UTANÇ

Ol adam kurortda sata$dy maña.
Nazarkerde adam. Nurana adam.
Bir jaýda bir aýy bile geçirdik,
Bir aýlap dem aldyk meñze$ howadan.

Çuñluk alan ýaly düýpsiz derýadan,
Gözi çuñdy. Içi dur$una nurdy.
Uklap ýatyrkada ol nuruñ mähri
Gabagnyñ da$yndan lowurdap durdy.

Gözleri-de jomart. Eli-de jomart.
Jomartdy ýüregi. Jomartdy dili.
Ýöne öz bitiren hyzmaty hakda
Bir agyz gepletjek bolaýsañ weli,
Çekip almalydy her bir sözüni...
Pyýada geçipdir Ýewropan çölün.
Aýagyn goýupdyr Dunaý boýunda,
Shpreý jeññelinde jaýlapdyr elin.

...Ýene bile barýas bagyñ içinden.
Men aýakly barýan, olam pi$ekli.
Bir maral deñimden ozup geçende,
Birden iki ädim öñe dü$mekçi
Boldum-da, ýene-de endamym dyglap,
Goñ$ymyñ deñine çekildim kem - kem.
$eyle gerçek ki$i güýje mätäçkä,
Adam öz güyjünden utanjak eken.

Bir gün buýsanç bilen gözýa$yn gizläp,
Öý durmu$y hakda açdy ol gürrüñ.
Üç ogly bar eken. Üçüsini hem
Fa$istler bir dardan asypdyr bir gün.

Azowyñ ýanynda. Don jeññelinde
Dereksiz ýitipdir ýene bir gyzy.
Kempirem ölüpdir. Indi bir öýde
Dört diwar içinde ýalñyz bir özi.

Soñ menden sorady: "Näçe çagañ bar?"
Diýdim: "Esliräk bar, üç sany ogul.
$onçaragam gyz bar. Iñ tokarjamyz
Mekdepden attestat getirjek $u ýyl..."

Diñleýär, guwanýar. Ýene soraýar.
Men bolsa dü$nüksiz ýygrylýan kem - kem.
...$eyle ajap adam bagta mätäçkä,
Adam öz bagtyndan utanjak eken.
K.Gurbannepesow

Go$gyny haladynmy?

hawa(86%, 13 adam)

ýok(0%, 0 adam)

manysyna dü$ünmedimä(13%, 2 adam)