Gyzylsuwa gezelenç
Salawmaleýkim hormatly agzalar.
Bu gün Kaspide ýerleşýän Gyzylsuw atly ada bilen tanyşdyrmakçy. Dogrusy, bilýänler hem köpdür welin, Aşgabatda birnäçesine Gyzylsuwa gitdim diýsem, köpüsiniň nirede näme habary ýok. Soňundan size düşündirişim ýaly düşündirsem, köpüsi "gidip görmeli" diýip goýýar. Belk sizem okap gidip görmek islegiňiz oýanar.
Özüm şu aýyň 2-sinden, 7-si arasy dynç alyp geldim. Poýuzda gidip gelenim üçin 2 günim ýolda geçdi. Galan 5 gün, Gyzylsuwda geçirdim.
Gyzylsuwa Türkmenbaşy şäherinden günde 2 gezek gämi gidýär. Biri sagat 11-de, beýlekisi sagat 5-de. Şäherde köpler bilýär, islendik ýerden taksi tutup "Almazka" diýseň äkidýäler. Gyzylsuwa gidýän gäminiň ady Almaz, il içinde welin "Almazka" diýilýär. Almazka bir gezekde çaga-çuga bilen 50 adam äkidýär. Men 4-ji gezek münýän we her gezek hem gitjek adam 50 adamdan köp. Hemişe ýer üstünde, ýerli ýaşaýanlar bilen biz ýaly daşyndan gezmäge gelenler arasynda uruş gidýär diýseňem bolýar. Ýöne näme bolsada, hiçkim kenarda galanok. Egerde 50 adamdan köp bolsa, gidip bilmedikler hem 20-30 adamdan köp bolsa ikinji "Alaja" diýen gämi bilen olary äkidýäler. Garaz, sizi ýarty ýolda taşlajak ýok, näme bolsada öz türkmenimiz.
Almazkada bir ýarym sagat ýüzeniňden soň, Gyzylsuw görünýär. Soň ýene-de ýarym sagat, 45-minut töwerek ýüzeniňden soň Gyzylsuwa barýaň. Her gezek şeýle ýagdaýlarda, gapdalymda ile meňzeş fotoaparadymyň ýokdygyna gynanýan... Öz başyna üýtgeşik durmuş, üýtgeşik adamlar, üýtgeşik dil (maňa görä, düşünmesi kyn), üýtgeşik egin-eşik, üýtgeşik howa.... Ähli zat adaty däl ýaly.
Gyzylsuwda näme bar diýýän bolmagyňyz mümkin. Hiçzat ýok. Esasy aýratynlygy hem şol. Ýaşaýan halk belki 150-200 adamdyr, belki ol hem ýokdyr. Adanyň bärisi bilen aňyrsy tutuşlaýyn görünýär, hemme gapdalyň suw. Hiçhili köçe ýok, ähli ýer çäge. Hiçhili maşyn ýok, hiçhili motor ýok, garaz tegelenip ýöreýän zatlaryň hiçisi ýok. Häkimlik ýok, GAI ýok, ýene gör ýok. Döwlet edarasyna degişli HIÇZAT ýok. Adamlar şeýle arkaýyn ýaşaýalar.
Beýle diýsem baga münüp banan iýýän adamlar göz öňüňize gelmesin. Özleriniň mekdepjagazlary bar, 1 etaž. Gyzyklanyp oglanjyk bilen gürleşip gördim, 3-nji klasda ondan başga ýene-de 2 sany gyz bar ekeni. Beýleki klaslar hem şeýle, iň köp okuwçyly klas 12 sany okuwçy diýdi. Gynanan zadym, mekdeplerinde iňlis dili, rus dili ýok ekeni. Başga sapaklaryň ählisi barda.
Öz başlaryna 02-leri, 03-leri bar. Ýörite bellenilen uçaskowoý we bir dugtor bar. Biri içip goh etse, "pylany" diýip gygyrsaň, içiň geçsede "plany gelneje" diýip beýleki köçeden çagyrsaň boluberýär. Olar döwletden bitirýän işleri üçin aýlyk alýalar.
Ýaşaýanlaryň ählisinde diýen ýaly katerleri bar. Ýagny bizde maşyn ýerine, olarda kater we şähere köpüsiniň özleri baryp gelýäler.
Dükanlar hakda hem agzap geçeýin. Gyzylsuwda elektrik günde giçlik sagat 7-den, 12 arasynda bolýar. Ondan başga wagt hiçhili elektrik ýok. Şonuň üçin dükanlarda sowujak suw tapmak kyn. Holodilnik 5 sagat işläni üçin, şol sowuklykda saklanyp galan suw tapsaň bolýar. Almazka bilen günde irden şäherden çörek, ýumurtga we ş.m önümler getirilýär. Gyzylsuwdan bolsa halta-halta balyklar, boklaşkalarda gatyk, süýt şähere äkidilýär. Balyk näçe diýseň bar. Her öý nahar iýjek wagty, torlaryny oklamaga gidip, 2-3 sagatdan hem 7-8 kg golaý balyk getirýär diýseň hem bolýar.
Gyzylsuwyň keýpine belki düşünjekler az bolar. Ýöne meniň üçin hiçhili elektrik ýok ýerine, telefonyň tutmaýan ýerine, maşynlaryň ýok ýerine, adamlaryň az ýerine, hiçhili kelle agyry bolmajak ýere gitmek keýp berýär. Elbetde Awazadaky gününe 100$ berilýän, otellerdaky mümkinçilikler bolmasada, biz ýaly daýhan ogullary gowy dynç alyp biler.
