DILE ALLAHYM

DILE ALLAHYM!

Eý, ýaranlar, aşyk boldum men bir “melege”,
Iki dünýe oňa waslym dile, Allahym!
Külli emriň ýetir Sen bu pelege!
Iki dünýe oňa waslym dile, Allahym!

Tanap ony begenjimiň çägi ýok.
Onsuz dünýäň tagamy ýok, duzy ýok.
Onsuz synag berme, mende sabyr ýok!
Iki dünýe oňa waslym dile, Allahym!

Ýeňilemde nebsime, ol meni jylawlasyn!
Haýyr işde hemişe ol meni gylawlasyn!
Dünýäde-de maşgalamyz jennetden bakja bolsun!
Iki dünýe oňa waslym dile, Allahym!

Görünişde aramyzda bardyr uzaklyk,
Köňül bagy eder ony ýakynlyk,
Özgeler etmesin muňa bahyllyk!
Iki dünýe oňa waslym dile, Allahym!

Ýatlanymda seniň aradaşlygyň,
Göz öňüme gelýär seniň ýaşlygyň.
Arzuwym sypamak tylla saçlaryň.
Iki dünýe oňa waslym dile, Allahym!

Ruhlar äleminde görüşdik belki?!
“Ölmesem seniňki, ölsem ýeriňki”!
söýgim, janym, tenim – bary seniňki!
Daýym meni oňa rowa görgün, Allahym!

Dilegim oň bilen maşgala gurmak,
Jennetiňde Habybyňa biz goňşy bolsak,
Bakyýetde her juma Jemalyň görsek!
Dileglerimi kabul eýle, Beýik Allahym!

Özüňe laýyklykda bendeler boljak,
Habybyňa laýyklykda ymmaty boljak,
Watana, millete peýdaly boljak,
Nesilleri bize bergin, Allahym!

Kalbymyzy nurlandyr iman yşygy bilen,
Gözümizi aýdyňlat Kuranyň nury bilen,
Ýolumyzy Sen ýagtylt Muhammed Ilçiň bilen,
 Dogry ýola gönükdir bizi, Allahym!
===============temany acan ynsan agza

awtoryny bilemok