Bangkokda ýaşaýyş.
Salawmaleýkimler.
Kimiň ýadyna düşýän bolsa, Fewral aýlarynda, Bangkoga gezelenç diýip mowzuk açypdym. Şol wagtlar "Garaz, işleri bir ýanly edip, Bangkokda ýaşamak planymda bar. " diýipdim welin, şol planlar amala aşdy diýen ýaly.
Ine-de bu gün bangkoga syýahat dälde, bangkokda ýaşaýyş hakynda käbir pikirlerimi paýlaşaýyn diýdim.
Ilki bilen, ýaşaýyş Türkmenistan bilen bahalary deňiräk diýsek hem bolar. Belki TM-dan arzan hem bolmagy ahmal, ýöne kän ara-tapawudy bildirenok.
Wiza hakynda, biz ýaly entäp ýörenlere, turist wizadan başga wiza berenoklar. Ýa-da okuwa ýazylyp 1 ýyllyk okuwçy wizasyny almaly, iş wizasyny almak kynyrak. Olar hakynda hem aýdyp geçmekçi.
Turist wiza, 2 aýlyk berilýär ýöne bärde ýene-de bir aý ulaldyp bolýar öýdýän. Ýagny 3 aýlyk wizaň bar. Ondan soň başga bir döwlede çykmaly we täzeden ýurda girmeli. Bu hem oňuşmazça dälmikä diýýän, golaý döwletleriň birine baryp gaýtmak kän bir gymmada düşenok.
Iş wizasyny almak kynyrak. Egerde öz firmaň bolsa, onda iş wizasyny berýäler. Ýöne firma açmak üçin, iň azyndan 2mln baht (65 müň dollar) kapital görkezmeli we 2 sany thai işgäriň bolmaly. Ýene-de şeýle bir zakonlary bar, firma açmakçy bolsaň, ýeke özüň hiçhili açyp bileňok. Diňe thailar bilen bile işleşip firma açyp bilýäň, olam 51% hökmany suratda thai birine degişli bolmaly. Ýagny firmanyň eýesi ol, diňe 49%-i seňki. Hökümetlerinde halan iň gowy zakonym, munam aýlap çolap geçýäler ýöne şeýle zakonyň bardygy hem begendirýär. Hökümedi halkynyň aladasyny edýär. Eger daşary ýurtly birini işgär hökmünde çagyrjak bolsaň we iş wizasyny düzeltjek bolsaň, her daşary ýurtly işgäre 2 sany thai işgär almaly. Bu hem halky işsiz goýanok.
Jaý ýagdaýy, jaý arenda berýän gaty köp. Bahalar 250$-dan başlaýar. 300$-e ýaşap boljak kwartiralary tapsaň bolýar. Şäheriň çetiräklerinde 300$-400$-e ullakan 2 etaž plan jaýlary hem alyp bolýar. Ýöne edil şäheriň merkezinde bolsaň studiolar bar. Ýagny hotele meňzeş. Ähli zat bir komnatda ýerleşen. Elbetde saýlaw özüňe bagly, isleseň çetiräkde ýaşap bilersiň, eger şäheriň merkezinde ýaşamak size wajyp bolsa şäherde…
Iýmit ýagdaýy. Belki eşidensiňiz, thailaryň öýünde aşhana bolanok diýip. Hakykatdan hem ýok. Herkim daşardan iýip içýär, taýýar naharlar gaty kän. Işe barýaka ýolda ertirlik edinip ýörenler hem bar. Nahara hem gündelik 10$ arkaýyn ýetýär.
Dillerini ýuwaş-ýuwaşdan öwrenseň boljak. Häzirlikçe diňe salam-selim we sanlary öwrendim diýseňem bolar. 🙂
Thailara meňzämsoň, köp ýerde thaiça birzat soraýalar we jogap berýäler. Düşünemok diýeňden soň, paty-puty iňlisçe düşünşýäs. Meňem iňlisçäm zordan bolansoň, ker bilen kör ýaly köp ýerde. 🙂
Bangkok şäheriň slogany "City of smile". Hakykatdan hem şeýle. Hemme kişi ýylgyryp sereder, köneje bir komerçiskiden birzat alsaňam satýançysy ýylgyryp durandyr ýüzüňe. Berilýän serwisler hakykatdan hem gowy.
Garaz thailar üýtgeşik halk, meselem, "irden suwa düşdüňmi?" diýip soraýan halk. 🙂 Öň "ertirlik edindiňmi?" diýip soraýanlara, içimden "seň näme işiň" diýýädim. Emma ondan beterleri hem bar ekeni.
