TÜRKMENISTANYŇ DÖREDILEN GÜNÜNE

NESILLERIŇ AÝDYMY

Güýz gününiň bir gününde döredi,
Tokaýlygyň tümlüginde döredi.
Onsoň ýaňlandyryp töwerek-daşyn,
Batly gadam bilen öňe ýöredi.

Ýigrmi dördüň güýz gününde döredi,
Sähralaryň jümmüşinde döredi
Otly sähralary galdyryp haýran,
Batly gadam bilen öňe ýöredi.

Güýz agşamynyň ýalkymyndan döredi,
Derýalaryň tolkunyndan döredi.
Tolkunlaň sesine goşup sesşnş,
Batly gadam bilen öňe ýöredi.

Hemme ýerde joşa geldi ol aýdym,
Uzak ýörişleriň täsin mukamy.
Çagajyklar bolsa sesde baryndan,
Gygyrdylar: “Bagtymyzyň beýany”,

İne şeýdip Oktýabryň aýdymy
Ýaňlandyrdy uç-gyraksyz dünýäni.
Eý sen ajap mukam,
Eý, sen ajap mukam,
Mukamlar başy
Nesillere sen nuruňy Gün ýaly.
Halyl Kuly