Başgada aýdara zat köp, gidip görenler bar bolsa belki aşakda, olar hem öz pikirlerini ýazarlar, belki menem pikirlerimi dowam ederin...
Gyzylsuw hakda bilýädiňizmi?
Hawa(41%, 18 adam)
Ýok(58%, 25 adam)
Arhiwiň ýagdaýy
● Doly tekst
● 70/70 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 70
Meň gorkýan zadym, gidende eýdip-beýdip Almazka münseň, gaýdyşynam ýer bolmasa, şonda kyn boljakda. Adam kän diýdiňdä.
Gudrat, pir şol adada ýaşaýamy?
ýene-de gyzykly birzat aýdaýyn, eger gidip ýaşaryn diýseňiz, öýjagazlar 500$-e satylýar diýip eşitdim. 🙂
baryp, maňa 3 sany öý beriň diýip kg-läp alybermelimi nämemi 😆
hawa, gidýänleriň köpüsi şu ýaşuly üçin hem gidýän bolup biler. Özüm dogrymy aýtsam, bu ýaşuly hakda kän gyzyklanmadym, kördigini bilýän we durmuşynda hiçhaçan Gyzylsuwdan çykyp görmedigini bilýän... onuň ýanyna näme sebäpden barylýandygyny we üýtgeşik bir adamdygyndan habarym ýok, näme üçin şeýle hasaplaýandyklaryny hem bilemok.
550-e alyp 5 gün dynç alyp soň 400-e satyp gaýdybermeli.
Hawwa Matak ol adada ýaşaýar ýöne garryja iki gözem kör onuň ýanyna barýanlar kän yzyňa gaýtmak barada bolsa alada etme Agajanyň aýdyşy ýaly her öýde diýen ýaly katerler bar 70-80 müň manat berseň Krosnowoda taşlap giderlermikä diýýän
Pir hakda ýazsana bilýän bolsaň. Näme üçin zyýarat edýärler ony? Kyn görmeseň.
Ona bizem bilmedik Ýöne bilimi güýçli adamdygyna göz ýetirdik elbetde Özüne pir diýip aýdanok olam
Ondan başgada Gylyçberdi aga Eýrandaky ahunlar bilen hem telefonda habarlaşýandygyny aýtdy.
Ýöne Agajan Gylyçberdi aganyň adadan çykyp görmändigini aýtdy welin ol beýle däl ol ýaşlygyny Ahalda gäwers töwereklerinde bolanyny aýtdy ýalňyşmaýan bolsam goýun bakdym diýdi öýdýän.
Şo ýerde mollamy nämemi bir kör ýaşulyny öwdüler. Geçen ýyl gidemizde Awazadan gaýdyşyn oglanlar bolup ýörite şo ýaşulyny görmek üçin şo ada gitjek bolduk. Jübimize seretdik welin pul galmandyr, jübide it uwlaýan eken. 🙂 Onsoň pulsuz gidip, pul tapman ada-da galmaly bolaýmalyň 😆 diýip gitmän soňky ýyllara goýupdyk. Nesip bolsa gidip görmeli. Seň bu temaňam ýaman höweslendirdi.
Agajan, Almazkany sürýän şu wagdam şo gazak gözli selçeň sakallyja adammaý ady ýadyma düşenok
Aý ýöne meň üçinä elbetde iki üç gün syýahat etseň bolar ýöne dynç almak üçinä kyndyrlaý gaýtap ýadaýmasaň
toy -tomasha nahili bolyarka ol yerde? Gyzyklanma doretdi baryp gormeli yer eken.Bir tarapdan pikir etseng ing gowy yermika diyyan shol yerini. shaherde adam-adamy iyip baryar.
toý wideolaryny gördim, gelinalyjylary gyzykly ekeni. Maşyn bolmany üçin, oglan tarap ýöräp gelinlere barýar we gelin hem ýöräp öýe barýar. Garaz biziňkiň maşynsyz görnüşi.
Toýlary gyzykly, milise ýok, uruşmak ýok, gije 11-de restoran ýapylma aladasy ýok, goh edýäň diýjek goňşyň ýok, garaz arkaýynçylyk. Toý bolan gününde elektrik uzyn gije bolýar, ýagny 12-de kesilmeýän ekeni, toý dowam edýär daňdana çenli... Meňä gören toýym şeýleräk. Bezegçileri şäherden getirýäler, bagşyny şäherden getirýäler, stol stullary bar, açyk meýdanda goýýalar we bütin adamlar gelýär.
Eger gyzy şäherden alsaň Porohodda (Almazkada) getirmeli diýýär katerli ýaş oglanlaram çyraçylyk edýär diýip şol ýeriň Ýaşaýjysy gürrüň berdi
Çyraçylar kem galjak dälow her ýerde.
Aydyşlaryna göra, Rubinin treneri Gurban Berdiyew Gyzylsuwda doglupdyr.
bizin myhmansoyerligimize telpek goyyan kandir
Gylycberdi aga hakda men bilyanlemi aydyp bereyin sol adam edil wanga yaly edil ikinji wanga hem diysen boljak bizin bir tansymyz basyna agyr is dusende sol adamyn yanyna gitdi sol adamyn yanyna baranda saglyk amanlyk sorasandan son sol adam hic zat aytmanka ozi name alada bn geleni name dertinin bardygyn ozi goni aydyp baslapdyr sonrada sol basyna is dusen adama oyundaki kundikden suw icir diyipdir gelip seyle etyar welin wessalam is tamam bolup dur. Name agyr isdigin hemme adamlan ortasynda yazyp oturmayyn kimin bilesi gelse sahsyda soraysyn
Gyzylsuwda pir bar ziyarat etmage