Yollar (sonetler cemeni dowamy)

V
Näçe yz goýdum men seniň üstüňde
Adyň ýazdym ýüregimiň törüne
Ýalňyz goýman, şemal bolup öwüssem-de
Ýene-de gonaryn öňki ýerime

Ýollar, kä gaýgyly, kä şatlykly sen
Kimseler aglaýar, kimseler gülýär
Kimseler bar seni ýigrenýär çenden
Gözlerinden ganly ýaşlar süzülýär.

Geçip barýar adam ömri bu ýolda
Bu ýol çukurlydyr belentli-pesli
Soňra baryp düşleýändir ýat ilde
Ýöräp, ylgap ýadandan soň ep-esli

Saňa gelýän, artsa, gaýgy-aladam
Derdimi seň bilen paýlaşýan mydam

VI
Derdimi seň bilen paýlaşýan mydam
Şatlygymam senden asla gizlämok
Çyn dostdan hiç haçan doýmaýar adam
Başga dostlar saňa asla meňzänok

Ara salmaň bu aýralyk ajyny
Meniň arzuwymy bitiriň ýollar
Olar bilen dadaýyn men süýjini
Meni söýenleme ýetiriň ýollar

Ynha bir gün ýoluň soňy görüner
Duzaga düşene ajy ataşdyr
Düşmedigiň nur çaýylar ýüzüne
Söýýänleri bir-birine sataşdyr

Senden geçip bilmän bolýan ykmanda
Hem begençli günde hem-de ýasyňda