hekaýajyk

ÝÜREKDEN ÇYKAN SÖZLER ÝÜREGE BARÝAR
Bir gezek Mahatma Gandiniň ýanyna bir aýal gelip, olgunyň gandy köp iýýändigini aýdypdyr we oglunyň gandy köp iýmesini goýmagyna kömek etmegini haýyş edipdir.
Mahatma Gandi biraz oýlanyp, şeýle diýipdir:
- Bibim, siz ýene üç hepdeden soň geliň.
Aýal maşgala Mahatma Gandiniň bu sözüni geňläp, çykyp gidipdir. Üç hepde geçensoňam ogluny yzyna tirkäp gelipdir.
Gandi oglana seredip:
- Gant iýmäňi bes et!- diýipdir.
Şondan soň ene minnetdarlyk aýdyp, olgy bilen otagdan çykypdyr, ýöne birsalymdan ene yzyna dolanyp gelip, Gandiden sorapdyr:
- Men bir zada düşünemok: siz hälki aýdan sözleriňizi mundan üç hepdeden öňem aýdyp bilerdiňiz ahyryn. Siz näme üçin bizi üç hepde garaşdyrdyňyz?
- Bibim, onuň üýtgeşik bir hikmeti ýok. Men mundan üç hepde öň siziň ogluňyz ýaly, gandy gowy görýärdim. Ýürekden çykan sözler ýürege barýar. Mundan üç hepde öň men ogluňyza gandy iýme diýen bolsam, bu söz oňa täsir etmezdi.