Nelson Valdez - Gurban agaň täze transferi.

Häzirki wagtda Ispaniýanyň ''Hercules'' futbol toparynda hem-de Paragwaý Milli futbol ýygyndysynyň düzüminde çykyş edýän 27 ýaşyndaky Nelson Antonio Haedo Valdez resmi ýagdaýda Kazanyň Rubinine transfer boldy.

Öňümizdäki günlerde Nelson Valdeziň Kazana gelmegine we Rubin bilen kontrakta gol çekmegine garaşylýar. Rubiniň resmi saýtynda berlen habara görä, Valdez öňümizdäki 3 ýylda Rubiniň eşigini geýer. Rubin Valdez transferi üçin Herculese 4 million € tölemeli bolar.

fcrubin-kazan.ru/index.php?option=com_content&task=view&id=815&Itemid=1

Bu transfer möwsüminde ýalňyşmasam Valdez Gurban Bekiýewiçiň 1-njy transferi öýdýän. Bu transferden başga-da 1-2 sany zady aýdyp geçsem temada artykmaçlyk eder öýdemok: Gyşda Angliýanyň ''Birmingem'' toparyna arenda oýnamaga giden Martinsiň hem kluba dolanandygyny ýatladýan. Kazanlylaryň ýene-de bir arenda-da oýnan futbolçysy Portnýagin hem Nalçigiň Spartagyndan öňki klubyna Rubine dolandy. Başardygyça elindäki sostawyny saklamak isleýän Gurban aga bu transfer sezonynda entegä öz esasy oýunçylaryndan satany ýok. Rubinden diňe biri futbolçy, ýagny Brandi gitdi. Oňa-da žalka dälläý.

Çempionat Rossiýanyň bu transfer möwsüminde iň hereketli kluby bolan Mahaçkalanyň ''Anži'' futbol kluby bilşimiz ýaly geçen hepde sostawyny Rossiýanyň Milli ýygyndysynyň futbolçysy Žirkow bilen güýçlendiripdi. Anži Žirkow üçin Çelsä jemi 15 million € töweregi tölemeli boldy. Italiýanyň Inter klubynda oýnaýan Kamerunly Eto'O hem Dagestanlylar bilen transfer gepleşiklerinde bolýa-bolýa edişipdir öýdýän. Eto'O-ň transfer bahasy 25 million € töweregi, Anžiden ýyllyk aljak pulunyň mukdary bolsa 20 million $ töweregi. Bu diýmek näme, eger-de Eto'O Anžiň futbolçysy bolup, klubdan ýylyna 20 million dollar aýlyk alsa, onda ol çempionat Rossiýada häzirki wagtda (ýalňyşmasam Çempionat Rossiýaň taryhynda-da) iň köp aýlyk alýan futbolçy bolar. Şuwagt Çempionat Rossiýada iň köp aýlyk alýan futbolçy Roberto Carlos 11 million $ töwerekleri alaýýar öýdýän.

Mahaçkalalylar bu transfer sezonynda Žirkow we Eto'O-dan başga-da Gollandiýanyň PSV futbol klubyndan Jujaky, Himkiden Logaşowy we Spartagyň Moskwasyndan Prudnikowy transfer etdi. Komandadan bolsa 8 futbolçy gitdi. Olaryň biri bolsa komandaň öňki kapitany Şükürow. Anžiniň indiki transferiniň Bawariýaly Anatoliý Timoşuk bolmagyna garaşylýar. Timoşuk transferinde Bawariýa bilen Anži poçti oňuşypdyrlar öýdýän. Bu barada «Советский спорт» habar berdi. Timoşuk bilen Anžiden öň Zenit hem gyzyklanypdy. Ýagny Zenit Timoşuga Sankt Peterburgda 1 ýyllyk arenda-da oýnamagy üçin 2 million $ tölejegini duýdurypdy. Anžiniň transfer etmek isleýän we ugrunda ylgaýan beýleki futbolçylary: Rossiýaň Milli futbol ýygyndysynyň kapitany Arsenally Andreý Arshavin hem-de häzirki wagtda RPL-iň bombardiri Zenitli Lazovic. Ýene bir zady ýatladýan Istanbulyň Galatasaraýy Arşawin üçin Arsenala 16 million teklip edipdir. Umuman Anži bu edýän transferleri bilen indiki ýyl çempionlyk üçin oýnap bilermikä diýýän.

Rossiýaň Premýer ligasynyň soňky çempiny Zenit bu transfer sezonynda Italiýanyň ''Genoa''-syndan Kirişitony transfer etdi. Ýene-de 4 futbolçysy (Pýugrinýe, Lubm, Rozina, Kornilenko) arendadan yzyna Zenite dolandylar. Klub 3 oýunçysyny (Penhoililo, Petrow, Çeminawa) bolsa satdy.

Häzirki wagtda RPL-iň turnir tablisasynyň lideri CSKA Latwiýanyň Skontasyndan Saunýany transfer etdi. Öňki futbolçysy Maazu arendadan yzyna dolandy.

Moskwaň Spartagy bu transfer möwsüminde öz lideri Alex-i ýitirdi (Korinthiansa satdy). Şeýle-de ýene bir Brazil futbolçysy Ibsony Santosa satdy. Sostawyny bolsa Fenerbahçeden transfer bolan Emenike hem-de Gollandiýanyň Milli ýygyndysynda oýnaýan De Zeuw bilen güýçlendirdi.

Transfer sezonyny hereketli geçiren klublaryň ýene biri Moskwaň Lokomotiwi bolsa sostawyny Lewanteden transfer bolan Kaýsedo, West Hamdan transfer bolan Da Kosta, Sportingden transfer bolan Sapater hem-de komanda mugt düşen Obinna bilen güýçlendirdi.

Moskwaň Dinamosynyň öňki futbolçysy Kawalçuk arendadan yzyna dolandy. Çeçenleň Teregi Palmeýrasdan Ewertony, Birmingemden Çehiýaly Iraneki transfer etdi. Aşgabatly tälimçi Waleriý Nepomnýaşiň Tomy Zenitden Çeminawany, Soçiň Žemçužinasyndan bir wagtlar Spartakda ýyldyzy parlan Denis Boýarintsewi transfer etdi. Nalçikden Molýarow gitdi. Krylýa Sowetow öňler Serbiýaň Milli ýygyndysynda hem çykyş eden Ognen Koromany Srwena Zwezdadan transfer etdi. Kuban Den Haagdan Kubiki, Amkar Serbiýaly Wlažiçi, FK Krosnadar Portugaliýaly Rui Migeli transfer etdiler. Şeýle-de Nižniý Nowgorodyň Wolgosy 7 futbolçy, Don boýundaky Rostowyň FK Rostowy bolsa 6 futbolçy bilen düzümini güýçlendirdiler.

Çempionat Rossiýadan transfer täzeliklerä gysgaça şeýleräk. Eto'O transferine bomba transfer diýsegem bolýar. Aljak ýyllyk puluna serediňä, 20 million $. Men-men diýen futbolçylar şo puly alanok. Ibrahimović: ''Maňa Eto'O üçin berijek puly teklip etjek klub bolmaz diýip umyt edýän. Eger şonça pul teklip edilse, Milanda galjagym ikuçsyz'' diýdi. Islendik futbolçyň hem 20 milliondan ýüz öwüresi gelmez, bu görnüp duran zat.

Gurban agaň transferine-de erbet diýesim gelonok. Gowy transfer.