Sen ýaşadyňmy beri?

Seni hiç kim düýşünde görmänmidi?

Ejeňden balam, kakaňdan berekella sözüni eşitmediňmi?

Saňa hiç ýerde ýoluňa garap garaşmadylarmy?

Ýazda çagbada galyp, gyşyna ak gary aýaňa gonduryp görmediňmi?

Sowgat alyp barýan bägüliňi ysgamanmydyň? Onuň ysyndan beýhuş bolup, gözüňe söwer ýaryň ýaňaklary görünmänmidi?

Çagakaň urşaňda arkaňy alan bolmadymy? Sen dostuňa arka çykmanmydyň?

Ejizlemejek bolup hyrçyňy dişlemänmidiň?

Begenjiňden guş bolup uçup görmediňmi?

Günäleriň gözüňe ýaş aýlatmadymy?

Bolmanda bir adamdan sag bolsun almanmydyň?..

Sen ýaşadyňmy beri?