Gyz ünjüsi (N.Rejebow)

Meýdan dü$elgesi. Tuduñ kölgesi,
Ýigitler bir ýanda, gyzlar bir ýanda.
Zähmet bilen jo$up Murgap jülgesi,
Ýürekde çe$me deý ýa$lyk gaýnanda.

Orta çykyp oslanmadyk bir oglan,
Çalmaga ba$lady dilli tüýdügin.
(Haýran galaýmaly, ol mundan owal,
Hat-da diýip bilmeýärdi diýjegin).

Saýradyp tüýdügin $irinden-$irin,
$eýle bir süýjüdip, sojadyp çalýar.
Bir pynhan gudratdan galkynan jiger,
Gör, nije ýüregi heýjana salýar.

Ýigitlerem haýran, gyzlaram haýran,
Özem haýran galyp çalýar o sazy.
Kim bilsin, sazmy ol, mukammy ýa-da
Ýüreginde gaýnan y$kyñ owazy?!

Ol $eýle bir çalýar, onuñ çal$yny
Dil bilen-ä beýan etmez hiç kimse.
Tüýdük bolsa, berbat edip kalbyñy
Gepläp durdy örän dü$nükli dilde.

Ol saz çalýar. Hol bir çetde zyba gyz,
Otyr gabagyny galdyryp bilmän:
Gyzarýar, ýazgarýar, gelýär toba gyz:
"Wah, aklyñ nirede, nirede kelläñ?!"

Uýalýar gyz, laplap ýanýar ýañaklar,
Ähli syry ä$gär bolandyr öýdüp:
"Heý, söýginem $eýdip pa$ etmek bormy,
Heý, syryñam ýaýmak bolarmy $eýdip?!"