Şahyr Nobatguly Rejebowda näme günä bar?

19.08.2011 Aşyrguly Baýryýew
Sowet döwründe özüni kämil şahyr hökmünde ykrar etdiren, il içinde
garaşsyzlyk ýyllarynda Nyýazowyň ady bilen çap edilen goşgularyň awtory
hasaplanylýan Nobatguly Rejebowyň Türkmenistan gazetiniň şu ýylyň
4-nji awgustyndaky sanynda onuň tutuş bir sahypasyny eýeläp duran
Türkmen ili Prezidentiň saýlawlaryna barýar... rubrikanyň astyndaky
Galkyn, Döwletli diýar atly, gazetiň özünde aýdylyşy ýaly, şygyr
dessanyna gözüm düşende, makalamyň sözbaşysyndaky sowal döredi.

Onuň soňky birki ýyllykda çap etdiren goşgularyna Azatlygyň efirinde
syn berenimde, awtoryň Onuň Aly Hezretleri Poeziýadan gaçyp, Ýaranjaňlar
ýygnyna goşulmaga barýandygyny ýaňzydypdym. Emma şonda-da Rejebowyň
türkmen şygryýetinde öz ýagşy adyny saklajakdygyna, Onuň Aly Hezretleri
Poeziýanyň huzuryna dolanjakdygyna umyt baglapdym.

Al, saňa gerek bolsa!

Türkmenistan gazetiniň redaksiýasynyň Rejebowyň şygyr dessany diýýän
Galkyn, döwletli diýar sözbaşyly oda-poemasyna ýazan girişini
tutuşlygyna getirmegi makul bildim:

Hormatly Prezidentimiz Gurbanguly Berdimuhamedowyň pähim-paýhasyndan
dörän uçmah ýaly Awaza milli syýahatçylyk hem dynç alyş mekany barada
şahyr hem kinodramaturg Nobatguly Rejebowyň Oguzhan adyndaky
Türkmenfilm birleşiginde Awazanyň aýdymy atly aýdym-sazly çeper
filmi surata düşürilip başlandy. Biz okyjylarymyza Galkyn, döwletli
diýar atly şol filmiň edebi esasyny düzen şygyr dessanyny
hödürleýäris.

Redaksiýanyň maksady düşnükli. Ol gaýtadan baş redaktorlyk kürsüsine
atlanan Annamyrat Poladowyň ýolbaşçylygynda türkmen ilini prezidentiň
göz üçin geçiriljek saýlawlaryna alyp barmaly, has dogrusy, çagyryş
etmeli. Onda-da entek şol saýlawlar yglan edilmänkä. Türkmenistan
gazeti türkmen propagandasynyň kerwenbaşysy bolmaly.

Nobatguly Rejebowyň bu odasy bolsa 30-njy ýyllaryň agitatorçylyk
goşgularynyň häzirkizaman nusgasy ahyryn. Ýöne hakykatyň hatyrasyna
Galkyn, döwletli diýaryň ýaranjaňlyk hörpi ilkinji çalasowat halk
şahyrlarymyzyň şygyrlaryny guma garýar.

Eýsem, olaryň tarypy şu setirlerdäkiçe çykarmydy:

Adyň—doga,

jiger saňa bendiwan,

Çünki seni depesine göteren

Gujurly,

Gudratly Prezidentim bar!

Prezidentim,

Beýiksiň sen, beýiksiň.

Taňrym saňa Serdarlygy beripdir!..

Şu ýerde N.Rejebowyň odasyndan alýan mysallarymyň arasyny kesip,
serdarlygy otuzynjy ýyllaryň şahyrlarynyň Staline, döwürdeş ýaranjaň
goşguçylaryň bolsa Saparmyrat Nyýazowa rowa görendiklerini ýatlatsam
näderkä? Şahyr Gözel Şagulyýewa Arkadag ogluna serdar diýilmegine razy
bolarmy näme? Nobatguly aga bu halypasyndan ozduryp, ýaranjaň
şahyrsumaklaryň öň hataryna geçmegi göwnüne düwen bolsa, onuň gaňryşyny
gaýtarmaly däldir-ä?!

