Koke

Är-aýal otuz ýyl bile
ömür sürüpdir. Bu senäni baýram edip belleýän günlerinde hem aýaly, öñki
endigine görä, ýumşak köke bişiripdir. Her gün irden naharyñ ýany bilen  saçaga äbermek üçin köke bişirmek onuñ
endigine öwrülip giden eken. Ol edil öñki edişi ýaly, ýumşak kökäni ortasyndan
keseligine kesip, oña mesge çalyp, adamsyna äbermek üçin barýarka, birden
saklanypdyr-da, içini gepledipdir: „Otuz ýyllyk toýumyzyñ bellenilýän gününde
munuñ gyzaryp dyranja üstki bölegini özüm iýäýsem nähili bolarka, bu meniñ otuz
ýylky arzuwym ahyry. Men şunça wagtlap şu öýüñ ody bilen girip, küli bilen
çykyp ýörin, adamymyñ bir aýdanyny iki gaýtaladamog-a...“

         Şeýle
netijä gelip, ol kökäniñ aşaky bölegini adamsyna uzadýar. Uzatsa-da, uzadýar
welin, eli sandyrap dur-her näme diýseñem otuz ýyllyk ýörelge
bozulýar-da!...Adamsy uzadylan bölegi alyp: „Bu gün sen maña bahasyna ýetip
bolmajak sowgat etdiñ, ezizim! Otuz ýyllap men özümiñ iñ gowy görýän, iñ bir höwes
edýän bölegimi iýip bilmedim, sebäbi ony diñe seniñ paýyñ hasaplaýardym“
diýipdir.