DOSTUŇ DOSTAN GÖWNI GALMASYN (hekaya)

Hekaýanyň awtory – Ata HAMDAM – Täjigistanyň halk ýazyjysy,          Terjime eden – Akmuhammet HEMIDOWDOSTUŇ DOSTAN GÖWNI GALMASYN (hekaya)Pederlerimiz aýdypdyr: “Adamy tanajak bolsaň, wezipe berip gör. Özüne berilýän wezipäni, goýulýan hormaty göterinip bilýän, ulumsylyk etmeýän bolsa, şol kişi hakyky kişidir. Beýle kişiler iň gowy kişilerdir. Üýtgeýän bolsa, onda onuň ýaly kişilerden gaçarak duran ýagşy”. Hudaýa şükür, gowy adamlar kän, her hili wezipe eýeleseler-de, bir durkuny saklaýarlar. Bu durmuşyň lezzeti, mähribanlygy gowy adamlaryň köplüginde ahyryn!Bu geçegçi, dünýäde, goý, hiç kimiň dostundan göwni galmasyn! Dost dostuň aýnasy bolsun! Dost dostuň buýsanjy bolsun!*****************Meniňem bir dostum bardy.Biz onuň bilen aramyzdan gyl geçmeýän jana-jan dostduk. Näme üçin “dostduk” diýýänimi bilesiňiz gelýärmi? Hawa, biz dostduk onuň bilen, ýöne häzir şol dostlukdan, ikimizi biri-birimize çeken öňki gadyrdanlykdan, bizi birek-birege baglan zatlardan nam-nyşan galmady. Galan zatlar diňe ýatlamalar, olar-da sop-sowuk, kalbyňy ýylatmaýar. Aslynda biziň dostlugymyza näme boldy? Aramyzdaly dostluk sapagyny hut onuň özi ýolupdy, şonda-da ol özüni şol sapagy ýolunmadyk, ony berk saklaýan ýaly edip görkezmäge çalyşýardy. Ol muny başarýardy hem. Men sada, ynanjaň adam bolamsoň, onuň bolşuna ynanyp, sapagyň ýolnandygyny duýmandyryn. Golaýda duýdum. Duýdum-da, dostlugyň gür ýaprakly daragtyny kalbymdan goparyp taşladym. Ine, şondan soň, indi meniň kalbymda ilki göräýmäge mizemez, uzaga gitjek ýaly görünýän, özi welin, pide töňňe ýaly, göz üçin dostluga bolan ýigrenç döredi. Şeýle bolmazça däl. Çünki bu dostluga men ýüregimi beripdim, ony hakyky, ähli adamlardan üýtgeşik dost hasaplapdym. Ýöne wezipäniň adamlary üýtgetýändigini, üýtgedip-de goýman, kör edýändigini, kalbynda mukaddes saýyp ýören ähli zatlaryna awy gatýandygyny men nireden bileýin? Ah, şu wezipeler adamlary ne güne salmaýar!Dostluk hakdaky duýgularyma şu ýerde böwet basyp, bu hakdaky gürrüňi başdan başlaýyn.Ol bir uly edaranyň başlygydy. Men bolsa şol wagtlar ýurt möçberinde çykýan iň meşhur gazetleriň birinde habarçy bolup işleýärdim. Şol sebäpli şol edara bir däl, iki däl, köp gezekler baryp, onuň gazanan zähmet netijeleri, ýetýän sepgitleri, il-gün üçin, ýurt üçin edýän işleri barada ýazýardym. Ýok, ýene biraz öňe gitdim. Şol wagt meniň öňki dostumgije-gündiz işleýän şol edarada bir bölümiň ýolbaşçysydy. Ol kimdir biriniň göwnünden turmadyk bolarly: onuň üstünden ýolbaşçylara arza ýazypdyrlar, eýeleýän wezipesinden hyýanatçylykly peýdalanýandygyny ýöňkäp, töhmet atypdyrlar. Bu iş ula gidipdir, onuň üstünden jenaýat işini gozgapdyrlar, derňewiň gidişi-de onuň peýdasyna däldi. Şol wagtlar gazetler jemgyýetçilik we şahsybähbitleriň goragynda durýardylar. Bu waka meniň ünsümi çekdi. Ähli maglumatlar bilen tanşanyňda aýyplamalaryň hakykatyň ýele ýanyndanam geçmeýändigi özüni görkezip durdy. Menem muny aldym-da, bölüm ýolbaşçysynyň hiç hili günäsiniň ýokdugy hakynda oçerk ýazdym. Ol gazetde çap boldy: bu jenaýat işini ýapdylar, meniň öňki dostumyň abraýy bolsa dikeldildi.Ýaşlykda bolşy ýaly, ýyllar howlukman geçýärdi. Her kim öz işi bilen başagaý. Bölüm ýolbaşçysy hamyndaky wakada ýatdan çykyp barýardy. Aradan on ýyl geçenden soň ykbal bizi ýene duşurdy. Ol-da, men-de abraýly bir jemgyýetçilik guramasynda halkyň saýlan wekilleri hökmünde ýygnaklara, maslahatlara bile gatnaşatdyk, çylşyrymly, käte bolsa ýüplük ýaly çyrmaşdyrylan meselelerde-de ikimiz bir hörpden gopýardyk, pikirlerimiz köp halatlarda deň gelýärdi. Maslahatdan soň çaý başynda ikiçäk galanymyzda ol maňa: “Dogan jan, amatly pursat tap-da, bir äý zähmet rugsadyna çyk, maşgalaňy, çagalaryňy alyp, biziň illere bar. Bol suwly Seýhunyň kenary diýseň gözel, arassa howa, mylaýym öwüsýän ýel janyňa şypa berýär. Iki-üç hepde biziňki-de galarsyň, gowy dynç alarys. Soňra işiňe täze adam bolup, täze güýç bilen gelersiň” diýip, bir däl, iki däl, ençeme gezek aýtdy.Teý-ahyr onuň özelenip durmagyna dözmän, ylalaşdy., teklibini kabul etdim. Paýtagtda depäňi deşip gelýän yssy howa höküm sürýärkä, asfaltlar aýak astynda ýaýkyldaýarka, işimden bir aý rugsat aldym-da, aýalymy-da, çagalarymy-da gozgaman, bir özüm dostumyňka gitdim. Erteki gün, birden, ýagdaýlar başga hili bolup çykaýsa, gürrüň bolmaz ýaly...

Dowamyny yazmalymy, okajak tapylarmy?

Elbetde(50%, 1 adam)

Yok, gerek dal(50%, 1 adam)