Дилег, бушлык.

Гүнлерде бир гүн Пыгамбер
саллаллаху алейхи веселлем отырка, Җебрайыл алейхис салам гелип:

  
-Хер бир ичи җанлы, бир гүн
өлүмиң аҗысыны датмалыдыр-диен аяты гетирди. Пыгамбер саллаллаху алейхи веселлем
бу аят геленде ики дызыны гуҗаклап, келлесини ашак салып, гөзүнден боюр-боюр яш
дөкмәге башлады. Пыгамбер саллаллаху алейхи веселлемиң бу аглайшыны гөрен
Җебрайыл перишде гыгырып айтды:

  
-Эй, достум Мухаммет! Эгер мен сениң өлүмден булар ялы горкяныңы билен
болсадым, мен Худайың хузурында аглап, Худая ялбарардым, эмма бу аяты
гетирмездим-дийди. Пыгамбер саллаллаху алейхи веселлем келлесини галдырып:

  
-Эй, достум Җебрайыл! Мен нәме үчин өлүмден горкайын? Мен өлүмден
горкамок, мен өз җанымы алада эдемок, мен ымматымы алада эдйәрин, ымматымың
ягдайыны гайгы эдип аглаярын-дийди. Пыгамбер саллаллаху алейхи веселлем
ене-де:

  
-Хер бир ичи җанлы бир гүн өлмели болса, мениң ымматымда бир гүн
өлмели болса, кыямат болан вагтында, мизан-терезиде ымматымың бириниң гүнәси
агыр болуп, довзаха гитмели болса, мен шоны нәхили чекип чыдайын-дийди.
Алла Тагала Пыгамберимиз саллаллаху алейхи веселлеми <B style="mso-bidi-font-weight:
normal">“әлемлере рахмет”

дийип иберенсоң, Пыгамбер саллаллаху алейхи
веселлеми разы этҗек болуп:

  
-Эй, Мухаммет! Мен сени бу
дүнйәде-де ве ахыръетде-де разы эдерин-дийип, Худай Пыгамбер саллаллаху
алейхи веселлеме вада беренсоң, Пыгамбер саллаллаху алейхи веселлеми разы этҗек
болуп, шу аяты индерди: «Эй, Мухаммет!
Хайсы бир адам Худая бенде болуп, саңа-да ыммат болуп, бир кичиҗик говы иш
этсе, шол адама хер эден ишине 10 эссе көпелдип, согап берерин»-дийди. “Бир
рекеат намаз окаса, 10 рекеат намаз окады, бир манат садака берсе, 10 манат
садака берди. Хер ыбадатыны 10 эссе артдырарын, согабыны 10 эссе көпелдип
язарын” дийди. Пыгамбер саллаллаху алейхи веселлем келлесини дызының арасындан
галдырып, гөз яшыны сүпүрди. Соңра:

  
-Эй, Аллам! Муның говы зат, йөне мениң ымматымың өмри гысга, гүнәлери
кән. Өңки ымматлара 300-400-900 яш бердиң. Мениң ымматым бу аз өмри билен, кән
гүнәси билен сениң довзахыңа дүшмегинден горкян. Сен мениң ымматыма рехим эт.
Эй, рехим эдиҗилериң рехим эдиҗирәги Худай-дийип, Аллаха ялбармана дурды. Шонда
Алла Тагала шу аяты индерди:

  
-Эй, Мухаммет! Хер ким Худая бенде болса, саңа-да ыммат болса, бир эден
ягшылыгыны 700 эссе артдырарын. Гөйә бир дәне бугдайың ере экилип, ондан бир
дүйп гөгерип, 7 шахасы болуп, хер шахада 100 дәне болуп, бир бугдай дәнесинден
700 бугдай дәнеси бугдайың чыкышы ялы, мен-де 1 ыбадатыны 700 ыбадат этди дийип
язарын-дийди. Пыгамбер саллаллаху алейхи веселлем бу аята бегенип:

  
-Элхамдулилләх-дийип, Худайына шүкүр этди.Соңра ене-де:

  
-Эй бары Худая! Мениң ымматымың ичинде бирнәче адамлар бар. Хер вагт
бир мусулман оларың гапысына бир зат диләп гелсе, онуң йүзүни алман ишини
битирйәрлер. Эгер өзлери оңармаса, бейлеки мусулман доганлары билен үйшүп, онуң
ишини битирйәрлер. Шоларың шу говулыгына-да бир затлар беревери Аллам-дийип, ялбармана дурды. Алла Тагала
аят индерип:

  
-Эй, Мухаммет! Хайсы бир адам бир мусулман доганы пул карз диләп гелсе,
шонуң йүзүни алман, процент алман, миннет этмән, шонуң ишини битирсе, кән-кән
согап берерин-дийди. Пыгамбер саллаллаху алейхи веселлем еринден туруп,
бегенип:

  
-Элхамдулилләх-дийип, Худая шүкүр этди. Соңра ене-де:

  
-Эй, бары Худая! Кән-кән согап берҗек дийдиң. Кән диениң нәчекә?
(100) йүзмикә, (1000) мүңмикә, (1000 000) милёнмикә? Нәчекә эй, Аллам?!
Кән диениң хер нәче кән болса-да, уҗундан ийип дурсаң ахыры гутарар. Сен мениң
ымматыма бир ай ораза бердиң, олар сениң айданыңы этҗек болуп, бир айлап
оразаның кынчылыгыны чекип чыдаярлар. Сен булара бир түкенмейән согап берсене-дийип, ялбармана дурды. Худай
Пыгамбери “разы этҗек” дийип, вада беренсоң, шу аяты назыл эдип:

  
-Эй, Мухаммет! Сениң ымматыңдан бири Худайың ве бендесиниң тарапындан
гелен кынчылыклара сабыр этсе, мен оңа түкенмейән согап берерин-дийди. Пыгамбер
саллаллаху алейхи веселлем шу аят иненсоң, еринден туруп ики рекеат намаз окап,
Худая шүкүр эдип, гаты сес билен гыгырып:

<SPAN style='font-size:12.0pt;font-family:"Times New Roman","serif";mso-fareast-font-family:
"Times New Roman";mso-ansi-language:RU;mso-fareast-language:RU;mso-bidi-language:
AR-SA'>-Эй, достум Җебрайыл! Шу
вагт Эзрайыл гелип, җанымы алса-да, мен өлүме тайын, ымматымдан хыялым рахат
болды-дийди.