Ýesir
Çykalga ýok, duýgularym gandally,
Serediň ahyry meni nätdiler.
Yzyma it salyp, çykaryp ilden,
Şygyr şalygyna sürgün etdiler.
Ýürek telwas urýa, tapanok karar,
Gök läle bolmuşdyr, ýer ýüzi melek.
Bag – bakjaly gowgasy kän saraýda,
Agyr degýä gelmişege ýerlemek
Bu mekanda howandar ýok, hossar ýok,
Ýalňyz özüm dyklyp durun burça men.
Görsem eýýäm jürküldeşip men hakda,
Gybat urýa şaha münen serçeler.
Piňime däl, ebti agan gybatlar,
Zemin üste şemal bolup sogruldym.
Jahany seýil edýän gezende ýagşyň,
Ýerde tapan oljasyna öwrüldim.
Şähribossan.
Arhiwiň ýagdaýy
● Doly tekst
● 9/9 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 oktýabr 2011 ý. · Asyl sahypany gör ↗
Teswirler 9
Sag bol gowy goshgy eken.
Klaweturalanyzyn jany sag bolsun,yenede yetirip durun
gowy goshky eken hakykatdanam
Sag bol gowy goshgy awtoru kimka?
şuwagt Watanymy küysap birhili bolup otyrdym welin hasam duygularym güyjedi da, sagbolun paylaşanynyza...
duygular dünyasine kapalmakdan ,şygyra bagryny bermekden başka ne çare bolup biler ki,beyle ahbaly -hal içinde bolanyngda...durumy gowy şekillendiren bir goşgy ,tüweleme!
Allah yalkasyn!
👍
Men seni soyyarin, asen bilenok,
Bilaysenem ay gyz bilmedik bolyang.
Yshkyng ody bilen meni yandyryp
Mening soyga cumen yuregim dilyang.