Yedi boydash, köche süpüryän gelin we yanan gelin hakynda

   1<br />

Yüzi säher yaly nowbahar gelin
Azat köcesinde,säher chagynda,
Köche süpürip yör shäher bagynda.
Gün batyp dur garasynda gözlerniñ,
Gün dogup dur gözleriniñ agynda.

Shonuñ bilen boydash yene bir gelin-
Pudrasyn tozadyp yañaklaryndan,
Ellerinde gyzyl köken on yüzük,
Bileginde altyn gashly bilezik,
Brilliantyn asyp gulaklaryndan,
Bagyñ ortasyndan dikgirdäp baryar.
Otuzyñ gershine münse-de yashy,
Yok onuñ chigit dek bitiren ishi.
Dogup-döräp ähli gören görgüsi-
Surathana gatnap tozduran köwshi,
Ussañ yanna gatnap yonduran dishi.

Görmändir ol shondan bashga teshwüshi.
Yerden galdyrmandyr bir bölek dashy.
Yüzükleri-
Garry enäñ gözyashy.
Brillianty-
Ishchi atañ gözyashy.

Kimiñ gözyashyka otuzki dishi?
Sheydibem üch ona münüpdir yashy.
Her kim öz deñini gözläp taparmysh-
Özünden bäsh beter deñ bilen dushy.
Iwan Poddubnynyñ kükregi yaly
Yedi joranyñ hem altynly döshi.

Belleshik yerine üyshdi joralar.
Yedi boydash jora-dört gelin, üch gyz.
Dördüsi-gyñajyn rejeläp bogan,
Üchüsi-sachlary iki gulach gyz.

Yedisi-de bezegine buysanyp,
Tutaklashyp biri-biriniñ yeñinden,
Pitjik atyp, jak-jak gülüp gechdiler
Köche süpüriji gelniñ deñinden.

Sübsesin dem salym, agaja diräp,
Joralañ yzyndan seretdi gelin.
Soñra bolsa hich zat bolmadyk yaly,
Yene sübsesine yetirdi elin.

Shahyram olara diymedi hich zat.
Yylgyrdy-da, yuwashjadan yuwdundy.
Yer süpürip yören sübseli gelin
Shahyr ücin hazir has owadandy.

...Kikirdäp.
Dikgirdäp baryardy gyzlar.
Bezegne görädi hersiniñ ruhy.
Adamyñ yüzüne seredip däl-de,
Eshigne seredip kesyärdi nyrhy.

Deñlerinden ötdi geynüwli yigit:
Köynegem,jalbaram-iñ soñky moda.
''Söyjek yigdiñ sheydip geynäyse!'' diyip,
Ak gyz gara gyza bakdy shobada.

Onsoñ gecip gitdi yene bir yigit:
Eshigi-de sada, özi-de sada.
''Munuñ geyip yören shylhasyn!'' diyip,
Sary gyz ak gyzy...dürtdi shobada.

Gyzlaryñ deñinden ötmäge gorkup,
Garaba-garaba baryaryn yzdan.
Heniz gözellikden gorkmandym weli,
Gorkyan shol ortaky dilewar gyzdan.

Deñlerinden ötdüm. Onyancha sho gyz
Derrew pyshyrdady:''A-gyz,Ayjemal...''
(Yzyn eshitmedim,akitdi shemal).
''On yyldyr,süyräp yör köne kostyumyn!''
Diyen bolmagy-da juda ähtimal.

Olaryñ bu sözün gaty görmedim.
Gyzlaryñ tankydy-shahyra höküm.
Täzeje kitabym chykan dessine
Bir kostyum edindim. Kökeldi keypim.
Indi ''Yüzüñ köne'' diyäymeseler,
''Dishiñ, gözüñ köne'' diyäymeseler,-
Kostyumyma köne diyenok hich kim.

Yöne bu gürrüñim ne kostyum hakda,
Ne-de özüm hakda...Uly zat hakda.
Ne kitap okayan, ne zähmet chekyän,
Ne WUZ-lara giryän, ne tikin tikyän
Bir topar bezemen ''perizat'' hakda.

Olaryñ MILLIONER,
YARYM MILLIONER.
YA ÇÄRYEK MILLIONER atasy hakda.
Tualetleriniñ hem, gara£larnyñ hem
Gyrmyzy mahmaldan tutusy hakda.

Gol chekyän ortacha aylygy hakda,
Depseñ deprenmejek gapjygy hakda.
Çagasy bir agyz gepläp bildigi-
Gushuñ süydüni-de
Tapjagy hakda.

Yene müñläp-müñläp sada adamlañ
Tapmajagy...halal zähmeti hakda.
Gushuñ süydüne däl, sygyr süydüne
Üch sagatlap duryan nobaty hakda.

Meger shoñ ücindir, bu yediler hem
Dürli-dürlüräkdi. Däldi gyradeñ.
Öñden gayshyp baryar-has bezemenler,
Yöneräk bezemen-baryar gyradan.

Goñshudy,
Bäsdeshdi,
Jorady bular,
Ynha gün aylanar. Ay-yyllar öter.
Onsoñ orta gürpli bezemenler hem
Yokary gürplüleñ yzyndan yeter.
''Sholañ chagasyndan pesmishimmi men?''
Aglar, yalbar,güler, söz tapar cheper.
Atasyn gujaklar, ejesin öper.

''Hawa, iliñkiden pesmishinmi ol?''
Diñshirgener ata, oylanar ene.
Indiki bazarda gyz bukjasyna
Bir topbak panbarhat oklanar yene.

''Iliñ chagasyndan pesmishimmi men?''
Nägile ses chykar yene bir ertir.
Yene sogan satyp yygnan pulundan
Bazardan bir tokga brilliant getir.

Sheydibem MILLIONER,
YARYM MILLIONER,
YA ÇÄRYEK MILLIONER diyilyän puldar,
Hem-ä öz chagasyn sandan chykarar,
Hemem seniñ chagañ geljegin bular.

Hawa, klasdashdyr,
Bäsdeshdir olar.
Okuwda galsa-da, bezegde ozar.
...Bir gün sawchy geler. Özüniñ nyrhyn
Öz elleri bilen özleri yazar.

Yazar, pozar, yazar,
Kellesi gyzar.
Halat sany durmaz otuzda, kyrkda.
Ertesi yashashjak yigidi bilen
Diñe üch minutjyk dushushar parkda.
Üch agyz geplesher. Akylna bakmaz.
Boyuna sereder...Wessalam onsoñ.
Boyuñ uzyn bolsa-yüzi achylar,
Gashlary chytylar-gysgarak bolsañ.

Yöne chytylsa-da darykmagyn sen:
Ol saña bir eyyäm bolupdy kayyl.
Boyuñ bolubersin golchadan-da pes,
Diñe spisogyñ uzyn bolsa bes,
Ol seniñ boyuña bökmäge tayyn...

Dowamy bar...

Yazyp yadadym. Dowamynam yazaryn nesip bolsa