Wepalylyk we gadyrbilmezlik
Teswirlerde berilýän ýazgylar, jedelli çekişmeler we olara aýdylýan pikirler dürli-dürli. Bu teswirler her kimiň
ruhy dünýäsine, ahlak we edep düşünjesine laýyklykda uly täsir
galdyrýar. Aglaba pikirler hem söýgi hakda.
Ýöne men bu gün söýgi hakda däl-de, ençeme wagtdan bäri ýüregime ynjalyk
bermeýän başga bir mesele dogrusynda içimi dökesim gelýär.
Firmamyzda bizden dört-bäş ýaş uly bir oglan işleýär. Bir edaradan birnäçe
ýyllap girip-çykamyzsoň, ýaş tapawudyna hem känbir parh goýman, durmuşyň käbir
taraplary hakda gönümel söhbetleri hem edýäris. Onuň gürrüň bermegine görä, olilkibaşda orta hal, pukararak oglan eken.
Soňra ýakyn dostlarynyň biriniň goldawy, hemaýaty bilen özüni tutupdyr. Üçegi
ýok eken, jaýly bolupdyr. Ulagy ýok eken, maşynly bolupdyr. Soňra ol esasy
işiniň gapdalyndan telekeçilik edip, iş örüsini giňeldipdir. Onuň bu yhlasyna ýaşlaryň
ählisi „tüweleme“ diýýär, ýöne ... bir ýyl mundan ozal onuň „dadyna ýetişen“
şol adam biziň firmamyza işe geldi. Onuň işgärleriň arasyndaky ters hereketini
görüp pikiriňi aýdyp galýarsyň. Bu sözler bolsa biziň ýaňky ýoldaşymyza asla
ýaranok. Ol elmydama şol dostunuň tarapyny tutýar. Bir gün gürrüňden gürrüň
çykanda, biz ondan näme üçin käbir hereketleriniň ýalňyşdygyna düşünip durkaň
hem, ony aklamaga çalyşýarsyň diýsek, ol asla müýnürgemän: „Onuň pikiri ýalňyş
hem bolsa, dogry hem bolsa, men elmydama şonuň tarapyny tutaryn. Sebäbi ol maňa
örän uly ýagşylyk etdi. Bir özüm bolanlygymda, men bu derejelere ýetmezdim,
jaýly, ulagly bolmazdym. Ol maňa şeýle ýagşylyk etdimi, diýmek, men oňa
ömürboýy borçly. Hat-da ol telek gürlese-de, nähak hereket etse-de, elmydama şonuň
tarapyny tutaryn, ynamyny ödemäge çalşaryn. Sebäbi ol maňa sizden has köp
ýagşylyk etdi. Men özüme ýagşylyk edenleriň öňünde bergidar“ diýip jogap berdi.
Garaz, ýa biz oňa, ýa-da ol bize düşünmedi. Her kim öz pikiri bilen galyberdi.
Ol ýoldaşymyzyň henizem şol pikirlerine wepalydygyny görýäris. Kim bilýär,
biziň öz pikirlerimizi aýdýandygymyzy ol „ýagşylyga düşünmezlik,
gadyrbilmezlik, ýagşylyga ýamanlyk bilen jogap bermek“ hökmünde kabul edýän
bolmagy hem ahmal. Dogry, „Ynsan – haýyr-yhsanyň guly“ diýilýär. Kim ilki
ýagşylyk etse, ömürboýy üstün bolýar.
Meni biynjalyk edýän sowal bolsa şeýle: ömrüňde bir ýola
ýagşylyk edenler soňlugy bilenters
hereket edýän bolsalar, eden ýagşylygynyň gaýtargysy hökmünde olaryň bu
hereketini goldap gezmelimi ýa-da özüne ýaňzydyp bilmesegem, iň bolmanda, öz aňymyzdaýaman hereketi ýazgarmalymy? Bir ýagşylygyň
gadyryny bilmeklik näme bolýar? Ony nähili ödemeli? Ýa-da haýsydyr bir mesele
dogrusynda onuňka laýyk gelmeýän öz pikiriňi aýtmak, dogrudanam,
gadyrbilmezlikmikä? Şunuň ýaly ýagdaýlarda gadyrbilmezlik bilen hakykaty
ýoýmazlygyň arasyny nähili seljermeli? Biz şu babatda deň-duşlarymyzyň, ýaşuly
adamlaryň maslahatyna mätäç!
