Kakamyň gözleri...
Şu günler kakam pahyryň gözleri köp göz öňüme gelýär. Kakamyň asman ýaly gök gözleri bardy. Oňa göni garamak aňsat däldi. Ösgün gaşlary üstüni örtüp durandyr. Emma, gözleri gülüp duran wagty gaty owadandylar. Men körpe ogul bolamsoň onuň iň ýumşan döwürleri ýetişdim. Maňa köplenç gülüp bakardy. Özüme gaharly seredeni 2-3 gezek bolaýmasa, kän däldi. Ah, şol 2-3 gezegem bolmadyk bolanda... Men welin, kakama kän gülüp bakyp bilmezdim. Kakaň bilen gülüşip bolýarmy? Emma, mährimi duýan bolsa gerek, oňa-da doly ynamym ýok. Biz ogullar kakalarymyza nähili ýowuz ekenik. Kakama ýok diýenim ýadyma düşenok. Etme diýenini edenimem ýadyma düşenok, hernä. Meniň oglum boljak bolsa, ony etmez diýip eden tamasynam ýalana çykarmadym. Belki,özi ýaly oba hojalykçy edesi gelendir? Emma, onam ýüzüme aýtmady. Men häzir kakam näme et diýse etmäge taýýar. Ýöne ol diýmez, menem bu synagdan geçip bilmen. Ýekeje gaýgym onuň razylygy... Kakam pahyryň gözleri, olaryň nähili üýtgeşikdigini görenler bilýändir. Sizem agzaçara çenli nämä güýmensemkäm diýip oturan bolsaňyz, bolmanda şonda kakaňyzy ýatlaýansyňyz. Ýa gowy görýän gyzyňyz garaşdyrýarka? Ýa uzyn nobata durup bir zatlar ýatlaňyzda... Gün içinde, hepdede bir gezek, bolmanda aýda....
Arhiwiň ýagdaýy
● Doly tekst
● 11/11 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 9 oktýabr 2011 ý. · Asyl sahypany gör ↗
Teswirler 11
Öz perzendine mähir bilen sereden mahriban gözler...
Sheýle gowy makala bolupdyr Ylýas aga sagbolyñ.
Kaka bn näme gülship bolýamy näme diýipsiñiz welin, meniñ kakama Hudaýjana ýüz müñ shükür edýän.
Ol biz bn ha gülüshýä, hä degishýä hatda oýun edip ýakalashýaram. :-D
Belki men tersiräk düshünen bolmagam mümkin.
Allajandan bir dilegim bar, sholar dünýäden gaýdanda bizlerden razy bolup gitmek nesip eýlesin.
Chünki jennetiñ achary, ene-atanyñ dabanynyñ ashagynda diýýär pyýgambermiz.
Allatagalanyň razylygy ene-atanyň razylygynda. Aýatda diri wagty olaryň razylygyny gazanmak parz. Dünýesini täzelän bolsa ruhlaryny şat etmek borjumyz.
Allajan meňem kakam menden razy bolsun ýatan ýeri ýagty bolsun
Hemme wepat eden kakalaryn yatan yeri yagty bolsun.Imany hemrasy bolsun.Yzynda galanlaram Alla sabyr,guyc we kuwwat bersin!
Cagakam körpe bolamson ejemdenem beter kakamy gowy göryan. Elmydama kakam zat alyp bererdi,mekdebe dusurerdi,ejem gygyrsa arkamy alardy,sowamana pul bererdi...
Bu wagt kakam yaraman yatyr welin,elimden gelyan kömek etyanem welin...
Allajan sag jan bersin hemmanize!
Kakamyñ gözlerine gürleşenimizde göni garap bilemok. Kelläm köplenç egik gürleşyän. Ses tonumam köplenç kakamyñkydan pesiräk bolyar. Gatyrgananany yadyma düşenok, yöne sözsiz käbir seredişi meñ üçin iñ uly käyinç bolyar. Bir temada ylalaşmasak köplenç oña hak beryän.. Yaşy uzyn bolsun!
Şey diydä, sen welin eje eje diyip, aldyng yatdyng (multikdan)
wagtynda ene atan gadryny bilip yasamaly, bu dunyade olardan degerli hic zat yokdur.
Kakamyň gözünden çykan ýekeje damja ýaşy we rahat ýylgyryşy onuň maňa galdyran iň soňky ýatlamasy.
Kakama we kakamyň kakasyna hassa wagtlary hyzmat edip bilenime begenýän.
Pederlerin halyny,
Peder bolmayan bilmez
Atynky dey yurek gerek,
ki sygsyn begenc gynanc,
berk bolmaly, syzdyrmasyn,
Ata bolsan mert bolmaly,
daglar dey belent bolmaly