Teswirlerdäki Söýgi 5: Söýgi rowaýaty

 "Bir bar eken, bir ýok eken. Bir wagtlar virtual dünýäde Teswirler atly bir okrug bar eken. Ol okrugda-da ady rowaýata öwrülen, emma atlarynyň agzalyp geçilmegini islemeýän aşyk-magşuklar bar eken. Olar bir-birlerine ilkinji teswirde aşyk ekenler. Okrugyň agzalaryndan bukulyp Teswirleriň T harpynyň arkasynda duşuşýan jübit üçin Teswirler darlyk edýän eken. Oglanyň çatda ýazýan zatlary gyza barman baslaýar. Teswirlerde ýygy-ýygydan tehniki işler geçirilip baslanýar. Bir günem oglanyň:

Sen sahsyma ýazýan ýeke-täk bir gyz,
Gördüm, hasabymda goýupdyrsyň yz,
Garaman ýazýan teswirleriňe,
Laýyk gördüm mowzukdaky ýüregme.

-diýip ýazan söýgi gosgyşy gyza barmaýar. Sabry tükenen oglan gyzy sol öňki ýere duşuşyga çagyrýar we gaçmagy teklip berýär. 
Gyz: nirä?
Oglan: virtual dünýäden uzaga, reala 
Gyz: ýöne, ezizim biz real dünýäde bize nämeler garaşýanyny bilemzoga
Oglan: Realdaky aşyklaram özlerine o dünýäde näme garaşýanyny bilmän gidýärler-ä. Bizem söýgimiziň şanyna riskowat etmeli bolalarys, ezizim.
Gyz: ýöne...

Gyzyn ýönesine seretmän karar alýarlar we uly il Pikirler raýonynda güýmenýän wagty "Jyrjak" depä çykyp özlerini aşak oklaýarlar. Şeýdip Teswirlerdäki ilkinji teswirden söýgi rowaýaty tamamlanýar. Olaryň söýgisine Teswirlerdäki smaýlklar aglaýar. Şol eli gyzyl ýaglykly aglaýan smaýlk aşyk-magşuklaryň döwründen galan.

 Okrugda bolsa jenaýat işi gozgalýar we ýene-de Şerif Moderator bar işini taşlaýar, öz işine başlaýar. Ol bu wakany oglan gyzy bilgeşleýin "Jyrjak" depeden zyňdy diýip ýorumlaýar, emma Duýgylar bölümiň ekspertizasynyň beren netijeleri esasynda bu jenaýat işi Söýgiň işi diýip ýapylýar... 

MekaMergenius: hahahaha.. duraber Quo, jenaýata geçip gitdiňä..

[11:23, Meka'nyň ofisy]

Quo: 
-ýok, bu soňy -diýip, stolyň üstünden bir magyz aldy-da yzyna ýaplandy.
Meka:
-Quo munynam erbet däl, ýöne bize hakyky Söýgi rowaýaty gerek. Özüň bilýäň Teswirlerde şu wagt tehniki işleri gidýär. Basym saýt açylar we biziň 5-nji wypuskymyz Baş sahypada ses getirmeli. 
Quo:
-düşünýän. Onda hana, Generalissimusa haýyş ediň. Dramany sol oňarýar - diýip Generaly görkezdi. Özüne söz berilerine garaşyp otyran General:
- Örän gowy söýgi rowaýatlary ýa-da söýgi barada kinolar bar. Şolaryň üşetýän bir sahnasyny alyp üstünde isläp bolardy - diýip, Meka seretdi.
 Meka:
 -mysal üçin?
General: 
-mysal üçin Titanik
Meka: 
-Gämiň ujyna çykyp ellerini açýan ýerimi?
Quo:
-ýok, gämini suw alanda garryja ýaşok öz aýalyny gujaklap ölüme garaşyp ýatan ýerleri
General:
- Tapawudy ýok. Täsirliräk edip ýazyp bilsek bolýar.
Quo:
-Onda agzalaryň rowaýatyny ýazmagy teklip berýän.
Meka:
-meselem kiminkini?General:-Rainman bilen Rain_girlyňkyny
Quo:
-Rainman bilen Rain_girlyňkyny???... - diýip, gaşlaryny galdyryp Generala seretdi.
General:
-hawa, Rainman bilen Rain_girlyňky.
Quo:
- olar näme söýşüp ýörlermi?

