Degişmejikler.
Salowmaleýkim adamlar! Işleriñiz bilen armañ! Köp işlemän arasynda dynç almaly, dynç alan wagtyñyzam şular ýaly degişmejikler okamaly we ýylgyrmaly. Geliñ, ýagdaýy boldugyndan ýylgyrmaga synanşalyñ!
Gaýygyñ içi adamdan hyryn-dykyn doly eken. Birden derýanyñ ortarasynda gaýyk deşilip, onuñ içine suw dolup başlapdyr. Ýolagçylar howsala düşüpdirler. Diñe bir adam, edil hiç zat bolmadyk ýaly, arkaýyn otyr eken.
- Sen näme iki eliñi gowşuryp otyrsyñ? Gaýyk häzir batjak bolup dur ahyryn! - diýip, oña ýüzlenipdirler.
Ol bolsa:
- Aý, batsa batybersin, maña näme? Gaýyk meñki däl ahyryn - diýip jogap beripdir.
Günleriñ bir güni kör, ker, egri boýun üçüsi teatra gidipdirler-de, oýun gutarandan soñ biri-birleri bilen pikir alyşmaga başlapdyrlar.
- Men-ä oýny haladym, ýöne sazy onçakly täsirli däl eken - diýip, ker öz pikirini aýdypdyr.
- Aýdýanyñ näme, sazy baryp ýatan saz-la! Meniñ pikirimçe, belanyñ körügi aktýorlaryñ ýaramaz oýnamagynda - diýip, kör kere garşy çykypdyr.
- Dawalaşmañ - diýip, egri boýun gürrüñe goşulypdyr. - Meniñçe, sazam, aktýorlaryñ oýnaýşam gaty oñat. Eger sahna gyşarmadyk bolsa, oýun uly şöhrata eýe bolardy.
Arhiwiň ýagdaýy
● Doly tekst
● 16/16 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 24 maý 2012 ý. · Asyl sahypany gör ↗
Teswirler 16
Bazarda gopgun turdy.
- Gapjygymy ogurladylar!
- Nirede?
- Haçan?
- Nähili? - diýip, gapjygy ogurlananyñ üstüne sorag baryny ýagdyrdylar.
- Alada galyp durmañ! Hiç zat bolanok - diýip, gapjygy ogurlanan arkaýynlanypdyr.
- Näme? Gapjygyñ gitmänmi?
- Ýok, gapjygymy-ha ogurlapdyrlar welin, ýöne pulum ýitjek däl. Mazaly, gapjygyñ açary jübümde galaýan eken. Indi ogrynyñ etjek alajy bolmaz! - diýip, ol begenjinden ýaña ýyrşaryp jogap beripdir.
:-)
Kakasy öljek bolup durka, uly ogluny ýanyna çagyryp:
- Indi meniñ sanalgym doljak. Gazanan pullarymy üçüñize goýup gidýän. Hany aýt, sen meni nädip jaýlarsyñ? - diýip, ondan sorapdyr.
Ol bolsa:
- Kaka, men seniñ üçin iñ gymmat bahaly tabyt alyp, seni uly hormat bilen jaýlaryn - diýipdir.
Uly oglunyñ bu beren jogaby kakasynyñ diýseñ gaharyny getiripdir:
- Ugra şu ýerden! Men bu pullary tabyda sowmak üçin ýygnandyr öýdýäñmi!?
Ortanjy ogly şol mahal gapynyñ agzynda diñläp duran eken. Kakasy ony ýanyna çagyranda, ol:
- Sen ölseñ, kaka, men seni köne boýra dolap jaýlaýaryn - diýipdir.
- Häý, bihepbe doñuz! Boýra sekiniñ üstüne ýazmaga gerek bolar! Ýok bol - diýip, kakasy has gaharlanypdyr.
Onuñ kiçi ogly gaty akylly eken. Kakasy ony ýanyna çagyranda, ol:
- Kaka, sen ölen badyña, egin-eşigiñi çykaryp, köwşüñi alaryn-da, özüñi hem itlere şam edip, çöp-çalamyñ içine taşlaryn - diýipdir.
