Soň bildim (oýlanma)

Men seni

gözlemedim.Seniň suratyňy tötänden gördüm. Şonda ilkinji gezek ýesir edipdiň.

Başda bu duýguň nämedigini aňmadygam bolsam, soň düşündim. Söýgi. Men söýdüm.

Ýöne näçe bu duýgunyň barlygyny eşitsem-de, 

hiç onuň pikirini etmändim men, hiç söýgümi gözlemändim. Garaşmadym. Ilkinji gürrüňimizde:

-Utanýaňmy?

-Hawa

-Utanma, diňe bir

oglan bilen gürleşmegiň aýyp zady ýok

diýipdim(hamala özüm

utanmaýan ýaly). Seni ýürekden söýdüm. Göýä ýitirsem, dünýäm weýran bolaýjak ýaly.

Sen hakdaky pikirler aklymy aldy. Her edýän hereketimi, her günimi seni

ýatlamak bilen başlaýadym. SEN hakda pikir etmesem ýer çöwrüljek ýalydy. Dünýä

sygyp bilmedim. Seň bilen ýuwaş-ýuwaş gürleşip başladyk. Söýgüme sözlerime

sygdyryp bilmedim.                       Men duşuşyga howlugamokdym, seni ýitirmejegime gözüm

ýetýärdi, wagt kändi. Seniň bilen gürleşip birwagtda sen hakda köp zatlary

daş-töweregiňden ideýädim, soraýardym. Seniň öň söýüşmedigiňi bilemsoň saňa

açylmakdan çekinmedim, saňa söýgüm hasam artypdy. Men owadan gyzy söýmerin

diýip ýörkäm, bu pikirimi üýtgetmäge mejbur boldum. Seni söýdüm. Bu duýga

düşünmek kyn. Bir görseň iň süýji zat, bir görseň iň ajy zat. Içimde saklap

bilmän, göýä saklasam janym çykaýjak ýaly, zol 

jaň edip söýýänligimi, meni aldamazlygyny soraýadym. Seň sesiňi

eşidenimden soň, rahatlanýardym. Uludan demimi alyp, içimden begenýärdim,

arasynda begenjim daşyna çykyp çalaja ýylgyrýan pursatlarymam bolardy. Seniň

her sözüň owadandy. Sen bir gyzyksyz zady gürrüň bereňde, men ony höwes bilen

diňlärdim, ýene sesiňi eşitmek üçin samsyk sorag beren bolardym, senem höwes

bilen jogap bererdiň. “Bir kemsiz gözel bolmaz” diýipdirler. Men şol kemi senden                                                      tapjak boldum, başarmadym.                   Günleriň birinde şäherimiziň mekdeplerini bir sebäp bilen üýşürenlerinde, seni ilkinji gezek görüpdim. Sen şeýle owadandyň. Joralaryň gülşüp-degşip durka, sen uly gyz ýalydyň. Käwagtam çalaja ýylgyryş..., ol göýä bir ok deý ýüregimi gyýypjyk giderdi. Meniň synlap duranymy bilip seniň agrassyran bolşuňa gülkülerim gelerdi. Öz ýanymdan guwanardym syratyňa. Seniň saçlaryňy görerdim weli, wah, şu gyşyň howasy kelläni ýalaňaç goýarmy?!Men ýeke seniň gözleriň we çynar boýuň bilen kanagatlanmaly bolup galdym.Sowuk bolsa-da, dost-ýarlarym üşese-de, maňa sowuk täsir edenokdy.Näme üçindir men seniň gözlerime bakmagyny isleýärdim.                     Sen bakmadyň. Soň soradym “näme üçin maňa seretmediň?” diýip, sen “men seni

söýemog-a” diýipdiň, men bolsa çynym bilen güldüm weiçimden” näzleriňden aýlanaýyn” diýipdim.

Seniň joraň meniň kömekçimdiblum. Men joraňdan soraşýadym. Joraň seniň hiç haçan

oglana üns bermändigiňi, diňe meniň onda bir ajaýyp duýgy döredýänligimi

aýdýardy. Saňa söz aýdanam kän bolupdyr, ýöne sen ähmiýet bermänsiň olara.

Hamala, men-ä “hiç kime söz aýtmandym” diýip, senem “men hiç kimiň sözüni

almandym” diýip özümiz buýsanýan ýaly. Ikimizem şeýle bolanymyz üçin

biri-birimize sözümiz ýöremelidir öýtýärdikmi bilmedim. Günlerimiz aňsat

geçýär. Biz bir saparam duşuşyp görmedik. 1, 2 soňra 3 aý geçdi. Saňa

duşmazymdan öň men hiç kim bilen halaşmadym, şonuň üçin men özümden arkaýyndym.

