Türkmenistan - Indoneziýa

Salam. Giç ýagşy.

Şu gün (23.07.2011ý) nesip bolsa, 2014-nji ýylda futbol boýunça geçiriljek dünýä çempionatyna gatnaşmak üçin saýlama oýunlaryny oýnaýan Milli futbol ýygyndymyzyň Indoneziýa bilen oýny bar. Oýun şu gün gijara sagat 18:00-da Aşgabatda Beýik Saparmyrat Türkmenbaşy adyndaky Olimpiýa stadionynda geçiriler. Jakartadaky jogap oýny bolsa 28-nji iýulda geçiriler.

Ertir Türkmenistan - Indoneziýa oýnundan başga-da Aziýadan saýlama oýunlaryň çäginde 14 oýun geçiriler.

Liwan - Bangladeş.
Hytaý - Laos.
Kuweýt - Flippinler.
Oman - Mýanma.
Saud Arabystan - Gong Kong.
Eýran - Maldiw adalary.
Siriýa - Täjigistan.
Katar - Wýetnam.
Yrak - Ýemen.
Singapur - Malaýziýa.
Özbegistan - Gyrgyzystan.
BAE - Hindistan.
Iordaniýa - Nepal.
Taýland - Palestina.
Türkmenistan - Indoneziýa.

Şu ýokarky duşuşyklarda ýeňiji bolan 15 ýygyndy hem-de Aziýanyň reýtinginde ilkinji 5-lige girýän ýygyndylar (Ýaponiýa, G.o. Koreýa, Awstraliýa, KHDR, Bahreýn) goşulşyp (jemi 20 ýygyndy) her bir 4 milli ýygyndyly 5 toparça emele getirerler. Şol toparçalardaky oýunlardan soň, grupbasynda 1-nji we 2-nji ýer alan 10 sany milli ýygyndy indiki tapgyra çykarlar we ol ýerde her biri 5 ýygyndyly 2 toparça emele getirerler. Ol toparçalarda 1-nji we 2-nji ýer alan Milli ýygyndylar bolsa dünýä çempionatyna gatnaşarlar. Toparçasynda 3-nji ýer alan ýygyndylar bolsa özara goşmaça oýun geçirerler we ol oýnuň ýeňijisi Aziýadan 5-nji ýygyndy hökmünde dünýä çempionatyna gatnaşar. Umuman Aziýa kontinentinden dünýä çempionatyna gatnaşmagyň ýagdaýy şeýleräk.

Ertirki oýun üçin hem-de 28-indäki oýun üçin Milli ýygyndymyza çagyrylan futbolçylaram belläp geçeýin. Türkmenistanyň we Indoneziýanyň düzümi:

Türkmenistan:
Derwezebanlar: Maksatmyrat Şamyradow, Rahmanberdi Alyhanow.
Goragçylar: Maksim Belyh, Nazar Çöliýew, Guwanç Rejepow, Şöhrat Söýünow, Serdar Annaorazow, Dawid Sarkisow, Ähmet Ataýew, Myrat Hamraýew, Goçguly Goçgulyýew.
Ýarymgoragçylar: Döwran Allanazarow, Arslanmyrat Amanow, Begli Annageldiýew, Guwanç Hangeldiýew, Guwanç Abylow, Bahtyýar Hojaahmedow, Perhat Podarow.
Hüjümçiler: Berdi Şamyradow, Mämmedaly Karadanow, Gahrymanberdi Çonkaýew, Aleksandr Boliýan.
Baş tälimçi: Ýazguly Hojageldiýew.

Indoneziýa:
Derwezebanlar: Markus Haris Maulana, Ferry Rotinsulu.
Goragçylar: Rikardo Salampessy, Nasuha, Zulkifly Sýukur, Supardi, Roby, Wahýu Wijiastanto.
Ýarymgoragçylar: Arif Suýona, Eka Ramdani, Firman Utina, Ilham, Ahmad Bustomi, Tony Suçipto, Muhammad Ridwan.
Hüjümçiler: Kristian Gonzales, Oktowianus Maniani, Bambang Pamungkas, Boaz Solossa.
Baş tälimçi: Wim Rijsbergen.

Hany nesip bolsa gowja balet edeliň. Utaryslaý. Indonezlerden entegä galan ýerimiz ýok. Bu gezegem galmarys diýip umyt edýän. Üstünlik oglanlar!

Hä, ýene bir zat. Şu gün şu ýerdäki Nohur agzanyň bagt toýy. Bu şatlykly güni bilen ony hem gutlaýan.

Sag boluň.