Ikiçäk gürrüň
Ilkinji söýgüden gaýdanda badym,
Indi maňa söýmek ýokdur diýýärsiň.
Men saňa düşünýän: sen şeýle adam,
Bir ömürde ýeke gezek söýýärsiň.
Men bolsa bu söze henizem garşy.
(şüphe bolmaz ýüregmiň päkdigne).
Ynansamam başky söýgiň bardygna,
Ynanamok başga söýgiň ýoklugna.
Ynha, dymyp dursuň menin garşymda,
egniň ketenili, başyň öýmeli.
Hany aýt sen, bir gezeklik ömürde
Nämüçin biz ýeke gezek söýmeli.
özüň dek bir gyzy söýüpdim menem,
ol başgany söýdi,
ol indi ene.
öňküdenem otly, çuň söýgi bilen
men ikinji gezek söýýärin ýene.
Düzgünmidir ýeke gezek söýmeklik,
Gel, onda biz şol düzgüni bozaly.
Söýgi kitabyna iki söz bilen:
“Başarsaňyz, söýüň!” diýip ýazaly.
Halyl Kulyýew
Arhiwiň ýagdaýy
● Doly tekst
● 9/9 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 7 noýabr 2011 ý. · Asyl sahypany gör ↗
Teswirler 9
Halyl Kulyýewiň Ogryjady nersse diýen goşgusyny gowy gördümlaý
Ogrynyň ölümiKäte ýeke çykyp gijeden-gije,
Käte şägirtlerin yzyna tirkäp,
Gijeler ogurlap towukdyr jüýje,
Bir ogry ýaşanmyş obany çürkäp.
Asyl bir oba däl onuň çürkäni,
Köp ýerlere ýeten eken yzasy.
Ahyr bir gün…
Ajaýyp bir ýaz güni
Dolanmyşyn o bendäniň kazasy.
Üýşüşip bir ýere ilen-çalany,
Däbe görä öwenmişler öleni:
- ýatan ýeri ýagty bolsun pahyryň,
Ahyretde hemra bolsun imany.
Arman, ýöne tapylgysyz ýigitdi,
Hiç bilmezdi iliň hakyn iýmäni.
Daýysy, dogany, ýegen, ýeňňesi,
Däbe görä öwenmişler hemmesi.
Ýasa gelen garryja bir ýaşulyň
Ýeke özi galanmyşyn seretse.
Onsoň bu-da öwenmişin özüçe:
“Ogrujady, ogrujady, neresse…”
Tuweleme yazypdyr Halyl agamyz,shun kitabyny okasan tazeden okasyn gelya,minnetdar yetirenine
Halyl Kulyýew
shol gözele dushanymda bir gezek:
-sözüm diñle -diydim.
-sözlegin -diydi.
diýdim:- gülüm,beýle örteme uzak.
-gülüñi dashrakdan gözlegin- diýdi.
diýdim:- sen görküsiñ ähli gülleriñ.
-sen nämeler diýýäñ,goý,oglan -diýdi.
diýdim:-sagym sagýan akja gollaryñ...
-diýjegni açygrak diý,oglan-diýdi.
-sen meni söýermiñ,perizat? -diýdim.
Gyz ýaýkap bashyny:-söýmerin- diýdi.
-bu ýöne söýgi däl,bu bir ot- diýdim,
gyz çytyp gashyny-köýmerin -diýdi.
diýdim:-ýürek joshýar misli bir derýa,
gyz oýnap saçyny:- ýüzmerin-diýdi.
diýdim:- bar umydym inçelip barya,
gyz dishläp dilini:
-üzmerin -diýdi.
tuweleme ekeni...
yaman kop eshtyan Halyl Kulyyewin adyny, bilyan bolsanyz omru doredijiligini hem tema edip acsanyz hoshal bolardym, dirini ol shahyr bu wagt ya.... ? ?
Garashsyzlyk yyllaryna yetip bilman ayryldy. Achmakcy nesip bolsa.
Halyl Kuly liriki şahyrdyr. Bu goşgusynda hem onuň duýgularyny görmek bolýar. Edil beýleki goşgularynda bolşy ýaly bu ýerde-de özi bolup ýazypdyr!
Gowja gosgy ekenay 2 gezek soymek hmmm