Ömür yoly (gyzykly hekaýa).

Yedigen· 28 awgust 2011 ý. 12:19 · 1 084 gezek okaldy· halanan: 9teswirler.com

Wagt diýlen zada hiç akyl ýetirip bolmaýar. Ajaýyp pursatlarda, söýýänlerimiziň ýanynda bolanymyzda suw deýin akyp gidýän wagt kyn günlerimizde, synag gapysynda bolsa asla geçmejege meňzeýär.
Näme üçin wagtyň gürrüňini edýärkä diýýänsiňiz. Ýakynda dostlarymyň biri meni ylmy tejribe geçirilýän ýere äkitjekdigini, işiň meni, özüni, hatda tutuş adamzady gyzyklandyrjakdygyny hem aýtdy. Ahyry garaşan pursatym geldi. Dostum bilen birlikde ylmy tejribe geçirilýän ýere gitdik. Ýolda ylmy iş barada maglumat almaga çalyşdym. Ylmy işiň mowzugy ynsandy. Tejribe geçiriljek adam 40- 50 ýaşly erkek kişidi. Ol derman bilen gipnoz seansyny alýardy. Gipnoz edilen adam wagt ötüginden geçip, doglan gününden tä şu gününe çenli bitiren-ýitiren işlerini ýeke- ýeke aýdyp berýärdi. Şol bir wagtyň özünde bu adamyň bolşy teleekranda görkezilýärdi. Biziň bilen birlikde tejribni 15-20 töweregi adam görmäge gelipdi.

dowamy bar...

Arhiwiň ýagdaýy

● Doly tekst

● 185/185 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗

Teswirler 185

Yedigen 28 awgust 2011 ý. 12:20 +4

Az salymdan tejribe geçiriljek adam bilen doktor otaga girdi. Ol adamy ýumşak kürsüde oturdyp, derman etdiler we gipnoza ýatyrdylar. Ol adamyň kellesine, ýüregine, garnyna, el- aýagyna teleekranyň kabellerini birikdirdiler. Tejribe başlady. Doktor: Çagalygyňdan şu güne çenli utanan, agyr geçen, puşman eden günleriň barada gürrüň ber diýdi. Tejribe edilýän adamyň maňlaýynda iri-iri der damjalary düwmeläp başlady. Ol gipnozyň täsirindedi. Islese-islemese-de gürrüň beräýmelidi. Ol gürrüň bermäge durdy. Biz hem ol adamyň durmuş ýoluny ekrandan synlap başladyk. Ol çagalygyndan başlap gürrüň berýärdi. Elleri sypjyrylan, burny sümükli oglanjykdy. Goňşularynyň bagyndan ogurlap alma, armyt we hoz iýendigini, bir gije goňşusynyň ketegine girip, towuk ogurlanyny, dostlary bilen oýnanda yrsarap urşuşyny, mekdepde ýalta okuwçylaryň hatarynda bolandygyny ýeke-ýeke aýdyp berýärdi. Onuň gürrüň berdigiçe reňki üýtgäp, eden günälerine görä kä arslan, ýylan, pişik, doňuz sypatlaryna girişini ekrandan synlaýardyk.

Yedigen 28 awgust 2011 ý. 12:21 +4

Gezek onuň ýetginjeklik ýyllaryna geldi. Ýapyk gapylaryň aňyrsynda, pynhan ýerlerde nämeler edenini ýeke- ýeke aýdýardy. Kimiň hakyny iýen bolsa, kime sütem eden bolsa bary ekranda görünýärdi. Günäsine göpä kä şagal, kä tilki, kä ýylan, käte ýyrtyjy haýwan sypatyna girýärdi. Puşman eden wagty goýun-guza meňzeýärdi.
Gezek kämillik ýaşyna geldi. Ol 40-50 ýaşlarynda edenlerini gürrüň berip başlady. Obasyny terk edenden soň baran şäherlerinde eden işleriniň birini sypdyrman aýdyp berýärdi. Karz alyp, yzyna bermedik bergileri, goňşulary bilen eden dawalary, döwlet edarasyndaka alan paralary we ýene-de ençeme etmişleri ekranda görünýärdi. Ol etmişine görä jellat, towşan, ýyrtyjy, krokodil sypatyna girýärdi. Tejribe tamamlandy. Dermanyň we gipnozyň täsiri geçenden soň, ol adam özüne geldi. Töweregindäkileriň özüne gorky bilen garaýyşlaryna düşünip bilmeýärdi. Tejribe geçiren doktor: Isleseňiz, tejribäni başga biriňiz bilen geçireliň diýdi.

Yedigen 28 awgust 2011 ý. 12:22 +5

Araňyzda bu tejribäni görmäge höwes edip gelen bar, sende geçiräýsek nädersiň? Doktoryň bu sözlerini eşidip: Ýok, gerek däl. Men garşy diýip gygyrmaga başladym. Endamyma sowuk der gelip, bogazyma sygdygyndan gygyrýardym. Tejribe otagyndakylaryň meni tutjak bolşundan gorkyma aýak aldygyna gaçýardym. Şol wagt Oglum, oýan! Basyrganýarsyň! diýen sese oýandym. Hudaýa şükür, görenlerim düýşüm eken.
Çagalygymyzdan başlap durmuşymyzyň her ädimi üçin bizden jogap soraljak, eden işlerimiziň ekranda synlanjak güni gelende ne hala düşjekdigimiz barada oýlanýaryn. Öz-özüme Käşgä depderimi täzeden ýazmak mümkinçiligim bolsady, ekrandan synlananda utanjak hereketim bolmasady diýdim.

Gudrat 28 awgust 2011 ý. 12:23 +4

Nirede geçirildaý ol tejribe

Mirasymyz 28 awgust 2011 ý. 12:28 +4

Gudrat:
Nirede geçirildaý ol tejribe

Gudrat aga! Awtor gyzykly hekaýa diýipdir. Ýöne pikirlendiriji, manyly hekaýa eken. Sagboluň Yedigen aga.

incredible 28 awgust 2011 ý. 12:29 +4

Alla razy bolsyn dogan, sheyle yazgylary koprak yazaweri..

aslymarly 28 awgust 2011 ý. 12:31 +4

Armyt we hoz bir klimatda yetishipp bilyami? hekaya onat hekaya haladym🙂

Gurbanmyrat 28 awgust 2011 ý. 13:06 +2

Gapdashym @Ýedigen, tüweleme, ajap mowzuk eken.

Çagalygymyzdan başlap durmuşymyzyň her ädimi üçin bizden jogap soraljak, eden işlerimiziň ekranda synlanjak güni gelende ne hala düşjekdigimiz barada oýlanýaryn. Öz-özüme Käşgä depderimi täzeden ýazmak mümkinçiligim bolsady, ekrandan synlananda utanjak hereketim bolmasady diýdim.

shu setirleri gaty oýa batyrdy dogan.
Dogrydanam Allah bize pursat berýär...

ejensikeyin_adminlar 28 awgust 2011 ý. 13:35 -1