Ýalňyşlary gaýtalap durmak AKMAKLYK (my?)

 
Käbir adam öň goýberen uly ýalňyşyny ikinji gezek näme üçin bilip goýberýär? Bir gezek konkretno ýalňyş zat edeniňizde yzyňyza öwrülip, indi gaýtalamajak bolaryn diýýäňizmi ýa şony özüňizçe dogry kabul etjek bolup eliňizden gelenini edip, özüňizi ynandyrňaňyzmy --Sen dogry etdiň, ýok sen ýalňyşmadyň, sen dogry etdiň, sen dogry etdiň, näme diýseler diýsinler, sen dogry etdiň-- diýýäňizmi? Ýalňyşmak aýyp däl welin, gaýtalamak aýyp, üçünji gezek gaýtalamak bolsa akmaklyk. Ol uje adamyň özi defektli diýmek. Tehniki ýalňyşlyklar barada aýdamok, logiki ýalňyşlyklar barada gürrüň gidýär. Adam kämillige ýetensoň goýberen logiki ýalňyşyny tejribesizlikden däl-de, aklysyzlykdan görmeli diýen düşünjäm bar.
 
Indi iň etiňi iýýän ýeri: Näme üçin adamlaryň köpüsi ýalňyşyny kabul etmegi halanok, ýa ýalňyşyny ýüzüne wazyrdadyp bassaň gulagyna tagma basan ýaly çabalanyp hemme zady ýykan ýumran edýärler, hatda seniň salamyňy almadyk bolup honnan bäri bolup ýörýäler. Spokoýny durup, pikirlenip, oýlanyp, kabul etmek adamy kiçeldýärmika? Pylany ýalňyşanyny kabul edipdir, waý masgara - diýlen situasiýa duşduňyzmy? Ýalňyşyňy bir adam ýüzüňe ýekelikde gowy edip şapladyp aýdanda saňa ýamanlyk etýän bolmagy mümkinmi?
 
Biri siziň eden ýalňyş hereketiňizi ýekelikde ýüzüňize ýelmände guduz açman kabul ediň.
 
Aşakdaky setirleri şu ýere sokýan (G.Ezizow)

Baş  çykarmak  gerek  şeýle  gylykdan,
Näçe çuň düşünseň şonça-da ýagşy.
Kebzä  pyçak  sokýan  sypaýçylykdan,
Tumşugyňa  kakýan  gödeklik  ýagşy.
 
Eý, siz, sypaýylar, men taýa bakan
Gelmäweriň leşger çekip, dökülip,
Ýaşasyn hak  üçin gulakdan çekýän,
Göni göze bakýan sagdyn  gödeklik!
 
Ýöne ol ýalňyşlyklaryň käbiri subýektiw ýalňyşlygam dal bolmagy mümkin, bilgeşleýin etmek diýen termin bar. Ýalňyşdygyny bilip, ýöne özüň isleýäniň üçin etmek. Her kimde-de bolýa: bir zadyň ýalňyşdygyny, gowy däldigini, erbetdigini bilse-de şony edesi gelýäni üçin edýär. Ine bu herekete diýer ýaly söz edil şu wagt dilime gelmedi, gelende aşakda teswir edip ýazaryn…
 
Gödek ýalňyşy yzly-yzyny gaýtalaýan adamlardan, esasan hem ýalňyşyny hiçem kabul edesi gelmeýän adamlardan daşda durmak mashalat berilýär. Sebäbi olarda seniň dogry diýýän zatlaryň bulam-mujar eder ýaly güýç bar. Soňabaka özüňden şübhelendirip bilýärler: --Ýa men ýalňyşýanmykam? --- diýeniňi duýman galýaň. Her kimiň dogry diýýän zatlary we ýalňyş diýýän zatlary deň gelmän biler, bu normalno. Ýöne uniwersal dogrular we ýalňyşlar planetanyň hemme ýerinde-de meňzeş.