Türkmen bolmak bize nämä gerek?
Türkmenler gaty oňuşykly halk. Oňuşyp ýaşamak, kanagatly bolmak, nähili ýagdaýa düşse, şoňa görä ýaşamak türkmene has mahsus. Sebäbi türkmenler iň aýylganç wakany (Gökdepe söweşini) başdan geçirenlerinden soňam, ýene öz duşmanlary bilen oňuşyp ýaşapdyrlar. Hatda olary öz wepadarlyklary bilen haýran edipdirler. Türkmene türkmen bolandygy üçin orsdan zyýan gelse gelipdir, emma, türkmen orsa ors bolany üçin ýamanlyk etmändir. Muny taryhymyzy bilýänler arkaýyn tassyk ederler. SSSR-iň düzüminden biziň iliň soňuna galyp aýrylmagymyzam, halkyň bu meselede passiw durmagam „Bir dogan ýaly bolup ýaşadyk, indem aýrylmalymy?” diýen soragdan gelip çykdymyka diýýän. Soň „doganynyň” nähili özüniň baýlygyny daşandygyny görenden soň „Hasaply dost uzaga gider” diýip, şol dogany bilen gazyny hasaply paýlaşyp başlady. Mysal üçin, Pribaltika döwletleriniň eden hereketlerini biziň halkymyz etmedi.
Ondan bäri ýigrimi ýyl geçdi. Türkmeniň oňuşyklygy indi ony täze problemalaryň üstünden eltdi. Halkymyzyň bu häsiýetinden peýdalanyp, gel oňuşyp ýaşaly diýip her hili niýetdäki adamlar aramyza girip başlady. Bize Ýewropany, Amerikany, Hytaýy, Türkiýäni… ähli ýurtlary görkezdiler. Indem „Saňa türkmen bolmak nämäňe gerek? Gel, ors bol, ýewropaly bol, amerkaly bol. Gül ýaly ýaşarsyň” diýseler, biz türkmenligimizi taşlasak, „Her kim – kim bolmagy gowy görse, şol bolsun diýsek” nähili bolar? Belki ähli problemalarymyz çözüler? Dünýäň ähli ýerinden gaty akylly, okuwly adamlar geler. Işimizi gowy gurnarlar, demokratiýany güýçlendirerler, gazymyzdan nähili peýdalanmalydygyny öwrederler. Elbetde mugtuna däl. Senden bar aljak zatlary türkmenligiň. Daşary ýurtla öýlen, durmuşaçyk. Ogluň adyna Jorj, Leo, Mark, Abram… dak, toýuňda jaz aýtdyr, dutaryňy, gara öýüňi, Gökdepede ölen ata-babalaryňy unut… bolany.
Siz muňa razy bolarmysyňyz? Ýokmy? Näme üçin?
Türkmen bolmak gerekmi?
hawa(76%, 29 adam)
ýok(23%, 9 adam)
Arhiwiň ýagdaýy
● Doly tekst
● 40/40 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 40
Hemme zady Gökdepe söweşi edip goydynyz. Balkan tarapynda orslara garşy berilen urşy yadynyzdan çykaryanyz. Başga mongollar çozanda naçe ölüm-yitim bolandygyny yadynyzdan çykarman. Türkmen bolmak tahya yada börük geymek bilen bolmayar edebin, adamçylygyn bilen bolynyar.