Garaz, thailar hakynda birzatlar öwrenensiňiz diýen umyt bilen.
Arhiwiň ýagdaýy
● Doly tekst
● 47/47 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 24 maý 2012 ý. · Asyl sahypany gör ↗
Teswirler 47
bäh gaty gowy pikir $ol ýerde firma açaýmaly etdinay himya senagaty naili ol yerde
himiýa senagatyny bilmedim. IT ugur bolansoň, diňe şol ugur bilen gyzyklandym. Bizem Verilofty, bärde firma hökmünde açmakçy bolýas we häzir öwrenip ýörüs diýen ýaly. Veriloft Türkmenistanda firma hökmünde geçýär we bärde diňe filýal şeklinde, branch şeklinde açmagymyz ahmal.
Thai web programistleri nireden tapmaly, ortaça aýlyklary näçe.... Garaz bular hakynda hem indiki bloglarda aýdyp geçmekçi.
65mün dollar bolsa erbedem dal eken yöne ynamdar adam gerekda
Agajan, ishlerinde ustunlik 🙂
bah, sagbol, sheydip tanadyp dur bize. Gidesim gelip gitday
himiya senagaty barada koprak maglumatlar bar bolsa paylashsan gowy bolardy meninem ugrym sol welin gidip gorsen erbedem boljak dal oytyan
gig 😆 😆 menem shey d.p soramasam indi 😆
Belki-de gorkezilyan reportajlardandyr,yada edilyan gurrunlerden:y evropada Thailand,Bankgok diysen derrev sex-turizm yada dushya;
Yevropa erkeklerinin arzan hem-de ovadan ayallar uchin gidyan holiday destination-y;
HIV-in gullap osyan yeri.
Bu barada name aydyp biljek,Agajanh ?
Üstünlik isleriñde.
Waleykimsalam.
Hawa, hakykatdan hem şeýle.Ýöne owadan aýallar diýen ýeriňe goşulamok 😆
Garaz, turist gaty kän. Arada Hotel Finder diýip, bir proýekte başladym, ýagny bangkokdaky hotellerden gowusyny saýlap bilmek ideýa. Şonda hotelleri ýygnamda, diňe bangkokda 600-den köp hotel bar. Soň göz öňüne getiriň, bir şäherde 600 sany hotel. Bar ekonomika turistleriň üstünde. Olam sex-tourism.
Jay arendalary yaman arzan eken. Jennet 🙂
Beh,sagbol maglumatýňa,ýitdiňä dost,beh pullarnyň adyny gowy goýupdyrlar baht=>bagt,näçe bagtyň bar ?.taýskiý massaj aldyňmy ? :-), nemelay o taýda-da marşyrowkami,göwnüme bolmoso, oloň durmuşy bizeňkä meňzeş bolso:-).
Taýskiý massaj aldym welin, diňe foot massaj. Galanynyň soňy, ýokardaky komendime barýar. 🙂Foot massaj hem 1 sagadyňa 2-3 dollar.
Çärelerinä bilmedim welin, halkyň özi söýýär hökümedini. Hiçhili güýç bilen edilýän zat ýok ýaly görünýä. Bulaň karolyna söwseň, Hudaýyna söwen ýaly. Portretine salam berip, başlaryny egip geçýäler.
beh massaj mugt ekenilay,yashayysh jayam sheyle,dillera yone gaty gulkunch bolmaly kursdashlam bar welin bir hili gaty kyn dalmi dili?
traffik jam beyle bolsa yashap bolmaz...
nememaý... ol arassaçylyk ýagdaýy nähili? naharhanalar, köçelerde nahar bişirilýän ýerlerden burnyňy tutyp geçmeli däldämi?! a to bäriniň hapysalary haýwandan üýtgeşik ýaşanoklar. Hytaý-a gaty hapysa we medeniýetsiz halk.
wi, onsoňam, fotoaparatyň näçe megapixelligaý?
hahahah lol😆😆
bangkok,aylanayyn tm'dan,o tayda esignam guradyp bolonogow beter cyg,hapysacylyk,transvistitlar,dunyan in gow jyns uytgetme operasiyalary gecirilyar,mena dine aeroportyny halayan.
gardaş ALLAH işiñe üstinlik bersin.Halky haysy dine ynanya,şäherlerinde mesjit känmi?paylaşyp dur.