Her çemenden, bir gunça.
Bir ýagşyzada bilen otuz ýyl bäri tikinçilik kärini ýöredýän adamyň arasynda şeýle söhbetdeşlik bolup geçýär:
- Günäkär halyňa näme üçin henizem toba etmeýärsiň?
- Ölüm gelip ýetýänçä, entek wagt bar, toba eder ýöreris-dä.
- Sen näçe ýyl bäri tikinçi bolup işleýärsiň?
- Otuz ýyl.
- Şu wagta çenli eliň iň köp endik eden zady näme?
- Gaýçy bilen mata kesmek.
- Ölüm ýassygynda ýatyrkaň, eliňe gaýçy berseler, şonda-da aňsatlyk bilen mata kesip bilermiň?
- Şeýle kyn pursatda matany nädip keseýin?
-Otuz ýyl bäri endik eden zadyňy edip bilmejek halyňa, ölüm ýassygynda ýatyrkaň, ömrüňde bir gezegem etmedik tobaňyy nädip etjek?!
Arhiwiň ýagdaýy
● Doly tekst
● 32/32 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 27 iýun 2012 ý. · Asyl sahypany gör ↗
Teswirler 32
Bir adam ýoluň gyrasyna tiken ekipdir. Tikenler ösüp-ulalyp, ýoldan geçýänleri birahat edip başlapdyr. Şonda ony eken adama:
– Tikenlariňi gopar indi – diýipdirler. Ol:
– Bolar. Ýakynda gopararyn - diýipdir.
Ýöne ol adam ertesem, birigünem tikenleri goparmandyr. Tikenler bolsa barha pajarlaýarmyşyn.
Şonda bir dosty:
– Bu işi mundan uzaga çekme. Wadaňda dur – diýipdir. – Sen hemişe “ertir” diýip ýörsüň. Tikenler ulalyp güýçlenýär; sen bolsa garrap, kuwwatyňy ýitirýärsiň. Soň tikenleri goparmaga güýjüň ýetmez öýdüp gorkýan.
...
Günäler gaýtalandygysaýyn ulalar, kökleri çuňlaşar, endige öwrüler. Ynsan endik eden zadyny terk etmekde kynçylyk çeker.
Döwrümizde adamzat jemgyýetçiliginiň, hususan-da ýaş nesliň iň esasy meselelerinden biri-de gowşak ýatkeşlik bolup durýar. Ýagny, bu gün köp kişi okan, diňlän zatlaryny tiz unudýar. Munuň tersine, birnäçe ýaşuly adamlaryň, garry atalarymyzyň aň we ýatkeşlikleriniň örän güýçlüdigini, zehinleriniň-de juda ýitidigini görýäris.
Osmanly döwrüniň tanymal şahsyýetlerinden Mähir Iz Hojaefendiden:
– Ussadymyz! Tüweleme, örän ýiti zehiniňiz, güýçli ýatkeşligiňiz bar. Elli-altmyş ýyl ozalky wakalary düýn bolup-geçen ýaly ýatlap, gürrüň berýärsiňiz! Munuň syryny aýdaýsaňyz? – diýip soranlarynda, Osmanly döwrüni gören bu goja alym, göz terbiýesi bilen baglanyşykly şu jogaby berýär:
– Oglum, biz Osmanly başlangyç mekdebine gitdik. Bize ilkinji gün, ýolda ýöremegiň kadasyny öwretdiler: “Göz, aýagyň ujunda bolmaly, ýöreýän wagtyň!” diýip. Gözlerimiz hemişe aýaklarymyzyň ujunda bolardy. Diňe öňümize serederdik. Siz bolsa zol-zol töweregiňize seredýärsiňiz... Oňa seret, muňa seret... Bu gidişde, sizde ýatkeşlik galmaz. Günäni göz gazansa-da, belasyny köňül çeker. Göz sereder, köňül birahat bolar we ýatkeşlik ejizlär.
Hawa, göz sereder, köňül birahat bolar, akyl bulanar. Harama nazar etmek bilen gazanylan her günä ýürekde çuň ýara goýar. Haramy ähmiýetsiz, kiçi görüp, ony dowam etmek bolsa, has erbet netijelere elter. Beýik alymlardan biri bu barada: “Möçberiniň kiçiligine seredip, günä baha berme. Çünki kalbyňda emele gelen ýeke tegmil, seniň şahsy dünýäň ähli ýyldyzlarynyň öňüni tutar.” diýýär. Ynsan, erkine eýe bolup, gözüni terbiýeläp bilen ýagdaýynda dury köňle we pugta ýatkeşlige eýe bolar. Has möhümi-de, pygamberimiziň şu buşlugyna mynasyp bolar: “Serediş, şeýtanyň zäherli oklaryndan bir okdur. Kim Allah gorkusyndan nämähreme seretmese, Allah onuň kalbyna, taýsyz lezzet bagyş etjek iman eçiler.”
Maňa ýarady.
Sagja bol gaty manyly maglumatlar.
peydaly zatlar yazypsyn.Allah razy bolsun 👍
Su gepleñ hemmesi cyn bolsa bir yürejik josup goyberäy.
INIM TIKENEK TIKENEK BOLDY.
Sagjabol maya gaty yarady.
INIM TIKENEK TIKENEK BOLDY.
Sagjabol mana gaty yarady.
Haladym.Haladym.Haladym.++++++++++
Elleriňe saglyk. Manyly mowzuk açypsyň.
Beýik Allajan ählimizi diňe dogry ýoldan ýörejek, diňe Onuň halan zatlaryna seredip ýaşajak gullaryndan eýlesin!
Ämin.
Tesekkür ederim. Evet göz zinasindan sakinmamiz lazim. Hatilattigin icîn cok tesekkürle abicim
Berekella Mirasymyz bu aýda ýazylmaly zatlardan ýazypsyň
Berekella! Ajaýyp mowzuk!
Bu tymsallar duýdurýar, düşündirýär, subut edýär, yrga diskussiýalary çözýär, şoň üçinem gowy okalýar. Düşünip okasaň, bulardan Kurany Kerimiň käbir aýatlarynyň özboluşly, mysaly teswirini tapyp bilýar.
Sag bol paýlaşanyňa!
Коп саг бол говы маглуматларыныз учин халадым.
Ine shular yaly gowja mowzuklardan yazylsa Teswirlere giresin gelyar . Sagja bol! Ellerine guller bitsin!
dana sozlen dana dinleyjisi bolmaly!
kop sagbolun! Su ayda sonky wagt okayan temalarymyn in gowusy shu bolsa gerek!