Bu neselede Yaponiya bize mysal bolup biler. Dilini medeniyetini milli gozyetimini yitirenok yone hemme taziliklere acik olarin icinden ozine geregini alyar gerek dalinem alonok. Dashary yurtlar barada aydilanda medeniyet gocmesi bizee dashary yurtda okayan taliblar arkali bolyar. Shonun ucin olar dashary yurda gitmenkan birinji agi garani saygarmani owrenmeli
Neselede sozini meselede diyip okamali
Alla bizi adam edip ýaradypdyr. Musulmançylygy bize saýlamaga mümkinçilik beripdir, şükür. Oňa bizi has ýakyn edipdir. Milletimizi türkmen atamyzyň-enemiziň türkmendigi sebäpli türkmen edibem ýaradypdyr. Emma, men türkmen boljak däl diýibem bilýän. Başga bir milletiň wekilligini kabuledip bilýän. Ýöne men diňe Magtymguly Pyragy htyrasyna-da türkmen bolmaga razy. Magtmgulyny türkmençe okajak bolup türkmençäni öwrenen ýewreýiöz gözüm bilen gördüm. Emma, häzirki käbir türkmenleriň bolup ýörüşlerini, iş oňaryşlaryny, parahorluklaryny, pula özlerini, ýurdunyň geljegini satyşlaryny görüp türkmen bolasym gelmänem biler. Oňa derek ösen Ýewropany görkezip ýa-da berk kanunçylygy bolan Amerkany görkezip gel diýseler men saklanyp bilerinmi? Türkmeniň kimden nämesi artyk? Emma, o kenar has gowy ýaly?! Daşoguzda Köneürgenjiň, Maryda gadymy Merwiň, Ahalda Gökdepäniň... ýykdylanyny şindem ýatlap ýörmegiň näme peýdasy bar? Daşary ýurtlylar geleni bilen türkmen türkmenligini ýitirmez, şuňa berk ynanýaňyzmy? Serhetler açylyp daşary ýurd çykmaga mümkinçilik alan aýal-gyzlarymyzyň käbiriniň daşary ýurtlarda bolupýörüşleri sizi iňkise goýanokmy? Az sanly türkmen milleti deňize gaçanşeker bölejigi ýaly eräp gitmezmi? Biz türkmen bolmagy diňe dilimizde däl, ýüregimizde, hereketlerimizde nähili döretmeli? Ruhnama bize ýörite ýigrendirilen ýaly, oňa artykmaç zatlar ýörite goşulan ýaly görnenokmy?
Barybir 30 40 yildan ahyrzaman boljak yaly...
Gozgadow....
Menä biraz millet paraz Türkmenistana hiç kimem islämok orslaram,hytaylynam,türkleräm başgasynyda.yöne önden bar bolan orslara hiç zat diyip biljek däl çünki olaram türkmenleşip gitdiler
turkmen bolmaly elbete. turkmen medeniyetem gowy. myhmansoyer, achyk gowunli, ynanjan, sabyrly we biraz nadanlygam bar. bir hasiyetin gowlugy onun sana bolan gowulygy ya zyyany bn kesgitlenmeli. achyk gowunli bolmaly yone ozune zyyan yetiryana shona gorarak bolmaly. ya sabyrly bolmaly yone yamanlyk edilip yorse-de ya sabyr diyip oturmak eyyam ozune zyyan yetirdigin bolyar.
Aý menä türkmen. Musulman türkmen maşgalasynda ýaradany üçin ýaradana ýüzdemüň şükür edýän.
Başga zada ýazybam oturjak däl.
Dogry belläpsiň, awtor.
Şu sözleri diýmeli bolýanyma gynanýan, ýöne türkmen hakykatdan-da öte ''oňşukly'' halk. Käbir ''akyllylaryň'' zähmeti netijesinde-dä gorkakdan oňşukly bolup galdy.
Türkmeniň ýuwaşlygyndan peýdalanýan gaty kän.
Muhammet (s.a.w) ymmatynyñ aladasyny edip gitdi. Dogry!
@Ylýas aga, sizem Pygamberimizden nusga alyp, türkmeniñ gechmishini, geljegini alada edýäne meñzeýär.
Köp sag boluñ, gelejekde sheýle adamlaryñ köpelmegini isleýän we edilýän arzuwlaryñ amala ashmagyny arzuw edýän.
Mena turkmenligimden uytgemek islämok.
Eger sizin aydy$ynyz yaly da$ary yurtlardan gelen kopelip yurdumyz uytgese adamlaram uytgär.Asudalyk hem yitermyka diyyan.Eger taryhymyzy,taryhymyzdaky gahrymanlarymyzy unutsak olary kim yatlasyn?!
