Алымың гызы.
Бир вагтлар бир алымың бир бойы етен гызы бар экени. Оңа кән ерден гудачылыга гелипдирлер. Арабам гелипдир, аҗамам (араплардан гайры миллетлере аҗам дийилйәр) гелипдир, баям гелипдир, гарыбам гелипдир. Ахыры бу алым отурып, пикир эдип, өз юрдунда бир кән яшан, гаты акыллы бир насраны (християн) бар экени. Шонуң янына маслахата барыпдыр ве:
-Эй, насраны! Мениң бир бойы етен гызым бар. Кән ерден-де шоңа гудачылыга гелйәрлер. Мен гызымы шоларың хайсысына берсемкәм?-дийип сораяр. Шонда ол насраны гүлүп:
-Вех, бу нәхили болды? Сен бир алым, мен бир җахыл. Сен бир мусулман, мен бир кәпир. Сен хемме затда өзүңи менден ёкары сайып йөрсүң. Ене-де гелип менден маслахат сорамаң нәме?-диййәр. Онда ол алым:
-Мен сенден маслахат сораян. Сенден шеригат сорамок. Сен бир кән өмүр гөрен, көп юртлары гезен, теҗрибеси кән адам. Мен сениң теҗрибәңден маслахат сораян. Сен маңа өз теҗрибәңи айт-диййәр. Ол насраны:
-Боляр, мен өз теҗбирәми саңа айдайын. Мен араплары гездим, араплар гызларыны тайпасы кән адама берйәрлер. Ягны тирепаразлык эдйәрлер. Оларың огланың байлыгы-гарыплыгы билен ишлери ёк. Олар гызларыны тайпасы кән адама берип билселер, арманлары ёк. Мен аҗамлары гездим, аҗамлар пулы кәни гөзлейәрлер. Оларың тире-тайпа билен ишлери ёк. Хайсы огланың пулы көп болса, гызларыны шоңа берйәрлер. Мен өз тайпам болан насранылары (християнлары) гездим, олар диңе оваданлыга середйәрлер. Оларың байлык билен тире-тайпа билен ишлери ёк. Олар гызларыны диңе овадан оглана берйәрлер. Мен сениң диниңде болан Мухаммедиң ымматының диндарларының янында гездим. Оларың байлык билен, тире-тайпа билен, оваданлык билен ишлери ёк. Олар хайсы оглан таква болса, гызларыны шоңа берйәрлер. Ине, Мухаммет саллаллаху алейхи веселлемиң ёлунда болан диндарларың берйән-ә шулар, бейлекилер-де шулар-дийип, җогап берипдир. Ол алым:
-Болды, маңа-да гереги шу ери-дийипдир. Онсоң гелип, шол гелйән гудаларың ичинден такварагыны сайлап, гызыны шоңа берипдир. Ине, бизиң Пыгамберимизиң ёлы, хер вагт гызыңы берҗек болсаң, такварагыны гөзлемелидир. Худайдан горкяна бермелидир.
Arhiwiň ýagdaýy
● Doly tekst
● 23/23 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 23
Tüweleme, hekaýaňa sag bol.
gowy hekaýa. Ýöne musulmanlary arapdan, ajamdan başga aýratyn milet ýaly görkezipdir.
Bizin gyzlarymyzam suna uns berse erbedem bolmazdy.Galybersede gynansakda yurdumyzda takwanyn namedigini kop yigitlerimiz bilmeya.Bilyanlerem yerine getirmeya(men yali)
takwa bolsaň wahabist diýilýä bumat.
tuweleme gowuja hekayat ekeni
Aý bu wagt takwa bolsaň gyzlar bagşy getirenok diýip gelenoklarahow.
gowy hekaya
Ondaňam gyňajymy uzyn daňdyrar toýa goýbermez molla barjak däl diýişip ýörlerä gyzlar ýöne bolup bilsem gelmän geçsinler takwa boljak welin bolubam bilemokda.
Takwa -name .manysy şu sözün?
Howa takwan manysy name,hekayanam haladym.
w harpy ters öwürip, tak-yny yza geçirseň matak bolýa.
Sen aldynmy sho gyzy matak 🙂
ýo, n harpam aýyrmaly eken. garaz men däldä.
Takwa sypat dal oydyan, takwaly oglan diymeli. yada muttaki diymeli. Dindar diymek , her ishinde harama halala uns berip yashamak. Takwanyn derejeleri bar her kim oz derejesine gora takwaly bolyp biler,
Takwa sypat dal oydyan, takwaly oglan diymeli. yada muttaki diymeli. Dindar diymek , her ishinde harama halala uns berip yashamak. Takwanyn derejeleri bar her kim oz derejesine gora takwaly bolyp biler,
ozi bay dal konli bay bolsun.akly bay bolsun
Meñ bilsime görä takwa diymek gijelerine turup kuran okap namaz okayanlara özi ü/n dälde basgalary ü/n dileg edyän adamlara diyilyär öydyän. Emma hany bizde olar yaly zatlar.
Takwa diýip dindar adamlara diýilýär.
Gowja hekaýa.
Sheýle takwa alym bolmak,
sheýle takwa ýigit bolmak,
sheýle dindar ýerden
gyz almak,
esasanam musulman toýuny bermek diýseñ arzuw edýän.
Sagbol @Jeýhun!