[11:30, Stambul-Aşgabat reýsine gatnaýan howa gämisi]

Rainman:
- hawa, eýýäm 1 ýyl bäri -diýip, gapdalynda otyran ýasulynyň "näçe ýyl bäri Stambulda işleýäň?" soragyna jogap beripdi.
Ýaşuly:
- zähmet rugsadyna çykdynmy?
Rainman:
- ýok, Aşgabada 2 günlik barýan -diýip, beýlesine öwrüldi. O bolmana uçaryň hyzmatçy gyzy ýylgyryp "gaçyrdyňyz" diýip, Rainmana elinden gaçyran zatjagazyny berdi. Rainman ony hiç kime görkezmek islemeýän ýaly edip dessine hyzmatçy gyzyň elinden aldy.
Ýaşuly:- hä, onda iş bilendä?! -diýen, soragyna Rainman göwünli-göwünsiz "ýok" diýip, gysgaça jogap berdi. Ýaşulam düşünen borly sorag bermesini bes etdi. Soň Rainman edenine azajyk ökünip:
- Doglan güne barýan, agam - diýdi.
Ýasuly:-Tüweleme, kimiň doglan gününe?

[11:34, Meka'nyň ofisy]

General:
- Ýogsa-da, bugün Rain-girlyň doglan güni - diýip, sagadyna seretdi-de dowam etdi:
- Rainmanam şu wagt uçardadyr. Rain_girlyň doglan günine sowgat etjek diýipdi -diýip, ýylgyrdy.
Quo:
- aý,nätdiňaý?.. - diýip, aşak seretdi-de, azajyk pikirlenip ýylgyrdy.
General:
-hä, näme boldy?
Quo:
-ýok, hiç.. onsoň, nädip tanyş bolanlaryny aýtdymy?

[11:36, Stambul-Aşgabat reýsine gatnaýan howa gämisi]

Rainman:
-Ilkinji duşuşygymyz virtual dünýä-de bolupdy. 
Ýasuly:
- näme ...wal dünýäde? - diýip, ýaşuly öň eşitmedik sözüne düşünmedi.
Rainman ýylgyryp:
-virtual.. internetde tanyşypdyk.
Ýaşuly:-
 baýboo..
Rainman:
-başga gürleşere tanyşara gyz kän bolsa-da, näme üçin özüne çekmäne başardy şol gyz. Gyzyklandym we dostlaşdyk. Ähli pikirlerimiz, garaýyşlarymyz gabat gelip dur onuň bilen. Halaýan zatlarymyzam meňzeş eken. Entege çenli hiç kim bilen beýle köp umumylyk tapyp görmändim. Käte gürrüňler gijelere çenli uzardy. Şolar ýaly günleriň birinde men oňa bolan duýgylarymy beýan etmek üçin "skuçaýu" diýip ýazypdym. Olam ýalňyş düşünip gabandymy nämemi başga ýerden "skuçaýu" diýip ýazypdy. Menem onsoň "skuçaýu" sözüniň oňa degişlidigini aýtdym. Şeýdip açyldyk bir-birimize we dessine men duşuşmagy teklip berdim.

[11:45, Meka'nyň ofisy]

Quo:
-beh, Rainmanyň özi tanyşmak isläpdird-ä.. 
Meka:
-soň, yzyna näme General? Duşuşyklaryny aýdyp berdimi?

[11:46, Stambul-Aşgabat reýsine gatnaýan howa gämisi]

Rainman:
-ilkinji duşuşyk ýuwaşrak, adam az ýerde geçmeli diýip, ir sagat 06:00-da 9 gat ýaşaýyş jaý binanyň çerdagynda duşuşmaly etdik. Aç bolmazymyz ýaly ýanym bilen iýer ýaly kökejik eltipdim - diýip, azajyk gözüni dikip otyran nokadynda saklap nämedir bir zatlary ýadyna salyp ýylgyryşlary bilen güldi.Ýaşula tarap seretdi-de dowam etdi:
-ilkinji duşuşygymyz bir hilirägem boldy welin, romantiçno boldy. Onuň pikri, sözleýşi meni şeýle bir ýakynlaşdyrdy welin, men duşuşyga gidem-de onuň daş keşbi kän gyzyklandyrmandam. Emma, ýa-ha ýaňy dogan günüň ajap şöhlesi onuň ýüzini owadan edip görkezdi ýa-da onuň owadan ýüzi günüň şöhlesini ajap edip görkezdi. Garaz, ol gözellikden gözümi aýyrasym gelmedi. Jübime salan kökäm çerdaga çykanymyzda owranypdyram welin, owuntyjyklary alyp ýekäm-ýekäm gezekleşip gumrylar ýaly köke iýmegiň lezzeti başga boldy... - diýip, ýene azajyk sägindi-de:
- bilemok, aramyzda bolýan ähli zat meniň oňa bolan duýgymy has güýlendirýän ýaly.
Ýaşuly:
-düşünýän -diýip, ýylgyryp Rainmana tarap seretdi-de:
-Duýgy, gaty güýçli zat. Duýgy seniň bedeniňdäki ähli öýjükleri bir maksat üçin hereket eder ýaly edip bilýär -diýip, ýaşuly öz öňüne öwrülip goltuk jübsinden bir blaknot bilen ruçka çykardy-da:
-inim, bir ýyldan bäri bile diýipmidiň?

