Khedira, Kaka, Higuain we Carvalho AC Milanda

Diýesim gelip gitdäý şu habary okap. 🙂

Italýanlaryň AC Milan futbol kluby Ispanlaryň Real Madrid futbol klubynyň 4 sany futbolçysy üçin jemi 100 million € töweregi pul çykarmagy göz öňüne tutýar. Bu barada "Marca" habar berýär.

Silvio Berlusconiniň bu 4 adamlyk spisogynda ilkinji bolup Germaniýanyň Milli ýygyndysynda hem oýnaýan Sami Khediranyň ady geçýär. Milanlylaryň baş tälimçisi Massimiliano Allegri hem bu futbolçyny kluba getirmek bilen, ýaşy bir çene baran Gennaro Gattusonyň esasy düzümdäki ýerini Khedira bermekçi. Ýene bir tarapdan seredeňde, kluba Hamit Altintop, Nuri Şahin ýaly ýarymgoragçylaryň gelmegi bilen Khediranyň Real Madridde esasy düzümde oýnamak ähtimallygynyň belli bir derejede peselmegi mümkin. Emma ýene bir zat bar, ýagny, Khediranyň "Korolewkiý Klub" bilen 2015-nji ýyla çenli bolan şertnamasy bu futbolçyny Milanda görmezligimize sebäp bolaýmagy hem mümkin. Futbolçynyň transfer bahasy 20 million € töweregi diýlip kesgitlenilýär.

Milanyň ýolbaşçylarynyň (Aslynda hemme Milanly fanatlaryň) klubda görmek isleýän ýene bir futbolçysy Kaka. Uzak wagtlap alan leçeniýasyndan soň ýene-de meýdança dolanan Kaka, Mourinhonyň 11 adamlyk esasy düzümindäki ýerini entegä doly alanok. Onda-da Madridiň soňky oýunlaryndan Kaka şowlyja oýunlar-a çykardy. Eger-de transfer amala aşaýan ýagdaýynda Kakanyň transfer bahasynyň 65 million €-dan ýokary bolmagyna garaşylýar.

Mourinhonyň Interde tälimçi wagtlary bile işleşen hüjümçileriniň biri, Milanly Zalatan Ibrahimovićiň hem ady soňky günler Real Madrid bilen agzalmaga başlandy. Habaryň näderejede dogrudygyna bilemok, emma Mourinhonyň Ibrahimivićden ýüz öwürjegi ikuçsyz. Eger-de Ibrahimović klubdan gidäýen ýagdaýynda Milanlylar bu boşlugy Real Madridli Gonsalo Higuain bilen doldurmagy göz öňüne tutýalar. Argentinanyň Milli ýygyndysynda hem çykyş edýän bu futbolçyny 35 million € töwereginde bahalaýarlar.

Milanyň ýolbaşçylary ýokarda ady agzalan 3 futbolçy bilen birlikde Real Madridli Ricardo Carvalhony hem klubda görmek isleýärler. Real Madridden öň FC Portoda, FC Chelseada oýnap ýyllaryň tejribesini özüne ýygnan 34 ýaşly Carvalhonyň ýaşynyň bir çene baranlygy sebäpli Milana mugt düşmegi hem mümkin.

Khedira - Kaka - Higuain - Carvalho.
Indi bulaň 4-sinem alyp bilsegä oňa ýetesi zat ýok. Eger 4-si bolmaýanda-da Kakany bir alaýsak-da. Özüm-ä şulardan Khedirany kän bir halamok, ýöne olam ýokdan gowy. Hany geçerlerläý nesip bolsa. Galanynam wagt görkezer-dä.