Бир хөкүм.

Алла Тагаланың бир хөкүми бар.
Ол-да аял-эркеге деңдир. Алла Тагала Куръаны
Керимиң 24-нҗи сүресиниң 32-нҗи аятында: <B style="mso-bidi-font-weight:
normal">«Эй, бенделерим! Башы бошларыңыз җүбүтлениң (өйлениң, дурмуша чыкың!)
Гул-гырнак болса, оны әре бериң. Гул оглан болса, оны өериң. Эгер гарып
болсалар, Алла Тагала өз фазлы-кереми билен баядар. Алла Тагаланың магфырети
кәндир»

-диййәр. Ине, шу аят билен эркеге өйленмек, гызлара, дул аяллара әрә
бармак сүннет боляр. Эмма шәхвети, аяла (эркеге) болан ислеги гүйчли болуп,
“зына гидерин” диен гуманы болса, онда өйленмек, әре бармак парз (хөкман)
боляр. Онуң үчин, эй, мусулман доганлар, сиз хөкман өйлениң. Гыз
доганларымыз-да, хөкман әре барсынлар. “Ай, маңа бай оглан болмалы, машыны болмалы,
пулы, җайы, иши, хемме зады бар болмалы” дийип, гелени гайтарып отурмаң. Мал
билен, пул билен, машын билен яшашылмаяр, адам билен яшашыляр. Бай оглана
барып, бәш гүнден айрылышып гелениңиз говумы? Ол сени алмага пулы етен бай,
сениң ялың 10 санысыны алмага гүйҗи етйәр. Пулы бар, Алладан горкмаяр. Онуң
үчин халан харамчылыгыны эдип йөр. Сен “мен гитҗек” диййәң. Ол "сен
болмасаң, сенемҗан" диййәр. Оңа машгала даргады, намыс гитди, о затлар
билдиренок. Оңа кейп болса боляр. Себәби Пыгамберимиз саллаллаху алейхи
веселлем: "Худайдан горкмаяндан хер зада гарашыбериң. Олардан хер зат
чыкар"-диййәр. Онуң үчин сиз Худайдан горкян оглана барың.
Пыгамберимиз саллаллаху алейхи веселлем: «Эгер
сизе динине пугта, аманатдар адам гудачылыга гелсе, гызыңызы шоңа бериң! Җүбүтләң!
Эгер шу иши этмесеңиз, онда Ерде песат (эрбетчилик) дөрәр»-диййәр. Сизиң
гызыңыза гудачылыга гелйән адамың дини, амантдарлыгы бар болса, намысыны саклап
билҗек адам болса, оңа “гарып, етим, еке” диймәң, гызыңызы шоңа бериң.

Хезрети Ымам Хасан разыяллаху анхуның
янына бир адам гелип:

  
-Мениң гызыма кән ерден хабар айдярлар, мен гызымы хайсысына
берсемкәм?-дийипдир. Шонда Хезрети Ымам Хасан разыяллаху анху:

<SPAN style='font-size:12.0pt;font-family:"Times New Roman","serif";mso-fareast-font-family:
"Times New Roman";mso-ansi-language:RU;mso-fareast-language:RU;mso-bidi-language:
AR-SA'>-Гызыңы Худайдан горкяна бер.
Эгер гызыңы сөйсе, говы гөрсе, оңа сылаг эдер. Эгер гызыңы халамаса, сулхы
алмаса, гызыңа зулум этмез. “Мен сени сөемок” дийип, уруп-сөгүп йөрмез-дийди.
Чүнки ол Алладан горкяр. Онуң үчин хөкман өйлениң, гызларам хөкман дурмуша
чыксынлар. Пыгамбер саллаллаху алейхи веселлем: <B style="mso-bidi-font-weight:
normal">«Хер вагт оглан өйленсе, гыз я-да дул аял әре барса, шол адам дининиң
ярысыны кәмил этди. Галан ярысына-да таквалык этсин, гайрат этсин»-дийипдир. Чүнки Пыгамберимиз саллаллаху алейхи
веселлем: «Бой гезип йөрен, ягны дурмуша
чыкман гезип йөрен гыз ве саллах гезип йөрен, ягны өйленмән гезип йөрен оглан
сизиң иң эрбедиңиздир. Бир җүбүтленен әр-аялың окан 2 рекеат намазы,
җүбүтленмән еке гезип йөрен гыз я-да огланың 70 рекеат намазындан говудыр»-дийипдир.
Сиз бир зада дүшүниң. Әр-аял болуп, агзыбирҗе чөреги сува батырып иениңиз, бир
бай оглана барып, 6 айдан оңушман айрылышып гелениңизден говудыр. “Гарып” дийип
дурмаң. Гарыбы бай эдип, байы гарып этмек Алланың эмриндедир. "Агзыбире
таңрыбийр, агзаланы гаңрыбийр". Онуң үчин хөкман өйлениң, әре барың.
Ырсгалы Худай берер, оны гайгы этмәң. Пыгамбер саллаллаху алейхи веселлем: «Никаның говусы еңилҗегидир»-дийипдир.
Сизиң адама гөвнүңиз етмән, “ол боланок, бул боланок” дийип, гелени гайтарып,
гелени гайтарып, өйүңизде 30-40 яшап отырсыңыз. Бейтмәң, сизиң шейдип
отурмагыңыз хем улы гүнәкәрчиликдир. Ене-де ызыңыздакыларың багтыныхем баглап отурярсыңыз.