[12:05, Meka'nyň ofisy]

General:
-hawa, bir ýyldan bäri bile.
 Meka:
-Quo, näme diýýäň? Söýgi rowaýaty ýasap bolarmy şulardan?
Quo:
-bu eýýäm söýgi rowaýaty bolana meňzeýär -diýip, ýylgyryp Generala seretdi-de:
-Rainman näme sowgat etjekdigini aýtdymy?

[12:06, Stambul-Aşgabat reýsine gatnaýan howa gämisi]

Uçaryň hyzmatçy gyzynyň "gaçyrdyňyz" diýip, beren zadyny elinde eýläk-beýläk aýlap pikirlenip otyran Rainman arasynda gaty-gaty ýylgyraýmasam bardy. O bolmana ýaşuly:
- ýogsa-da ol gyzyň ady nämedi?

[12:10, Meka'nyň ofisy]

Quo:
-Ýyldyz agzany tanaýaňyzmy?
Meka:
-hawa
Quo:
-ana, şol gyzam bir wagtlar Rainman bilen dostlaşjak bolupdy, emma şowsyz bolupdy.
General:
-indi? näme bar bärde beýle?
Quo:
-siz nä bileňzokmy? Ýyldyz Rain_girlyň öňki lakamy
General:
-öňki lakamy???
Quo:
-hawa, öňki. Rainman başda oňa ýok diýse-de, adyny Rain_girla öwrensoň özi ilki gyzyklanypdyr. 2 lakamdakam şol bir gyz, emma birine ýok diýýär, beýlekisi bilen bolsa özi tanyşmak isleýär.
Meka:
-baýbooo.. Rainmanyň öz habary bir barmyka?!
Quo:
-bilmedim, Rain_girlyň ady Rainman üçin gyzyklanma döreden bolmagy mümkin. Sebäbi Rain_girlyň Ýyldyzdan ýeke tapawudy bar, olam ady.
General:
-nätdiňaý muny Quo
Quo:
-bu diňe bir adama ýarap biljek ýaryň ýeke däl-de birnäçe bolup biljegini aňladýar. Haýsy bolsa biri bilen tanyşlyk bolanda bolsa ol ýeketäk ýaly hasaplanýar. Käwagt oglan bilen gyza bile bolmak miýesser edenok. Şolar ýaly ýagdaýda ýeketägim diýip hasap edýänler ýeketägimi ýitirdim diýip özüni heläk edäýýärler. Söýgiň üçin göreşmeli, ýöne bile bolmak juda miýesser etmese meniň ýokarda aýdyşym ýaly saňa ýarajak başga-da ýarlaryň bardygyny bilmeli.
Meka:
-hmmm...
Quo:
-Teswirlerdäki Söýgi 5 hem edil şu barada bolar -diýdi ,welin gapy kakyldy. Içeri Mekanyň kätibi Enigma girip:
-başlyk, Teswirler.com ýapylýar.
Meka:
-düşünmedim?
Enigma:
-Agajan indi saýty açjak däl diýipdir. Indi agzalaryň köpsi ertir.com'da otyrýar -diýip, planlary ters çöwüren habary getirip gitdi.Meka pyrlanýan otyrgyjynda ýokaryk garap iki ýana pyrlanyp başlady. General bolsa:
-aý, näme bähbitlisi oglanlar. Eseriň çap bolmak nesibesinde ýokdyrda -diýip, kompýuterini öçürip eline aldy-da edil Titanik filmdäky gämi gark bolýan wagty saz çalyp duran sazandalaryň biri ýaly:
-siz bilen işleşmek meniň üçin uly bagtdy -diýip, Quo we Meka bilen elleşip gapa tarap ýollandy. Gapydan çykjak wagty yzyna seredip olaryň ýerindenem turman otyranlaryna gördü-de yzy baryp täzeden kompýuterini açyp:
-hawa, Ertiriň haýry barada näme ýazýas onda -diýip, olaryň ikisinede seredip ýylgyrdy.

SOŇY

MekaTV we Alty Garly production  [Hiç hili hukugy goralmadyk]