ÖZÜNI TANAN WELI.

Hormatly Agzalar!
Mundan beylak SYLAP hakynda gurruň gozgamazlygyňyzy maslahat berýärin, çunki LUKMAN
HEKIMIŇ ogluna şu nesihaty bar:
Nesihat kyldy ferzendige Lukman,
Saňa jahyl kişi bahs etse ey jan
Jogap aygyl aňa şirinu we yumşag
Meger bolgay, jehalet hamrydan sag

Eger nefg etmese kylma iada
Bolar aydan seri jahli ziyada
Aňa sud etmese aymak sowaby
Sukut etmekdir andan soň jowaby
…umuman sözme-söz bolmasa-da manysy şu:! Eger bir jahyl (nadan) adam seniň bilen jedel etse, oňa süyjilik we yumşaklyk bilen duşundir, belki jahyllygyndan saplanar, eger kabul etmese oňa 2-nji gezek gaytalama çunki mundan soň näçe jedelleşdigiçe onuň jahyllygy artar. Oňa aytmak, düşündirmek peyda etmese, ondan son dymmakdyr jogaby.
Hawa, SYLABY jahyla deňanimiň sebäbi her adam öz şahsy pikirini, düşünjesini aydyp biler, emma munuň hem kada-kanuny, edebi, ahlagy bar. Ýönekeý dünýewi meselelerde hem bir adamyň haksyz göwnune degseň, töhmet atsaň sud jeza beryar. Emma Adamlaryň ynanjy bilen baglanşykly meselelerde bu esassyz, yalan, töhmetler bolsa haýsy akylly, wyždanly adam muňa razy bolar? (Allaha şükür bir milliartdan gowrak musulman bar, soňky ýyllar Dünýä boýunça has hem Yslam rowaçlanyar, köpelyär). SYLAP özüni hristiýan hökmünde görkezsede ylymly, ynsaply, hakyky Hristiyan adamyň etjek gürrüňi däl, sebäbi öz diniňi adamlara söýdürjek bolup başga dinleri, pygamberleri yamanlap özüňi yigrendirmek akyl işi däl. Biziň ynanjymyzda din başga adamlara şeyle düşündirilyar: Eger men öz ynanyan dinimi başga adamlara söydurjek bolsam, ilki bilen özüm dinimi oňat öwrenmeli we yaşamaly, nusga bolup görkezmeli ondan soň dını kabul etmek adamyň öz aklyna we wyždanyna galyar. Emma dogry ýola salyan diňe Allahdyr. Başga zatlar diňe sebap bolup biler. Ýöne başga dinleri yamanlap nähili öz diniňi söýdürjek? Ilki özuň nusga bol, diniň gözelliklerini, ybadatyny, ýagşy ahlaklylyk, halal ýaşamak bilen görkez. Ýöne yat tutulan birnaçe yhlassyz, täsirsiz ýalan sözler bilen adamlaryň kalbyna nadip girjek? Oňa halypalary şeýle metod öwretdilermikä?
Pikirleniň haryt reklamasynda hem söwda ahlagy bar. Firmalar oz harytlaryny öwýärler, ýöne bäsdeşiniň adyny agzamayarlar, yamanlamayarlar. (D.AZADY işandan “Bir göwün ýykmak müň KÄBE ýykan yalydyr”. YUNUS EMREDEN “Eger bir göwün ýykan bolsaň bu okanyň NAMAZ DAL! YETMIŞ IKI MILLET HEM ELIN-YÜZÜN YUWMAZ DÄL! (Elhamdulilläh şu dinden aýyrmasyn) SYLAP jahyllyk bilen ýalan çeşmelerden doýan beýnisi bilen öz hetdini tanaman ýaşap, duzuny iýen topragyndaky adamlaryň (umuman bütin musulmanlaryň) ynanjyna terrorist dilini uzadandan soň haýsy dinde bolanda näme!? Öz jahyllygyny, binamyslygyny görkezmekden başga öz ynanýan dinine näme peýda getirdi?! (Her kimiň dini özüne bolsun). Hudaydan gorkmasa hem kanunlardan gorksyn, kim bilyar döwür-döwran aylanar ölmän gezip yörse jogapkarçilige çekiler! (Kurana, Pygambere s.a.w. dil ýetiren jezasyny hökman çeker, ýöne kyýamatdaky jezasy bilen deňeşdirlende bu dünýädäki jezasy hiç zat).
