Çile gürrüñinden ýadadym
Salam gadyrly teswirdeshler!
Köp wagtdan bäri garyndashlarymyzy göremok diýip, bu gün garyndashlaryma gitdim. Ertir kakamyñ inisine aýat okadýarlar, menem hem-ä "kabul bolsun" diýmäge, hemem garyndashlarymyz üýsherler diýip gitdim.
Men öz garyndashlarymyzy gowy görýän, dwourodnyý jiglem doganlam, gelnejelem. Özümizem köplük.
Bardym welin "ýat bolup barýañla" diýip garshyladylar, meñ özüm kän köpe çykmamsom.
Nahar çekildi,iýip içilip bolundy, töwir okaldy.
Iki sany kiçi uýalarymam aýagaldygna çaý dashaýarlar :-)
ejem, ejemiñ 5 sany eltisi ýagny gelnejelem, kakamyñ 3 sany aýal doganlary, hemem olaryñ hemmesiniñä däl, käbirlerniñ çagalary ýanynda.
Çaý çekilensoñ mundan bashlady gybat. Menem kän gybat halamamsom 1-2 sany jiglemi çagyryp, dasharda gap ýuwmaga durduk. Soñam ýene gelnejemdagyñ ýanynda oturalyñ diýibem öýe girdik.
Biziñkiler üýshse hökman "garyndashlar maslahaty" bolýar.
Kimi öýermeli, kimi çykarmaly gürrüñler bashlady. Gürrüñüñ bash temasy meniñ doganym boldy.
"ogluñyzy öýereñzokmy, haçan öýerýäñiz, ugruna çykañzokmy we sh.m" menä sesimi çykarman çaýly käsäme güýmenip otyrn, hemmesine ejem jogap berýär "öýereris bir nesibeli gün".
-Ana pylanyñam gowy gyzlary bar, planam gowy gyz, akylly, okuwly.
-Jahan, sen gowusy gaýnymlarda duran öz sandygñy (äpet, agyr özem demir sandyk) öýñüze getirip goý, sandyk öýde bolsa bagtam getirer.
Ejem- biziñki bir shäher jaýyda, mebellerden ýaña öýde kän ýerem ýok.
-ho, bir komnatyñyzda stol bara (o stoluñ üstünde kitaply polkalaram bar, knijny ugologmyz) ana sho nämä gerek, shony aýyrda ýerine sandygy goý.
Men- öýdäki bar kitaby sho stol ýygnaýar, kitaplar shoñ ashagynda.
Ýene bir gelnejem- waý, kitap nämä gerek gyw, aýyryñ ýok ediñde.
Plan ejem: size öñ aýdypdyk ogluñyzyñ çilesini kesdiriñ diýip.
Plan gelnejem: agy plan mollada çiläni gowy kesýär diýýär, plany kesdirensoñ 2 gün soñ guda geldi.
Ejem ýuwash bolansoñ sesini çykarman otyr, olar bolsa üýshüp gitdigiçe seslerni gataldyp bize doganymyñ öýlenmeýänligine biz günäkär ýaly edip ýerli ýerden biri-biriniñ seslerni basjak bolýan ýaly bize doganym çilesini kesdirmeýänligi üçin gygyryp diýen ýaly bashladylar.
Men bolsa sho çaýly käsäme güýmenip käwagt sowuk jogap berýärdim.
Ýöne kem-kemden kellämde gelnejemleñ sesleri bir-birine garyshyp uly bir wagyrda öwrülip gitdi, we birdenem dymdyrslyk boldy sebäbi men "çi-le-mi!!" diýip olardan beter gygyrypdyrn.
Men-doganym çilä ynananok
bir gelnejem- siziñ hiçiñizem çilä ynanañzok.
men- hawwa, biziñ hiçimizem ynanamzok!! Çile aslynda ÝOK! Diñe siziñ palçylañyzyñ, öñ alkash bolup indi mollasyraýan mollasumaklañyzyñ tapan zady. Men ynanýan, biz ynanýas! Biz Hudaýa ynanýas! Nirde ýazyk bagtyñ açylmasa çiläñi kesdirmeli diýip?! Gurhanyñ niresinde ýazyk çile hakda?!-diýip oturanlara seretdim. Oturanlar hijisi sesini çykarman maña seredip otyrdylar. Bu sözler beýik tonda we sheýle bir tiz aýdyldy, hatda özüm özümden utanyp gitdim.
Men utanjymy ýa aýdan zatlarymdan ökünmedigmi görkezjek bolup ýene biraz oturan boldum, ýöne ýüzümiñ gyzaranyny bilýän.
Men çagalygymdan shu çaka çenli özümiziñkileñ arasynda ýuwash gyz hökmünde tanalýardym.
