Ýagšyzadalaryň bahary (elli dördünji bap).

Beni Ysraýyl zamanynda
Suzan atly bir ybadathon
gyrnak bar eken. Bir gün
ol täret kylmaga çykanda,
iki sany ruhany onuň yzyna
düşüp ugraýar. Ol
elmydama şol ýere ýakyn
bolan bossanlykda täret
kylar eken. Ýaňky iki
ruhany onuň üstüne
topulýar. Olar ýaňky
gyrnagy özleri bilen jynsy
gatnaşykda bolmagy üçin
synanyşýarlar. Ol muny ret
edýär.
Olar:
— Eger sen özüňi bize
bagyşlamasaň, seniň zyna
edendigiň barada saňa
töhmet atarys —
diýýärler.
Onda Suzan:
— Siziň şeriňizden Allanyň
özi meni gorar — diýip
jogap gaýtarýar.
Olaryň ikisi uly goh
turuzyp, gygyryşypdyrlar.
Bularyň sesine adamlar
üýşüpdir.
Ýaňky iki ruhany:
— Ine, ony bir ýigit bilen
erbet iş iň üstünde tutduk,
ýigit bolsa elimizden
sypyp, gaçyp gitdi —
diýýär.
Şol wagtlar zyna edeni
adamlaryň arasynda üç
gün saklap, soň bolsa
daşlar ekenler. Suzany üç
günläp saklapdyrlar. Hälki
iki adam hem onuň
golaýyna baryp, ellerini
onuň kellesine ýetirip:
«Jezasyny degişli kişä
inderen Hudaýa şükürler
bolsun» diýipdirler.
Ony daşlajak bolup
durkalar, on iki ýaşly
Daniýal pygamber[13]
Beni Ysraýyllylara garap:
— Siz howlukmaň, men
olaryň arasynda kazyçylyk
edeýin — diýipdir. Oňa
oturgyç getirip
beripdirler. Ol ýaňky iki
ruhanynyň arasyny açyp,
her haýsyny bir ýerde
oturdypdyr. Ol şaýatlaryň
arasyny açan ilkinji kişidir.
Daniýal olaryň birinden:
— Näme gördüň? —
diýip sorapdyr. Ol hem
ýigit baradaky toslama
gürrüňi aýdypdyr.
Daniýal ýene ondan:
— Hadysa bossanlygyň
niresinde bolup geçdi? —
diýip sorapdyr.
Onda ol:
— Armyt agajynyň
aşagynda — diýipdir.
Soň beýlekiden sorapdyr.
Ol hem:
— Alma agajynyň
aşagynda — diýip jogap
beripdir. Suzan bolsa şol
mahal ellerini ýokary
galdyryp, yhlas bilen
Alladan doga-dileg edýär
eken.
Allatagala hem ýaňky
ýalançy şaýatlaryň üstüne
ot iberip, olaryň ikisini
hem ýakypdyr, Suzanyň
günäkär däldigi bolsa
aýan bolupdyr.