Adamlaryň dini ynanjy kemsıdılmeyär. Bolmalysy hem şeyle, dinde zorluk ýok. Ýöne kyýamata çenli Ebu Jehiller (Jahyllaryň Atasy, Şeytandan sapak alan) Ebu Lehebler (şolara meňzeşler) bolaýmaly. SYNAG dünyäsiniň gurluşy şeyle. Oňki asyrlarda “HAÇLY YÖRUŞLER” bilen birtopar bigünä ýurtlar tozdurylýardy, talanýardy, gul-yesir edilýärdi. Indi metodlar üýtgedi, Indi habar beriş serişdelerinde musulmanlary rehımsız, terrorist görkezip, ya karikatur cekip, goşgy ýazyp (arasynda käbir ýerleri bombolap) ýa ýalan ýazgylar yazyp “ÝÖRÜŞ” edýärler. Bularyň bolşy şeyle, şeýle hem dowam eder.
Sylabyň maglumatlary öňki SSSR döwründe Moskwada çykan Pygambermiz hakynda (s.a.w.) iki tomluk (awtory rus, dinini bilmeýärin) kitaplaryň aheňini ýatlatdy. Ony ýazan hem kinayali ýazypdyr. Ýöne şol hem Sylabyň Musulmançylyk hakynda okan toslama kitaplary bilen deňeşdirer ýaly däl, kän hormatly yazylypdyr. Bular ýehowa şayatlary bolmagy ähtimal (özlerine hristiýan diýýän soň dörän bir akym). Men hem kän ýyl öň (1998-2000-nji ýyllar) munuň ýaly meseleler bilen duşupdym. Bularyň taktikasy şeyle: Ilki duşuşyklarda (elbetde) süýji dil bilen musulmansyraýarlar. Huday bir diýýärler kyn hem görseler Pygambermizi s.a.w. wagtlaýynça inkär etmeýärler. Ýöne Isa ( a.s)-y köp agzaýarlar. Soňky duşuşyklarda yaşulylarmyzy ylymsyz nadan, bize kän uns bermeýän we “hakyky dini” bilmeýän we bize hem düşündirip bilmeýändiklerini, esasan hem aýallara garşy “adalatsyzdyklaryny” (Ýewropada, Amerikada birtopar ene-ata garrylar öýüne zyňylýar, aýallar erkeklere deňelip 5-6 äre barýarlar, aýal-erkek poplar beçebazlyga baş urýarlar, şükür biziňkiler dinimiziň saýasynda beýle ahlaksyzlyga düşmeýärler, Allaha şükür biziň enelerimiz başymyzyň täji) aýdyp ugraýarlar, soň aralar berkap ugransoň, “Hoş habar” we Isa (a.s.)-y öň plana çykaryp Pygambermiz s.a.w. hakynda bolsa esasan hem köp aýallylygyny oňe surip ondan sowadyp ugraýarlar. Soňra (özleriniň ynanmaýan Kuranyndan, hadyslaryndan) ynha Kuranda şeyle, hadysda beýle ýazýar diyip (Eger ynsaply bolup, hakykaty kabul edip gowün berip Kurany we hadyslary okasalardy, onda musulman bolardylar. Ýewropa we Amerikadaky birtopar ylym, medeniýet we sungat adamlarynyň Islama girişi ýaly, mysal köp) ters düşündirişler getirip has hem ynandyrýarlar. Anha ondan soň özlerine çekjek bolýan adamlary öň musulmançylyk hakynda bihabar bolsa (näme, SSSR döwründe hakyky musulman çeşmelerinden alynyp ýazylan kitaplar barmydy? Oktýabrýatlykdan başlap kellelermizi Darwiniň maýmynçylyk teoriýasy, kommunizimiň (Marksyň “din halk üçin tiryekdir”) ateistik ideýalary we mollalara duzulen negatiw kinolar, anekdotlar bilen doldurmaga calyşýardylar. Iki-yeke obalarda yaşulylarmyz (olary Allah ýalkasyn) din kitaplaryny okayan bolaýmasa başga kän gyzyklanyp barýan hem ýokdy ) olaryň duzagyna duşýär. Soň olar yhlasly okuwçysyna Aşgabatda kwartira hem wada edyarler. Eger mynasyp bolsa alyp hem berýärler. Daşyndan her yyl ABŞ-a gezelenç we daşary ýurtda Sylabyňky ýaly aýlykly wezipe hem garaşýar.
