SENI YATLAP.

SENI ÝATLAP
Bu gün ýalňyzlykda ýatladym seni,
Ýandyran günleriň ýatladym, gülüm.
Gaýgysyz, hasratsyz, geçmezdi birem,
Yekeje sagadym, ýekeje günüm.

Sen bolupdyň meniň şatlyk hem gaýgym,
Sen diyip ugruňda porhan-dälidim,
Göwnüme seň wysalyňa ýetmäge -
Diňe sen diýip dünýä inen ýalydym…

Bu gün bolsa senden juda uzakda,
Şol geçen günleri ýatlap durşuma,
Geň galýaryn seni ýada salamda
Ýüregimiň parhsyz rahat ursuna.

Ah, onda-da kate artyp aladam,
Gam-gussaň laýyna batan halatym,
Duýýan, ýüregime agram salyp dur,
Seniň maňa beren çäksiz hasratyň.

…Birdenka-de küýsäp seniň jemalyň,
Ele aldym ýadigärlik suratyň,
Şol dem köýen şöýgüm ajy ýylgyryp
Diýdi – Ýigit, hany, ýigit gaýratyň?

Kalbymy sarsdyryp, inim dygladyp,
Suratyňdan bakdy ýiti nazaryň,
Soraýan dek: -Hany ýalynly söýgüň,
Hany, taryp edip ýazan gazalyň?

Hany, nirde – sorag berdim ožüme-
Ukusyz geçiren ençe gijeleň?
Şeýdip, seni ýatlap, gozgap derdimi,
Barha artdy ýurekdäki ünjülem.

Omürboýy undulmajak ýalydyň,
Sen dälmidiň kalba talaňlar salan?
Birden böküp turdym güňlenç ses bile
- Ýalan, ýalan, ynsan söýgüsi ýalan!!!

Ine shu yerde bir doktor tanyshymyn shygyryndan birini goymagy muwessa bildim.
Orazgylych Orazgylyjow medisina ylymlarynyn kandidaty. Moskwada kandidatlyk ishini gorandan sonra Gyzyl haj(Ktrasnyy Krest) keselhanasynda ishlap bashlady. Hem ishine ussat eli yenil lukman alym,hem medisina inistitynda hem mugllym bolup ishleyan Orazgylych goshgy yazmagy hem ozune bir pishe edinipdir. Onun galyn depderdaki goshgularyndan mende yekejesi saklanypdyr. Onun goshgularyny aydymchy Palwan Halmyradow hem aydym edip aydyar. Size hem alym,lukman,shahyr Orazgylyjyn goshgularyndan birini hodurleyarin.