Kerim Gurbannepesow - Apat

Engineer· 3 awgust 2011 ý. 22:17 · 475 gezek okaldy· halanan: 18teswirler.com

Ýagşyny wasp etmek - şahyra adat,
Diňe adatam dal, hökmanlardandyr.
Gelinler içinde gördüm bir apat,
Ýok, apatam oňa gurbanlardandyr.

Maňlaýy bahardan ýasalan ýaly,
Ýaňagy säherden ýasalan ýaly,
Gabagy mähirden ýasalan ýaly,
Dodaklary şeker damýanlardandyr.

Ellerniň barmagy misli bir seçek,
Döşleri meýdanly, gözleri goçak.
Bili ýarym gujak, saçy bir gujak,
Gözleri bar - düýpsüz ummanlardandyr.

Gözleriniň agy - dünýäň gündizi,
Gözleriniň garasy - gijäň tämizi.
Megerem şol ala gözleriň özi
Gijäni-gündizi ýasanlardandyr.

Ýüz gelniň içinden saýlanyp boýy,
Bir özi bezäp dur giden bir toýy.
Edebiň merkezi, akylyň öýi,
Şahyr oňa akly haýranlardandyr.

Saýlap seçip, ajaplaryň ajabyn,
Haýsy ýigide bagyş etdika gujagyn?
Şol gujakda mekan tutan goç ogul
Dünýäde iň bagtly ynsanlardandyr.

Arhiwiň ýagdaýy

● Doly tekst

● 21/21 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 28 oktýabr 2011 ý. · Asyl sahypany gör ↗

Teswirler 21

masha 3 awgust 2011 ý. 22:24 +8

sheydip gyzlar barada govjada temalaram paylashyp durun 🙂

Keçeli 3 awgust 2011 ý. 22:31 +6

Sag bol paýlaşanyňa. Kerim agamyzy haýyr bilen ýat edýäs purstdan peýdalanyp. Ýatan ýeri ýagty, jaýy jennet bolsun..

fordmix_99 3 awgust 2011 ý. 22:45 +5

Bu go$gynyn gar$ysy bolupdyr ay bolyada gen galaymaly

dalord 3 awgust 2011 ý. 23:18 +10

Türkmenistanyň halk
ýazyjysy, Magtymguly
adyndaky Döwlet
baýragynyň eýesi
Kerim Gurbannepesow
1929-njy ýylda
Gökdepe etrabynyň Ýylgynly
obasynda eneden dogulýar.
Obadaky ýedi ýyllyk mekdebi
gutarýar. Uruş döwrüniň agyr
kynçylyklary sebäpli olaryň
maşgalasy Tejene göçmeli
bolýarlar. Şahyr 1945-1946-njy
ýyllarda Tejen derýasynyň
boýunda gurulýan suw
howdanynyň gurluşygynda
işlän döwründe ýörite
gurluşykçylar üçin çykarynýan
gazetde jogapkär sekretar bolup
işleýär. 1949-1951-nji ýyllarda
goşun gullugynda bolup dolanyp
geleninden soň ýene-de
žurnalistlik kärinde işe başlaýar.
Kerim Gurbannepesow
Magtymguly adyndaky Türkmen
döwlet uniwersitetini
tamamlaýar. Türkmenistan
Ýazyjylar birleşiginde, “Tokmak”,
“Sowet edebiýaty”
žurnallarynda jogapkär
wezipelerde işledi. Ol Ýazyjylar
soýuzynyň başlygynyň
orunbasary, Prawleniýe agzasy,
Türkmenistanyň Ýokary
sowetiniň deputaty bolup, il-
ýurduna jany-teni bilen hyzmat
etdi.
Kerim Gurbannepesow 1988-nji
ýylyň 1-nji sentýabrynda aradan
çykdy.