Türkmeni türkmen etjek türkmendir öýdýärdik welin, başgalaram bizi biz etjek bolýarlar! Aradan 20 ýyl geçdi. Hemme zatda iliň soňuna galmak bolmaz. Biz entegem ne bir türkmen bolduk, ne bir daşary ýurtly!
Mena turkmendigime buysanyan.Name ucin kop agza oz turkmenini kemsitdya.Turkmenliginiza name ucin buysanasynyz gelenok.Huday kimi haysy milletde yaradan bolsa sukur edip oturmaly.
Watanyny, milletini söýmegiň daşyndan, Watanymyzy
ösdürmegiň bir ýoluny aýdan çakylyk
bardy, bir agzan yazan öňki yazgylaryndan peýdalanyp, şu
ýere-de goýaýyn degişliräk bolansoň:
Ýaponlardan degişli/jogapkär birnäçe
talyplar bir wagtlar daşary ýurtlara gidip/
iberilip, ol ýerleriň bilimini,
tehnologiýasyny we ş.m. gowy zatlaryny iň
oňat ýagdaýda alyp, watanlaryna dolanyp
geldiler. Öwrenen bilim we edinen
tejribelerini öz döwletleri üçin iň
oňatýagdaýda ulandylar.
Hatda, her bir
ýapon raýaty öz döwletleriniň pajarlap
ösmegi üçin, iş wagtlarynyň daşyndan
meýletin 1 sagat köp işlediler. Ynha,
şeýlelik bn köp taraplaýyn ösen Ýaponiýa
döwleti bar dünýäde!
Geliň, biz hem türkmen talyplary,
ynsanlary bolup, şolary görelde alalyň we
watanymyzy gülläp ösdüreliň!...
Men oňa goşmaça şuny hem diýeýin öz
pikirim hökmünde:Ýaponlar öz däp-
dessurlaryna-da örän berk eýe çykdylar.
Taryhlaryny gowy bilýäler we geljege-de
taryh-geljek gatnaşygyny ýatdan
çykarman ynamly ädimler ätýärler!
Diýmek, biz hem nirä gitsek gideli, näme
okasak okaly, ýöne milli türkmen däp-
dessurlarymyzy ýatdan çykarmaly däl.
Gidilen ýerlerde iň oňat ýagdaýda
döwletimizi we milletimizi tanatmaly we
şene şol ýagdaýda bilim we tejribe edinip,
watanymyzyň ösmegi üçin ulanmaly
diýýärin öňkileriň diýişi ýaly!
Şony dilemek bn!
Dashary yurtda kop turkmenin oyune baryp gordum. Pocti hemmesinin oyunde haly, turkmen eshikler, turkmen hudojniklerin suratlary we beyleki milli zatlarymyz. Dogrusy Ashgabatda kop turkmenin oyunde gormedim sho zatlary. Sowremenny diylen zady yashajak bolshup jan edyan az dal. Gobek ganyn turkmen topragynda daman bolsa, turkmen bolman nira gitjek. Elbetde turkmen bolarsyn. Yone turkmen bolmak beyleki milletler omur boyy shubheli garap, ya dushman hokmunde garap gezmelidigmizi anlatmayar. Birem Turkmenistanyn rayatlary dine turkmen dal ahyryn, ozbekler bar, gazaklar bar, orslar bar, azeriler bar, tatarlar bar, tatlar bar. Olaryn hem hukugy doly kepillendirilen. Olar hem oz milliliklerini yashamak isleyarler. Ol dashyndan geljekler turkmenligimizi alar diyilyan bilen ylalashamok. Biznesde pul rol oynayar. Biz gazak boljak diysegem olar goshulmaz, her kimi oz bahbidi gyzyklandyryar. Dashyndan geljeklerin bahbidi bizin turkmenlikden cykmagymyzmy ya turkmen bolup galmagymyz? Ine bulam sorag. Plus, dashyndan demokratiyany eksport edip bolmayar. Ony adamlaryn ozi doretmeli. Ony doretmek ucin hem liberal pikirlenip bashlamaly, dunya acylyp bashlamaly, planetadaky beyleki siwilizasiyalara goshulmaly.