Gazetden alyndy
Arhiwiň ýagdaýy
● Doly tekst
● 19/19 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 12 oktýabr 2011 ý. · Asyl sahypany gör ↗
Teswirler 19
Eger ol adam senin tarapynda bolmayny islapsenden algyly yaly hereket etyan bolsa artykmajy bilen uslushup gacha durmaly menin sadaja pikirim..
Men bolsamam maña kyn günlerimde kömek eden adamlary goldardym.
Edýän hereketi düýbünden ýalňyşam bolsa goldardyňmy?
Menin pikirim, men onun (yagsylyk eden) dusunjesini owrenerdim we dusunjek bolardym. sonra ona dusundirjek bolardym yalnys hereket edyanini! Yone goni yuzune aytmardym.
Yone nace yagsylyk edenem bolsa men hakykaty we halaly goldardym! Yagsylygy bolsa gaytarmak hokman edil o name eden bolsa senem sony etmeli diyyan zat yok. Hudayjan hemme zady goryandir. Sen kalbyn pakmi? O bolsa gaty gorup gecsin eger goldamady diyse!
P.S. Kyn mowzuk we kop yagdaylary yazmaly...
Asyl gadyrbilmek yada wepalylyk ony goldamak yada gozunun onunde onyn diyen zatlaryny etmek dalmika diyip pikir edyan. Sen ol adama dogurdanam wepa borjuny odecek bolsan,sol adama in peydaly yoly saylap almaly,belkem bu yoldan gitsen ol adamyn gozunden dusersin yone sony gowy bolar. Senem bu boljak zatlary goze almaly bolarsyn. Asyl wepalylyk budur. Yokardaky yazylandan ansat wepalylyk barmy,belkem ol adam isini ansadyna gacandyr.
Düybünden yalñys bolsa goldamazdym elbetde. Aristotel aydypdyra: 'Platon meñ dostum, emma hakykat meñ ücin hemme zatdan yokarydyr.
Romantigada gosulyan kynyrak tema
Düybünden yalñys bolsa goldamazdym elbetde. Aristotel aydypdyra: 'Platon meñ dostum, emma hakykat meñ ücin hemme zatdan yokarydyr' dp.
Düybünden yalñys bolsa goldamazdym elbetde. Aristotel aydypdyra: 'Platon meñ dostum, emma hakykat meñ ücin hemme zatdan yokarydyr' dp.
ay edil beyle etmezdim hemme zadyn ceni caky bar...
Adamlaryň göwnüni tapjak bolup, Allany närzä etmegä düýbünden ýalňyş, her nämede bolsa hakykatyň tarapyny tutmaly. Dostuň gözüne gadyrbilmez ýaly görünýän bolsaň pikiriňi oňa düşüner ýaly ýaňzytjak bolmaly, halys düşünmese, barybir ony goldamakdan gaça durmaly. Hakykatyň hatyrasyna kimdir biriniň gözüne ýigrenji, gadyrbilmez bolup görünmeli bolýarda
Meniň pikirim - şunuň ýaly ýagdaýlarda eliňden gelen ýagşylygy edip, şeýle adamlardan daşlaşmak, gaça durmak gowy, ýogsam iki oduň arasynda - galplyga duwlanýan gadyrbilmezligiň we hakykatyň arasynda ruhy taýdan çürşüp galýaň. Bu meniň şahsy pikirim, ýöne meniň pikirim Konstitutsiýanyň sözleri däl, şonuň üçin kim has ygtybarly we ynandyryjy, ähmiýetli pikir aýdyp bilse, olaryň pikirini kabul edýärin.
menem goshulyan
menem goshulyan
kyn yagday welin, yagshylyk etselerem cheni chaky bilenda..
Omur saya onun yalnyshlaryny gormezlikden gelmek bolmaza..
Shonsyzam jay mashyn halal yoldan gazanylan daldirmika diyyan
kopchulik hakykatyn tarapyny tutardym diypdir, hakykatyn hem gadry bar, gadyr bilyan adam hakykatyn gadryny hem bilmeli, dostynyn gownuni hem almaly durmush sheyle kyn
Kyn mesele. hakykadyn tarapyny tutyanlygymyz gowy welin hakyky durmuşda edil beyle dal. yaşuly oglan dumuş hakykadyna layyklykda hereket edipdir.
Esek semrese eýesini deper etmeli dalde,kyn gununde kömek eden adamlary hicem yadyndan cykarmaly dal. Yöne eden pikiri,hereketi yalny$ gelende,ona yalny$ isdigni dusundirjek bolmaly.