Men o ýerde ýatyp gaýtmalydym,hemmämizem ýatymlyk barypdyk.
Ýöne men o tonda olaryñ tersine gidip, jogap berenim üçin men diñe bu gün däl,entek näçe wagt gözlerine dogry seredip bilmejegim üçin öýmüze gaýtdym.
Men ökünýän, elbetde ökünýän. Ýöne men içimdäki zady ýene aýtmadymou diýip ökünemok.
Gelnejelem, jigilem, doganlam, plan ejelem men siziñ baryñyzy gowy görýänä. Ýöne men shondada çile diýilýän zada ynanamok, kitaplarymam zyñasym gelenok.
Çile diýen düshünje nirden gelen zat?!
Köpüräk ýashan ýashlarymyza çiläñi kesdir diýýärler,näme üçin sho zatlara biziñ ýashlarymyz ynanýar enteklerem.
Garyndashlar men ýene-de aýdýan-men sizi gowy görýän. Ýöne kimiñ öýlenip, kimiñ haçan çykmalydygyny mashgalañ özi çözmeli dälmi?!
Arhiwiň ýagdaýy
● Doly tekst
● 43/43 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 25 maý 2012 ý. · Asyl sahypany gör ↗
Teswirler 43
Sabyrly bol, gynansakda bu ýagdaýda aýdyp diýeniň bilen diňläp amala aşyryp barýan ýok. Biziň kä näme-de bolsa bilýänjäňden maslahat bermek, emma öz ýakynlarymdanam şeýle yrymdyr, batyl ynançlara ynanýanlar bar. Aýdanyň bilenem köpüsi ynanyp baranok. Soňunda men-ä karar berdim, şu hal dili bilen gürläp göreýin diýip. Belli täsiri bolýar, olar ol ynançlary bilen bagtsyz bolup seni begençli we bagtly görensoňlar özleri gyzygyk sorap başlaýarlar, ynha şonda frekanslary, alyjylary açylýar. Ýogsam biläýmedim-dä.. Men-ä siz bilenjäňizi amal ediň, menem öz bilenim bilen bolaýyn diýseň has täsirli bolýar ekeni...
Indi ýyldyz, göz degme, çile hakynda düşünjämi aýdaýyn.
Meniň özümem şular barada her kimden soraşdyryp gördüm. Molla adamlardanam soratdyryp gördüm. Imanyň 7 şerti bar, onuňam biri haýyr-şeriň Allahdandygyna ynanmak. Beýlekilerem Allaha ynanmak, perişdelere ynanmak, pygamberlere ynanmak, kitaplara ynanmak, ahyrýet gününe we öleňden soň direljegiňe. Şular eken. namaz öwredýän kitaplarda bardyr. Awariýa bolsa-da, çaga ýaramasa-da, ýakynyň aýrylsa-da hemmesi Hudaýyň işi eken. Imanly adam şo bolýan zatlary başga zada ýöňkemeli däl eken. Ýöne şu meselede wahhabiler berk durýan eken. Gökdepede ýaşap Çary ahun diýip eşidensiňiz. Berdi Kerbabaýewem başda Çary ahundan sapak alypdyr. Ýöne soň dowam etmändir diýip ýaşulylar gürrüň edýär. Men çalaja Çary ahun hakda eşidenimi aýdaýyn.
Bir gün bir türkmen ylym almak üçin Buhara barypdyr. Şo ýeriniň mollasy muňa şeýle diýipdir: - inim bu ýeriniň ylymyny iki sany kör teke alyp gitdi ahyry- diýipdir. Olaryň biri marydan molla Töre ahun, birem Çary ahun. Ýalňyşmasam ikisiniňem bir gözi kör bolupdyr.
Meň diýjek bolýanym şu wagtky türkmen ýaşuly mollalary şo Çary ahunyň ýoly bilen gidýäler. Şolarda wahhabiligiň hiç-hili ysam ýok. Şolaram şu ýyldyz, çile, meselelerini goldanok.
Bir gün toý etjek bolup bir ýaşuly maslahat salaýyn diýip Berdimyrat ahunyň (hitrowkada ýaşap geçipdi, Türkmenbaşy hem sylar eken) ýanyna barýar: - Ahun aga, toý etjek bolýan weli öňüňde ýyldyz bolýarmy - diýip soraýar. Berdimyrat ahunam: - Pylany bizä ýyldyzy agşam asmanda görýäs - diýip jogap beripdir. Toý etjek bolýan ýaşulam - bu, heleýlerä bar diýýär - diýipdir. Ahun aga-da:-Git onda heleýler bilen maslahatlaşda-diýipdir.
