!