Huntelaar, Sneijder, Ronaldo, Iniesta, Illi ýaly ýyldyzlaryň hem gatnaşan oýny: Ertir United - Ertir Citi 9-13

Ertir United - Ertir Citi 9-13

Ertir United: Ilamanýo (captain), Wyždanyň sesi, Zenit, Ýuskanep, Batyr.

Ertir Citi: Rainman (captain), Gudrat, Barter, Lukman Hekim, ChemicalMan.

Şeýle hasap bilen gutaran düýnki (4.10.2011ý) oýun gyzyksyz boldy diýsem-ä ýalňyşdygym bolar. Oýnuň gyzyklyja geçendigine 1,5 sagadyň dowamynda garşylyklaýyn derwezelerden geçirilen 22 gol hem aňryýany bilen şaýatlyk edýändir.

Sagat 18:20-de üýşmek üçin bellenen ýere Ýuskanep we Barter agzalardan galanlary bellenen wagtdan gaty bir gijä galman geldiler. 18:30-da başlamagy planlaşdyran oýnumyza 18:40-lara dagy başlandyryslaý. Daşaryň bulutlyja, aram-aram ýagyşjyk çisňäp oturan salkynjak howasy (Hakyky güýz howasy-da) futbol oýnamaga bolan höwesiňi has hem artdyrýady. Daşaryň alagaraňkydygyna garamazdan ylgadygyňça ýene-de ylgasyň gelýärdi, bilýäňiz-ä düýnkije Aşgabatdaky howany. Beýleki tarapdanam Köpetdag stadiondaky marşrowkadan gelýän gümp-sampyrak aýdymlaryň sesem futbol bilen erbet gidenokdy.

Oýnuň dowamynda Ertir Citilileriň artykmaçlygy mese-mälim göze ilýärdi. Esasanam oýnuň dowamynda hüjümdäki ChemicalMan-Rainman jübüti bize, ýagny, Ertir Unitedlilere iş berdi. Gaty gowy düşünşip oýnadylar. Citilileriň goraglarynda-da Gudrat agzany geçmek biziň hüjümçimiz Wyždanyň sesi agza ýaman kyn boldy. Soň oýna Barter hem girensoň bularyň goragy has hem güýçlendi. Citililerde ýene-de bir otduşi oýnan oglan bar: Lukman Hekim. Oýnuň esasy böleginde derwezede duran Lukman Hekime oýnuň iň gowy oýunçysy diýsegem kän bir ýalňyşdygymyz bolmaz. Oň derwezesinden gol salaýsaň "ufff ahyry saldygaý" diýip begenäýmeli boldahow.

Bizem erbet-hä oýnamadyk. Ýöne şonda-da olardan pes oýnadyklaý. Oýna şeýleräk başladyk: Batyr we Ilamanýo goragda, Wyždanyň sesi ýarymgoragda, Zenit bolsa hüjümde. Soň Zenit meň ýanyma goraga geçdi, Ilamanýo ýarymgoraga geçdi, Wyždanyň sesi hüjümde oýnady, Ýuskanep bolsa derwezede. Wyždanyň sesi ep-eslije salaýmaly momentlerde gol salyp bilmedi, has dogrusy Lukman Hekim saldyrmady. Ilamanýo sag tarapyň hem goragynda hem ýarymgoragynda erbet oýnamady. Zenidä söz ýok. Ilki hüjümde azajyk pesiräk oýnady, emma goraga geçensoň komandamyzyň iň gowy oýnan oýunçysy boldy diýsemem ýalançy bolmaryn. Otduşi oýnady. Ýuskanep gijiräk geldi, umuman olam derwezede erbet durmady. Aý özüm barada aýtmaýynam, meýdançada iň biderek oýnan menläý.

Ilki başda 8 agza bolamyzsoň 5-5-e oýnamak üçin şo ýerde güýmenip ýören iki sany patcanlaň hersini bir komanda aldyk. Olaňam bize düşenä köp ýerde janymyzy ýakdaý bulaşyp. Emma Citilileň saýlan patcançigi gaty gowy oýnaýan ekenäý, bir goljagazam saldy öýdýän. Soň Ýuskanep bilen Barter gelensoň bulary çykardyk. Ýuskanep bilen Barteriň ýanyda ýene-de iki sany oglan bardy welin, olaram oýnatdyk-da 6-6-a oýnadyk. Olaňam bize düşeni wapşe güýçli oýnaýan ekenäý. Zaman öýdýän ady. "Ronaldo bol-a" diýdim içimden. Olaňkam erbet oýnamady, emma Rainman-ChemicalMan jübütiň düşünşip oýnap oturan bet oýnuny näme diýseňem pozdy şol. Sebäbi pas bermäge gezek galsa gaty gysyk eken-dä.