Men seniň her edýän işiňe baha bermäge hakym bardy. Saňa sögmegi özüme abraý

bilen ýagdaýlarym bolardy. Bir sapar öňkülerden gatyrak sögendirin.Netijede

seni agladypdyryn. Men munuň üçin gynanmadym, gaýta özüme guwanypdym.Başda gowy gürleşýänem bolsak soň, meniň şol

häsiýetim üçin köp goh boldy. Men soň düşündim, men ýalňyşypdyryn. Soňam seniň

maňa bolan öňki garaýşyň düýpgöter üýtgedi. Men öňki gohlarda saňa “daşlaşma

menden” diýemde, sen “ýok, ysnyşýan” diýýärdiň, indi welin... Sen maňa “söýýän”

diýmän ekeniň. Şol hem seniň iň uly goragyň boldy. Men ol zatlary näçe ýatdan

çykarmagyňy soradym, men beýle netijä garaşmadygymy aýtdym. Sen bagyşlapdyň,

ýöne hemme zat öňki ýaly däldi. Ondan soňam gohlar boldy. Ýene aýralyk. Bilmedim

sen meni küýseýäňmi ýa ýok, agladyňmy men diýip, ýene birje sapar?

Seň bilen gürleşmeýänime iki hepde boldy. Men

eýýäm seni unutdym. Kellämde ýeke-de sen hakda pikir ýok. Men indi öňküler ýaly

seniň suratlaryňa sagatlap synlap oturamok, men olary düýbünden ýok etdim. Indi

gijelerine öňküler ýaly seniň üçin gussa ummanyna özümi uramok, bir gyz üçin

janymy gyýamok, arkaýyn ýatýan, turamda-da ýylgyryp turýan.Men gözüm kör eken, görüp otursam

daş-töweregimde owadan, akylly gyzlar dökün. Seňkiden başga-da owadan saçlar,

seňkiden başga-da owadan gözler, seňkiden başga-da al ýaňaklar bar eken. Haýsy

gyzy halasaň saýlabermeli, ol bolmasa ýene birine geçibermeli. Meniň gözlerim

şunça wagtlap diňe seni görüpdir. Bir gyz üçin kelläňi agyrdanyňa degenoklygyna

düşündim. Indi men ýaşlygymyň lezzetini alýan. Her gün bir gyz bilen duşuşýan.

Hersem menden bir zada hantama, meň bolsa peňime-de däl. Men indi öňküm ýaly

sähelçe zada gynanamok. Daşdan ýüregiň bolsa gör nähili gowy eken, hiç zady

alada etmeli däl eken, diňe özüňi bilmeli eken, diňe özüňi söýmeli eken.

Öňküler aýdypdyrlar, gyza bilen duza gytçylyk ýok, men öň muň bilen ylalaşmaýan

bolsam, indi düşünýän. Gyz diýlene birem kelläni agyrtmaly däl, maňa köp aýdýardylar,

azdyrýaň. Ýöne men özümi akylly saýypdyryn, diňlemändirin. Indi düşünýän. Men

nesip bolsa, okuwymy dynyp, işime başlaryn. Öýdäkiler kimi saýlasa, şolaryň

diýeni bilen bolaryn. Şony alaryn we çagajyklaryma ýüzüm düşer. Ýöne men

bilmedim, söýerinmi söýmerinmi çagalarymy?! Ýok, söýmerin, öň söýüp näme

gördüm, men söýsem azdyraryn, ýene bir sapar maňa eziz bolan adamy.



Ýok, gülüm, bu meniň ýene-de

gaharyma ýazan zatlarym. Meniň näme samyrdap ýörenimi diňleme akylym. Men saňa

aýdypdym “damarymdaky ganym ikimiziň çagamyzda akmasa, goý, ol hiç çagada

akmasyn” diýip. Ol şeýle-de bolar. Men sözümde durjak bolup beýle etmerin, men

söýgüň bardygyny, saňa bolmasa, beýleki ýaşlara subutnama bolaryn aýym. Men

seni, ýeke seni söýerin! Ýeke seniň üçin ýaşaryn, seniň gözleriň üçin ýaşaryn...



Halkyň sada

dilinde ýazdym. Meniň göýberen ýalňyşlyklarymdan bir zady öz geljegiňiz üçin

sapak edinensiňiz diýip pikir edýän.