Bolsa-da ol şuny duýan şekilli:

Galkynyş sen!

Özgeriş sen!

Ösüş sen!

Sensiň beýik müňýyllygyň lideri.

Sensiň türkmen Parasady,

Paýhasy.

Sen halkymyň görer gözi,

Didesi.

Dana türkmen diňe seni saýlady!

—diýip ýazanyndan soň, Şagulyýewanyň ruhunda Prezidentim — beýik
Arkadagymyz diýen setiri-de çyrşamagy unutmandyr. Ol türkmen halkyna
Bir agza bak, Arkadagyňa uý sen diýibem üstüni ýetiripdir. Şonda-da
serdar sözünden el çekesi gelmän, ony birnäçe gezek gaýtalaýar: Danadan
dana ol, Serdardan serdar.

Be, janlarym, bu diýdigi ol Beýik Saparmyrat Türkmenbaşydanam beýik, has
hakyky serdar diýdigimikä?! Hawa, hawa, edil özi! Üstünden bardyk:
Oguz hana kybap Serdar derkardyr! Arkadagym, Sen hakyky serdarsyň!.

N.Rejebow joşup bilipdir, özüniň otuzynjy ýyllaryň çalasowat agitator
şahyrlary-ha beýle-de dursun, Gözel Şadanam müň keren zor waspçydygyny
görkezmek kemini goýmandyr. Ol ondan tapawutlylykda, prezidente diňe
ogul, beýik ogul diýip ýüzlenenok. Onuň deregine: Beýik Arkadagym —
ýeke-tägimdir diýip güzledýär.

Allam Arşdan açdy döwlet sakasyn diýip, başda ynamly ýazan awtoryň,
prezidenti arşa çykaryp ýören awtoryň, diýarym uçmahy diýip gomparýan
awtoryň odasynyň soňragynda: Diýaryma nazar sal sen, gara sen diýip
mynajat etmesi nämekä?

Beýik alym Eýnşteýn iki zadyň — älem-jahanyň we akmaklygyň çägi ýok
diýipdir. Nobatguly Rejebowyň Galkyn, döwletli diýar oda-poemasyny
okanyňda ýaranjaňlygyň-da uç-gyragynyň ýokdugy hakyndaky pikir seriňe
gelýär. Ýaranjaňlyk bolsa şöhratparazlygyň, men-menligiň, şahsyýet
kultunyň, özüňi asmandan, arşdan asmagyň çüýrük, zäherli iýmitidir.

Nobatguly, il prezident saýlawlaryna barýan bolsa, sen nirä barýaň? Azaşsaň-da, halk bilen azaşmaly ahyryn.

Aşyrguly Baýryýew Aşgabatda ýaşaýan garaşsyz žurnalist, Edebiýat we
Sungat gazetiniň öňki baş redaktory, Deýwid Börk adyndaky halkara
baýragynyň laureaty. Blogdaky pikirler awtoryň özüne degişli.

Dogrymy aytsam näme hakda gürrüñ edyäniñe düsünmedim.

many tapamak...näme boldy dushinemak..kim günäli,kim dogry?? Dushinen daldirin..awtor,belkem sen byrzatlar dushundirip bizin gozumize aydynlyk salarsyn?

hmm, Terrorzini gardash bu makalany azhabda gyzgyny bn okadym weli, Nobatguly, Gozel sha yaly ynsan sypatly donukdenem beter deyyyuslaryn ene dilimizin sheyle napisligini, sunnaligini, inn esasanam bolsa ADAM-YNSAN diyilyan jandaryn YARANJANLYKDAN hem beter has nakys, nejis umuman antonimi yok soz bn beyan edip bolmayan pes hasiyete cholanyp ullanyshyna gaty gaharym gelya.

Deýwid Börk diýsene. Özä tanyş.

Börk daýyň suratlary.

Bu shekildakiler kim/ka?

Börk daýy

her kim islan zady barada goshgy duzya... her kim islan zady barada aydym aytya... samoye glavnoye ziyany degmese bolya illere... onson seni bir zat edip durmy o goshgy duzileni bilen?

Corba bolday