Kakasy hoşal bolup, ýylgyrypdyr-da:
- Indi arkaýyn ölsem bolar. Meniñ miras galdyrmaga mynasyp oglum bar - diýipdir.
Bir sapar palçy geçip barýan bir adamdan ýol sorapdyr.
- Sen palçy ahyryn! Ile pal atyp, olaryñ ykbalyny bilip ýöreñsoñ, ýoly bilmek dagy señ ýanyñda nämejikdir. Ýa ýola çykañda, özüñe pal atman gaýtdyñmy? - diýip sorapdyr.
- Atman näme, atdym-la! Ýöne şol atan palymyñ jogabynda ýoly senden soramaly bolup çykdy.
Biziňem maşgala gaýygymyz suw alyp başlasa-da maňa näme diýmänä dowam edýäris, gynansagam. Sag bol paýlaşanyňa, durmuş bilen gabat gelýän arassa degişmeler..
Bir oglanjyk kakasyna ýüzlenip:
- Kaka, doganym maña nadanyñ ogly diýýär - diýipdir.
- Göwnüñe alyp durmazlar, oglum, men onuñ günäsini geçýärin - diýip, kakasy jogap beripdir.
Ogly bolsa:
- Sen günäsini geçseñem men geçemok, onuñ özi nadanyñ ogly - diýip käýinipdir.
Bir keselli özüni bejertmek üçin doktoryñ ýanyna gelipdir.
Doktor bolsa oña:
- Her sapar özüñe seretdireniñ üçin 10 müñ manat bermeli bolarsyñ. Keselden doly saplanmak üçinem iki aýlap her hepdede iki gezek gelmeli bolarsyñ, şeýtmeseñ welin ölersiñ! - diýipdir.
Keselli birsalym böwrüni diñläpdir-de:
- Eger öläýsem çykdajym kepenlik üçin bary-ýogy 8 manat pul gerek bolar, aý, onda-ha ölmek has arzan düşjek eken - diýip, keselli çykyp gidipdir.
Sag bol degismeleriñ ücin. Menä haladym
Sag bol degismeleriñ ücin. Menä haladym
Bir musulman şerap içip, mes bolup, metjide gelipdir. Ymam onuñ bolup durşuny görüp:
- Ä-heý, tañrysyz! Nämeşip şerap içdiñ? - diýip sorapdyr.
- Kart oýnamda batyr bolmak üçin.
Ymamyñ gahary gelipdir.
- Nämeşip kart oýnaýañ? Oña din ýol bermeýär ahbetin.
- Az-owlak pul utup, tenini satýan heleýleriñ ýanyna gitmek üçin oýnaýan.
Ymam gahar-gazaba çykyp gygyrypdyr.
- Allasyny tanamaz bedasyl! Seniñ külli günälerden etmedigiñ barmy!?
- Heniz metjidiñ ymamy bolup göremok - diýip, şerapdan mes bolan musulman jogap beripdir.
Ak göwünli bir adamynyñ garrylyk zerarly işden galan eşegi bar eken. Onuñ iým iýip, zyýan bermekden başga peýdasy ýok eken. Eşekden başga ol adamynyñ semiz hem-de süýtli sygram bar eken. Bir sapar ol zeýrenipdir-de:
- Eý, Tañrym, şu eşegi özüñ alaweri, bir tär et-de, öldür! Ýogsam bolmasa, gury çykdajy, halys iripdirin! - diýipdir.
Ertesi ir bilen ýataga gelse onuñ süýtli sygry ölüpdir-de, eşegi diri galypdyr. Ol gaty gynanyp, asmana bakyp gygyrypdyr.
- Eý Tañrym! Asmandan şunça ýyl bäri äleme erk edýän bolsañam şu mahala çenli eşek bilen sygryñ tapawudyny bilmeýär ekeniñ! Men saña eşegi öldür diýipdim ahyryn!
Gowja degişmeler welin kakasyny ölenden soň itlere bererin diýene düşünmedimlaý
hahah gowja eken 🙂
Haha haladym