Bir-birimiz, öz-özümiz

Milletimizde „öz gara gözüm, özümiziňkilerden, biri-birimiz” diýmek häsiýeti bar. Belki bu başga milletlerde-de bardyr. Ýöne men öz gara gözlerim hakynda aýtmakçy bolýan. Häzir bu ýörelgä daýanyp, bir-birege goldaw etmek, mysal üçin, para almak haram, emma, para alman „sen mundan soň özümiziňkilerden bolýansyň” diýip, işini bitirip goýbermek giň ýaýran. Bu dogrumy? Eger şol bitirlen iş, ters iş bolmasa, ony haýyş edip gelmezdiler. Aýdalyň, teswirleriň agzasy M. Uly okuw jaýyň rektory. Başga bir agza S.-da ogluny yzyna tirkäp baryp ony okuwa sal diýýär. M-da para almajagymy bilýänsiň, ýöne sen özümiziňkilerden bolaňsoň ýumuşyňy bitireýin diýýär. Şeýdibem, başga bir tanyşsyz okuwçyň haky iýilýär. Bilmeýän okuwçam okuwa girýär. Men muny ruhy haramlyk diýip hasap edýärin. Maddy haramlyga geçmedik haramçylyk. M-yň niýeti nämä? Birinjiden, para alyp günä iş etmezlik, oňa derek öz işi düşende S-nyň ony gürrüňsiz berjaý etmegini gazanmak. Özüniňkileriň sanyny atdyrmak. Onuň özüniňkileri günbataryň dili bilen aýtsak mafiýa bolanokmy? Ýyllaryň geçmegi bilen „özümiziňkiler”, „bir-birimiz” jemgyýetimize kerep kimin saralyp biler. Hemmesi öz-özleri bolanlar soň hiç zatdan çekinmän başlarlar. Ilki ruhy haramlyk eden bolsalar, soň maddy haramçylyga geçerler. Iň erbet ýerem ol başlangyçda bigünä çaga ýaly, diňe özi ýaly birine kömek etmek niýetine bürenýär.
Elbetde, bir-biregi goldamak, iş bitirmek gowy zat, ýöne ilki wyždanyňa sala sal. Bu edýäniň Allaň razylygyna ters gelenokmy, gul hakyny iýeňokmy, Watanyňy çökerenokmy?