  Ynha umuman şeýleräk planda kereplerine çolaýarlar. Onsoň olaryň yzyna dönmäge mümkinçilikleri belki hiç galmaýar. Ýetişdirlen “Sylaplar” olaryň planyna görä binamyslyk bilen aldygyna musulmanlara garşy dil terrorlygyna başlaýarlar. Daşhowuz welaýatynda bir aktiw talyplaryna ýagy bilen BMW hem alyp beripdirler. Bular biziň bilýänlerimiz. Onsoň hem bulara hem duşunäýmeli. Ters hem bolsa ynançlaryny ýaýratmalyda. Krişnalar hem hereket edýärdiler. Mary welaýatynda has hem köp diýýärdiler, onsoň hem bular özlerine aw saýlanlarynda pukararak, diniň gowşagyrak tutulýan ýerlerini, edara, ofislerde işleýän, maşgala durmuşyndan (hakly ýa haksyz) närazy, dini bilimi az bolan, köplenç aýal maşgalalary saýlaýarlar. (Bulara hekaýa, toslama diýip bilerler, emma Sylabyň şu haly Size janly şaýat dälmi? Onsoň hem gyzyklanyp göräýiň) Men “Sylaplar” ýaly musulmançylygyn hakykatyna ýetman ya-da ene-atasy musulman yaly görünip ateist ýa-da dinden habarsyz maşgalada yetişen we “musulmançylyk şumyka” diyip oňa yigrenç duýup son hem kämil dinden çykýan iki ýeke adamlara gynanýan (emma musulmançylykdan çykýan köp dal, Allaha şükür hristyançylykdan musulmançylyga geçýän köp.) Her näçe kirli dillerini uzatsalar hem ne Kur anyň ne Pygamberleriň (bütin pygamberleriň a.s.) abraýyna we hormatyna zerreçe zyýan ýetirip bilmezler (almaza-kömür, kömüre almaz diýilen ýaly). 
Olara delil getirjek bolmaň, sebäbi olarda delil kabul etjek kalb, niýet ýok. Hakykatdan hem öwrenmek isleselerdi onda Sizden soraman müňlerçe deliller taparlardy. Onsoň hem şunça ýyllap bize garşy netijesiz jahyllygyny görkezýän bolsa onuň asyl maksady din hem däl belki....
Garaz eý doganlar nazyr boluňlar,
Ýaman ýol, fyrkaga hazyr boluňlar!
Dinimizde paýyş söwmek günä bolýar, ýöne bir adama “akmak, jahyl, nadan, biedep ýa-da binamys” diýip bolýar. Sebäbi adamda munuň ýaly kemçilikler bolup bilýär.
Adamyn gadryny bilmeýän iki zady bar, biri jan saglygy, biri hem wagty. Bu meselä (ömür)wagt bermek isrip we jedel bolyar, isrip haram, jedeliň hem peýdasy bolmasa ne derkary bar? Sylabyň aramyza sokulmasyna uns bermaliň her kimiň öýünde zir-zibil atýan gaby bar ahyry!Goý Sylap hem biziň şol gabymyz bolsun. Çykmadyk janda umyt bar belki gözi hakykata açylar.
Hormatly Adamlar! Ata-babalarymyzyň däp-dessurlaryna we türkmençiligimize wepaly bolup, masgalamyza, il-gunimize umuman butin Adamzada peýdaly omur ýaşamaga çalyşalyň. Allaha şukur şonuň ýaly ýaşamaga hem gaýrat edýäris. Geliň Lukman Hekimiň nesihatyny tutalyň (K.Kerimde hem Lukman hekimiň nesihatly kyssalary meşhurdyr).
Jahyla jogap dymmakdyr, dymmakdyr, dymmakdyr.
Peydasyz işleri taşlamak kişiniň musulmanlygynyň kämilligindendir.
Yagşy-yaman jümläni Allaha tabşyrdyk.
Bagyslaň! Gürrüňi köp etdim.
Mubärek Remezan aýynyň sogaplaryndan Sizlere we bizlere bol-bol nesip etsin.
Wesselam.