Öküz boshanda!

Sähet agañ öküzi,
Dañdan ara boshady.
Agyp dönüp bögürip,
Mesligine bashlady.

Oñ sesine goñshular,
Ukusyny tashlady,
Mes oküzi tutmak üçin
Sport ýarysh bashlady.

Öküz diýseñ öküzdi,
Bir boshasa tutma ýok,
Shol öküzden il bizar
Güne arkaýyn ýatma ýok.

Arkan ýatýan shol öküz,
Bu günem betine tutdy.
Däli häsiýetne bashlap
Gohy bütine ýetdi.

Nurjanyñ keleminden,
Gördi öküz höziri,
Bazara çykmaly kelemiñ
Okalypdy töwüri.

Gülje gelneje mekgesin,
Çagalardan gysgandy.
Ony bilmeýän öküz
Mekgäni ýuwdup dyndy.

Ýene doýman ýuwdundy,
Delje zada ymsyndy,
Ýorunjamy gördü-de
Bäri tarap imrindi.

Çilarada bögürip,
Göni üstüme ylgady.
Ýüpünden tutaýmanmy
Goñshy mellege galgady.

Zyñlyp honda düshdüm,
Ýüzüm ak esgä döndüm,
Gorkanmy bildirmejek bolup
Yzyndan ylgan boldum.

Hezil etdi parçalap,
Gören zadyn kerçeläp,
Ahmal bolsañ özüñem
Ýuwutjak ol bir çeýnäp.

Meret kakam tommanly,
Ylgady öküz tarap,
Agaç haýatdan ashanny
Görüp galdym bir garap.

Oraz çykdy ishikden,
Diýdi: "bolupdym gassap,
Bular ýaly öküzçäñ
Kyn dällaý, ishi harap.

Häzir çekiliñ beýläk,
Hany göreýin barlap!"
Iki ashyp ýer sermedi,
Öküz süsende arlap.

Bekgi goshun gullukdan,
Ýañy-ýakyn gelipdi.
Öýünde maýkalyja,
Döshün açyp gezipdi.

Öküz Bekgiñ maýkasyn,
Shahyn salyp geýdirdi.
Ýorunjadan ýöredip,
Ýalañaçlap goýberdi.

Durdy kelje eline
Gowaça çybyk alyp,
Öküzi kowjak boldy
Ony öñüne salyp.

Gowaça surat etdi,
Durdy keli shobada.
Shlýapasy bir ýanda,
Pijamasam hol ýanda.

Bir topulsa arlap,
Kim bolsañam bilenok.
Shahyn çala aýlasa,
Gaýdyryp göz ilenok.

Däli öktz däliräp,
Gudurap ýola çykdy.
Motorly gelýän Durdyshy
Düýrläp joýa dykdy.

Agaç haýaty ýykdy,
Arlap haýýaty göçdi,
Inede Sähet agañ
Özem bir ýerden çykdy.

Sähet agany görse,
Aklyna gelýär öküz,
Diñe shondan çekinýär
Gorkmalysyn bilýär öküz.

Sähet aga gelshine,
Shahyna goly ildi,
Ýüpüni berkitmek üçin
Öküz tarap egildi.

Birdenem görüp galdym,
Durup bilmän pyñkyrdym,
Ýanymdaky oglanlara
Göz ümledim, pyshgyrdym.

Bary paýyrda berdi,
Gülen haýsy, ýykylan,
Gülmejek bolýan welin
Añrym doldy dykyndan.

Sähet aga oýanyp,
Öküziñ sesne howlugyp,
Geýipdir gyýma derek
Gelnejemiñ gyýmasyn.

Bibi gelnejäñ gyýmasy,
Gaty gowy gelishýär,
Hemmeler ony görüp
Agzyn tutup gülüshýär.

Sähet aga ilkihä,
Bashda hiç zat añmady,
Gaýtam bize geñirgäp
Göz gytagyn aýlady:

"Ýadyñyza oglanlar,
Shu wagt gülki düshýär,
Men bolsa öküz üçin
Añrym tütäp bishýär!"

Sheý diýip Sähet aga
Gyýmasyn çekjek boldy,
Birdenem gözi düshdi,
Hemmesin añan borly.

Özem görüp ýylgyrdy,
Soñra gashyn ýygyrdy,
Öküz tarap öwrülip
Agza gelenin gygyrdy:

"Ahyry menem masgara,
Etjegiñä bilýärdim.
Shu günä soñky günüñ,
Gazana düshýäñ, bilýärmiñ.

Ýörüñ oglanlar hany,
Ýadansyñyz gideliñ.
Bugün bu öküzhany,
Öýe tarap ideliñ.

Sizi etden doýurjak,
Shor etini gowurjak,
Ýene masgara etmänkä
Muny ete öwürjek!"

Baý, bir hezillik bolda,
Shordan bashlap çishlige,
Näme iýjek basyber
Taýyn bolýar ishige!