Medeniyet barada aytsak, mysal ucin, Gurbannazar aga oz poeziyasyny doredip bashlanda, Gunbatara oykunjek bolyan diyip kan tankyt eder ekenler. Muny elbetde siz has gowy bilyansiniz agam. Yone gorlup oturylsa onun goshgulary edil turkmenin damaryndan girip, yureginden cykyan boldy. Nury Halmammet hem dutara yapyshman, sazyn we sungatyn has osen ugurularynda ishledi we turkmeni SAZ bilen dushundirdi. Yogsam onun piano bizin 72 saz guralymyzyn arasynda yokdy.
Bir gün şeýle gün geler, (iň bolmanda ömrüm boýy arzuw edip geçjek)
Alymlarymyz öz ylmy açyşlaryny ederler, ýokary okuw jaýlarymyzda hakyky ylym we bilim berlip başlanar.
Ýazyjylarymyz, döredijilik işgärlerimiz adamlar bilen ýaşarlar, şolaryň agysyna aglarlar, gülküsine gülerler. Sergilerden, täze täze kitaplardan, beýleki eserlerden gözlerimiz açylmaz.
Ýaranjaňlar, ejize ganymlar, parahorlar ýazgarylar, olar jemgyýetde iň halanmaýan adamlar bolar.
Hemmeler swetoforda gyzyl ýananda durar, ýaşylda geçer. Hemme kanunlarymyz sagat ýaly işlär. Hiç kimiň wezipesi kanuny basgylamaga ýol bermez.
Metbugatmyz, telewideniýämiz durmuşymyzyň ekrany bolar. Plural pikirler orta atlyp başlanar.
Halkyň saýlan deputatlary halkyň arasynda gezerler.
Daýhan islän zadyny eker, islän ýerinde-de islän bahasynda satar.
Adamlar biziň ýurda turist bolup gelmek üçin ilçihanalarymyzda wiza uçin nobata durarlar.
Ýokary okuwda okamak isleýän garyp gatlakdan, pukara maşgalalardan çykan ýaşlarymyzyň arzuwlary gursaklarynda gury ahmyr bolup galmaz.
Ýurdumyzyň ykdysadyýeti diňe Aşgabatda we Awazada däl, hemme welaýatlarda, etraplarda jemlener.
Obalarymyzda kitaphanalar bolar. Internetimiz, mobil telefonlarymyz iň ýokary tizlikde bolar.
We ýene şuňa meňzeş arzuwlar… Şo günlere ýetemizde men şo durkymyzda galmagy arzuw edip bilerin. Ýöne häzir şu bolşumyza galalyň diýmek kyn, bokurdagym dolýar.
Yyhlasymyz Alla Sizi Yalkasyn! Icinde millilik, watan bolon soygu bolmagy ucin, edep terbiya yogrylan dap dessrumuza bolon soygu bolmaly, taryh we edebiyadymyza bolon soygu, (edebiyadymyzam hic zada calysar yaly dal) bolmaly. Adam Nace bilse sonca soyer. Bilsen Turkmen medeniyeti, guycli Yslam medniyeti bilen yogrulan, berk medeniyeti bardyr. Dine Magtymgula dusunemizdede kop meselamiz cozulerdi. Meselem: Dunye malyna bolon garaysymyzy Magtymgulynky yaly edip bilsek ne para alardyk, ne suythor bolordyk, ne adam oldurerduk, nede ayalymyz kowardyk. Ah Turkmen seni harlamasynlar. Harlasalar, Seni Ata Babalaryn gorajakdyr, Eysem bugunku Parahatlygymyzy Baylygymyzy Ata Babalarymyzyn Doga dilegleri dalmi eysem. Beyik Alladan Towfyk Dilemek bilen . Shirturkmen