Oýunda hasaby Gudrat açdy ýalňyşmasam. Soň 0-2 etdiler. Soň 1-2, 1-3, 1-4, 2-4, 2-5, 2-6, 3-6... umuman şeýleräk yzygiderlikde gollar girdi. Iň köp gol salan kimkäräý? Hmm, aý şuna biläýmedimäý, oýnanlaň özi seslenäýmese.

Düýn Rainman içinden maňa ýaman köp sögünendir, aý şuwagtam sögünip ýörendirläý. Sebäbi bir ýerdä topy depjek bolup erbet edip aýagyna depip ýere ýazdym, ýene bir ýerde-de ýaman erbet kellede süsüşdik. Buff mun-da özümem senseledimäý. Polýadaky 10 adam gözüme 20 bolup dagy göründi. Umuman ikisinde-de men günäkär. Başga-da kiçiräjik gödek oýnan ýerlem bar. Gödekliklem üçin ötünç soraýan, bagyşlarsyň-da Rainman.

Oýnuň dowamynda gülkili ýerlerem az bolmady. Rainmanyň, ChemicalManyň, Wyždanyň sesiniň boş derwezä salyp bilmedik gollary (Esasanam Rainmanyňky has gülkünç), Zenidiň topy aýyrjak bolup ýatan ýerinde böküp ylgaşy, Wyždanyň sesiniň bir ýerde Gudraty aldap geçişi, Lukman Hekimiň penaltyda salan goly, Rainman ikimiziň süsüşenimiz.. aý başga-da ýatda galan ýerler boldylaý. Her kim özünde ýatda galan ýerleri aşakda ýazarda.

Futbol üçin geljek diýip eşşi edenlerä ýok. Oppiş geljek diýdi, emma soň marşrowka sebäpli futbola gelip bilmejegini aýtdy. Oýundan bir gün öň habarlaşamda ýaşulylar Ata hem-de Mirasymyz baryp bilmejeklerini, emma ýagdaý boldugyndan barjakdyklaryny aýtdylar. Adam diýip bir agza-da temada menem barjak diýdi-de habarlaşmady. Soň özümem şulara gelerläý diýip 2-3 sany agza şahsy hat ýazdym, olardanam jogap bolmady. Umuman oýnamak üçin adam sanymyz normalny ýetdiläý.

Temaň ady nämäý diýýäňizmi? Oglanlar şolaň futbolkalaryny geýensoňlar (Rainman - Huntelaar, Zenit - Sneijder, Batyr - Ronaldo, Barter - Iniesta, Ilamanýo - Illi) ýazaýdymlaý olaň atlaryny.

Wala-wala edip köprägem samraýdym öýdýän. Tema ýazmakda üýtgeşik bir tejribämä ýok. Şoň üçinem bolgusyzrak ýazyp okanyňyza ökündiren bolsam bagyşlarsyňyz-da. Galan zatlaram menden başga oýna gatnaşan beýleki agzalar aşakda ýetirer nesip bolsa. Düýn oýna gelen oglanlara-da sag bolsun aýdýan. Janyňyz sag bolsun.

Hä, ýatdan çykmanka ýene-de bir zat aýdaýyn. Düýn Gudrat agzaň doglan güni eken. Doglan günim diýip futbol gutaransoň aýdýa-da. Oýun başlamanka aýdan bolsa derwezede duran wagtym ataka edende doglan günine sowgat bolsun diýip, gol salar ýaly derwezäni boş goýup bererdimläý. Aý bolýa, uzak ýaşa bratok!

Bulam oýundan soň düşülen surat:

Dik duranlar çepden saga: Wyždanyň Sesi, Gudrat, Zenit, Rainman, Barter, Ýuskanep.
Oturanlar çepden saga: Batyr, Ilamanýo, ChemicalMan, Lukman Hekim.

Man of the match?

Barter(8%, 3 adam)

ChemicalMan(11%, 4 adam)

Zenit(20%, 7 adam)

Lukman Hekim(20%, 7 adam)

Rainman(8%, 3 adam)

Wyždanyň sesi(8%, 3 adam)

Ýuskanep(2%, 1 adam)

Gudrat(14%, 5 adam)

Ilamanýo(2%, 1 adam)

Batyr(2%, 1 adam)