O NÄMEDIR?
Günlerde bir gün Akbar şa kabulhanasynda oturyp, uzyn günläp iş bilen meşgul bolupdyr. Ol işini tamamlanyndan soň, gürleşip, degşip, biraz dynç almak isläpdir. Köşk hyzmatkärleri bilen oturyp, ondan-mundan gürrüň edipdir. Şol wagt hem birden gadymy bir şahyryň şu aşakdaky setirleri onuň ýadyna düşüpdir:
Ol kimdir, her kese är bolup bilmez?
O nämedir, ýanar otda hem ýanmaz?
O nämedir, asyl örtüp bolmaýan?
O nämedir, garramaýan, ölmeýän?
Akbar şa özüniň hyzmatkärlerinden şol soraglara jogap bermegi haýyş edipdir. Emma olaryň birem ol soraglara jogap berip bilmändir. Şol sebäpli hem şa Birbalyň yzyndan adam iberipdir. Birbal gelen badyna patyşa goşgyny oňa hem okap beripdir. Dana Birbal onuň ýalyjak soraglara säginmän, ýüzüniň ugruna jogap berer ekeni. Ol bu soraglara hem bada-bat şeýle jogap beripdir.
Ol oguldyr, enä är bolup bilmez,
Ol mezhepdir, ýanar otda hem ýanmaz.
Ol şöhratdyr, deňiz-derýa hem örtmez,
Ol atdyr, wagt hiç ony garratmaz.
Birbalyň jogaby Akbar şanyň göwnünden turupdyr. Şa oňa gymmatbaha serpaý sowgat beripdir. Köşk emeldarlary bolsa Birbalyň agzyna aňkarylyşyp, onuň danalygyna baş egipdirler.
rowayat haladymy?
hawa dost(100%, 4 adam)
onem okapdym, shondada okadm, sebabi in halayan rowayaym(0%, 0 adam)
yok(0%, 0 adam)
Arhiwiň ýagdaýy
● Doly tekst
● 4/4 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 6 awgust 2012 ý. · Asyl sahypany gör ↗
Teswirler 4
ÝAKYMLY DEŇEŞDIRME
Günlerde bir gün iki döwletiň serhedinde Eýran şasy bilen Akbar patyşa duşupdyr. Saglyk-amanlykdan soň, Eýran şasy Akbara ýüzlenip:
-Jadyly daşyňyz-a ýokdur? – diýip sorapdyr.
-Bar! Ine meniň jadyly daşym! – diýip, Akbar jogap beripdir-de, Birbalyň elini Eýran şasynyň eline beripdir. Yzyndanam şeýle goşgy okapdyr
Kimse adyň aşygydyr,
Kimse zadyň aşygydyr.
Dünýädäki ähli dürden
Bir janköýer dost ýagşydyr.
Eýran şasy goşgynyň manysyna düşünip, Akbaryň jogaby bilen kanagatlnypdyr.
BAÝGUŞ
Rowaýata görä bir wagtlar bir baýyň ogly bolupdyr. Oňa „Baýogly“ diýip at goýupdyrlar. Ata-enesi ony zatdan kem etmändir. Oňa elmydama Watany eziz dörmegi, halka wepaly bolmagy sargapdyrlar. Ýöne ol ýigit olaryň bu nesihatlaryny unudypdyr. Haçan-da obasyna duşman çozanda, ol eline ýarag alyp, duşman bilen söweşmegiň deregine öz janyny halas etymegiň aladasyny edipdir. Oglanyň atasy, obadaşlary duşman bilen bolan söweşde wepat bolupdyrlar. Obasy weýran edilip, harabaçylyga öwrülipdir.
Bipeýan oglunyň namartlygyna namys eden ene iň soňky deminde: „Ýurduň haraba bolsun, ylahym!“ diýip, ogluna gargapdyr. Enäniň gargyşy bilen ol oglan baýguşa öwrülipdir. Şondan bäri hem baýguş harabalykda mesgen tutunypdyr. Il-gün hem bu guşy betbagtçylygyň alamaty hasaplap, jaýlarynyň töweregine gonsa, ony kowýarlar.
Hic kim! Sagjabol, gaty gowy hekaýatlar eken. Ýene-de ýetirip dur. Birinji gezek okap görýän we Akbar şa bilen Dana Birbaly hem birinji gezek eşidýän. Ýöne ýekeje agza hem şeýle gowy hekaýatly mowzuga teswir ýazmandyr...
Tüweleme, gowja mowzuk eken. Minnetdar.