Özüñi käte bir undup bilsediñ... (N.Rejebow)

Özüñi käte bir undup bilsediñ,
Kimdigiñ düýbünden çykaryp ýatdan.
Güleñde kalbyñy çöwrüp gülsediñ,
Gark bolsa gözleriñ owasy ýa$dan.

Heserli nazara uçran juwan deý,
Ähli zady undup togtasa kelläñ.
Bu dünýäde bagtly bolsañ bir pursat,
$ohal bagtlydygyñ özüñem bilmän.

Biz nähili beýik bolýas, mukama
Meýmiräp özümiz undan pillämiz,
Ýöne ýürege erk berýärmi näme,
Halys "depämize çykan" kellämiz?

Biz neneñ adyl hem arassa bolýas,
Beýniñ däl, ýüregiñ erkine berlip.
Gözümizi süzüp çägäñ üstünde,
Güzerlerde ýatan çagymyz serlip.

Ýok, paýhasdan nadyl däl men aslynda,
Akylyna sarpa goýýan ynsanyñ.
Ýöne ol özüniñ derejesinden
Belende göterip bilmez ynsabyn.

Ýürek bolsa seniñ ba$ky päkligiñ,
Günäsiz, etmi$siz neresse çaga.
Ýürek - seniñ ýalñyz mümkinçiligiñ,
Iñ asyl çagyña gaýdyp barmaga.