Žerar Depardýe bilen söhbetdeşlik

Fransiýada ony eýýäm ölümsizleriň hataryna goşdylar. Onuň aktýorlyk durmuşy 40 ýyldan bäri üstünlikli dowam edýär.

Şu ýyl Žerar Depardýe Liondaky doganlar Lýumer festiwalyna çagyryldy we kino sungatyna goşan goşandy üçin sowgat gowşyryldy.

Sorag:
Fransiýada 20-nji asryň ikinji ýarymynyň iň gowy aktýory bolmak nähili duýgylary başdan geçirtýär?

Jogap:
Hiç hili. Men hiç haçan baýraga kowalaşmadym, resmisine ýa resmi däline.  Eger meni bir baýraga mynasyp görýän bolsalar men garşy däl, ýöne olar maňa hiç hili many aňladanok.
Men Liona öňden bäri tanaýanlarymy we tanajaklarymy görmäge geldim. Kino düşmek hemme zatdan öň meniň üçin bir baýramçylyk. Duýgylaryňy, problemalaryňy, gysga wagtlyk üstünlikleriňi paýlaşmany başarmaly. Esasy zat - hemmeleriň garaşýan  netijesi.

Sorag:
Siz Piter Handkyň "Aktýorçylykda üstünligiň bahasy - bir durmuş" sitatasyny halaýaňyz...

Jogap:
Haçanda siz kino meýdançasyna çykanyňyzda siz režissýoryň we ssenaristyň oýlap tapan gahrymanynyň obrazyna girmek üçin öz hamyňyzy sypyrmaly bolýaňyz. Bu örän kyn we ýadatýan proçess.
Gürrüň söziň göni manysynda ölüm we ýaşaýyş barada gidýär. Sebäbi siz gahrymanyň hamyny geýmek bilen elmydama şonuň bilen galma howpyny girýäňiz.
Onsoň şolar ýaly ýagdaýlarda öz-özüňe besdir, indi saklanmaly diýmeli bolýaň...
Häzir men Ilkinji Jahan urşy barada bir kinoda surata düşýän. Meniň gahrymanym bir jaňdan beýleki jaňa çenli oýnaýar we birdenem onuň jany duşman bilen edilýän söwda predmetine öwrülip duruberýär. Duşmanlar nemesler we ol başgalar üçin meýletin janyndan geçýän biri bolmaly bolýar. Ine, men şular ýaly ýagdaýda näme etmeli. Şol wakalardan habarsyz, şolar ýaly ýagdaýa düşüp görmedik. Haçanda başgalaryň janyny halas etmek üçin özüňkini pida etmeli bolanda?..

Men diňe ssenariýada görkezilenleri ýerine ýetirmäne synanşyp bilýän we berjek netijesini kabul etmeli bolýan.

Sorag:
Bu ýazgy Harwi Keýtel bilen bile surata düşýän filmiňizmi? Rumyn awtorlaryňky? Ýewropanyň kino sungaty barada näme pikir edýäňiz?

Jogap:
Meniň pikirimçe ýewropanyň kinomatografiýasy öz gymmatyny ýitirýär. Sebäbi olar prokatdaky üstünlige kowalaşýarlar.

Onsoňam, her kim şol bir netijäni gazanmaga jan edýändikleri üçin şol bir ýalňyşy edýärler. Başga-da bir problema bar: olam wkuslarynyň ýetmezçiligi, kinony ýaýratýanlaryň we prokatçylaryň ýeterlik pikir etmeýändikleri.

Aý, aslynda olarada düşünse bolýar. Hepdede 20 film çykýar. Olaram köp tomaşaçy çöpläp biljek kinony saýlaýarlar, edil söwda merkezleriň menejerleri ýaly. Ortada bolsa kinonyň hili düşýär.

Sorag:
Siz aktýorçylyk rolyňyzda diňe bir fransuz gahrymanlary bolmandy, siz Kolumbyň rolyny oýnadyňyz, Rasputini oýnamaga çagyryldyňyz. Siz dünýäniň ýewropaly aktýorymy?

Jogap:
Elbetde, elbetde...
Her bir ýurdyň öz taryhy we medeniýeti bar. Meni olaryň ikisem gyzyklandyrýar. Bilim adamy baýlaşdyrýar, bilimsizlik bolsa çäklendirýär.
Kinomatografiýanyň güýji hem şonda, tomaşaçy özini islendik gahryman hökmünde göz öňüne getirip bilýär.
Şol gahrymanlary täsirli edip ýerine ýetirýänleri zähmediň esasy baýragyna mynasyp görmek hem adalatlymyka diýýän.

Sorag:
Siz örän agyr ýollary geçdiňiz. Siz garyplykda doguldyňyz we siziň çagalagyňyz gaty kyn geçdi. Şu wagt siz baý we belli adam. Siz "fransuzlaryň arzuwlaryna" öwrüldiňizmi?

Jogap:
Dogrymy aýdaýynmy?

bilemok...
Bu barada hiç pikir etmänim üçin, hiç hili düşünjäm ýok. Düşünýäňizmi, men hiç haçan material baýlyga ymtylmadym. Meni hiç bular gyzyklandyrmady. Men diňe meniň edýän zatlarymyň özüme ýaramagyny isledim we  meniň saýlan durmuş ýolumda esasy maksat öz edýän zatlarym bilen başgalara kömek etmek bolup durýar. Meniň hemişede iň uly baýragym kinoteatra gelýänleriň ýüzündäki şatlyk we begenç.

Men öz tomaşaçylarymy söýýän. Olara bolan söýgim maňa işimde irginsizlik we gaýduwsyzlyk berýär...

Ine, şular ýaly ýagdaýda-da meniň üçin Giýom de Marşal ýaly taryhy gahrymanlar durmuşymda we edýän zatlarymda maňa  nusga bolup durýar.

Men ölüm hakda pikir edemok, men ölüm diňe bir bölegi bolan baky ýaşaýyş barada pikir edýän.
 

Žerar Depardýe:

gowja aktýor(42%, 9 adam)

tanamok(4%, 1 adam)

e gören ýüzüm özä(4%, 1 adam)

iň halaýan aktýorym(4%, 1 adam)

legendelaý bu ýaşuly(42%, 9 adam)