Muny ýazýanymyň sebäbi şu meselede garşy çykana wahhabi diýäýýäler, käbir adamlar. Türkmen ýaşulylarymyzyňam şo yrymlary goldamaýandygyny aýtjak bolýan. Ýöne göz degmek hakyky bar zat diýýäler. Adamyň gözi başga adama degip ýarawsyz edip bilýän eken. Dogalamagam hakykatdanam bar eken. Pygamberimizi hem bir jadygöý aýal dogalapdyr diýip eşitdim. Elbetde ýaşulylaň gürrüňi. Ine meňä aýtjaklam.
Çile meselesini hem ýaşulylar goldanok. Ýöne ynanmaň diýip berk üstünde-de duranoklar. Biziň öýdäkilerem şol edilýän çäreleri edýäler. Ýasdan gelseň täze bäbegi çykaryp, bäbegi ýasdan gelen adamdan soň salýalar. Ýalňyş ynançdygyny düşündirýäs, ýaşulylarymyzyňam goldamaýandygyny aýdýas ýöne barybir ganyna siňipdir, şol ynanjy çykaryp bolanok.
Töre ahunyn kichijek kitabam bardy. Chary ahunam gaty takwa bolan diyip eshidipdim.
düýnä meñem dashyma geçipdiler, bolmasa ogluñdan öñ gyzyñy çykaray diýip ejeme, ana geliñ üýshüp (shu ýerde meñ adym bolmaly)-ny çykaralyñ. Gökje tarapda bir gooowy mashgala bar, özlerem baý, pullarny nirde goýjaklarny bilenoklar we sh.m gürrüñler, meniñ gelnejemiñ gürrüñinde halamadyk zadymam, meni baýlyk bilen gözümi gapjak bolushy, ýöne olar meniñ baýlyga gyzmaýanymy bilenoklarda, wah, gelnejeshkalam...
Alnyňyz açylar enşalla. Ikiňiziňem. Alla sabyr bersin. Paýlaşanyňyza sagboluň.
Jowamygul kelim sherhi atly kitapda Tore ahunyng aydan zatlaryny yatladyp gechyarler. Turkmentalyp siz bilyan bolmagyngyz mumkin! Yrym ,chile bularyng barysy yoldan azashdyrmak bolaymasa!
Çile diýen zada entäk baý ynanarsyňa.
hahahahahahahahahahaha
hacanda bir musulman adam oz musulmanlyk ynanjyny gowy bilmese sonda ynanyar.
Her kimin bagtyny huday cozyarem acyaram, basgalara bagly dal.Doganynam hudayyn beren nesipli gun oylenerda.
Gyzykly garyndaşlarynyz bar eken awtor
her adam oz yaryny ozi tapsa gowy bolardy...
Sen tüweleme içiňi sowadansyňaý agşam hezil edip ýatansyň diýjegiňi diýeňsoň. Düýn agşam ýolda gelýärkäm bir gyz öňümde swetofor gyzyl ýanyp duram welin bir zada güýmenip dur menem a gyz geçdä şu wagt gyzylýanýarka diýdim welin bir zatlara diýip ýakymsyz gaýtargy berdi men hiç zat diýmedim we diýmedigime içim ýanyp geçäýdi.
Menä agzalara plyus paýlajak how.
yok dos çagalara 40 günlap çykarmak bolonok çyndanam, men köp gördüm , musulman çagalara şeytan-jyn arwah eye çykjak bolya, 40 gün bolyança 1 zada bar, emma ir çakarylyp ölen çaga kan obamyzda. bu yagday hakykat. çaga yany dogulan we arassa bolonson hapa yerlere çykaranda 1 zada bolya emma toçna 1 zat aydyp biljek dal emma bar
kabir onaysyz yagdaylary turkmencilik bilen dushundurmek ucin oylanyp tapylan cile sahet yaly sozler gynansakda halkymyz tarapyndan ters manylarda ulanylyar,Men enem ynha obada toy ediljek wagty sahet bellap yyldyzyn ugryny tapyanchy, enemden gyzyklandym, ene bu name diysem ay bizem enelemizden sheyle gorduk sheyle bildik diyduiler. aslynda sahet diyilyan zatda many yok dal, ol sahedi bellayan yekeje faktor gyzyn shol gunlerde toy etmegi tarapyndan onaysyzlyk barmy yada yokmy shony bilmek, emma cile diyilyan zat umuman gulkinch, caganyn 40 cilesinde many bar, ruslarda hem 30-40 gun caga bolandan son kan bir yat adamlara elledilmeyar, yada bashga yerlere gezmana akidilmeyar, caganyn howasynyn chalyshmagy, caga ucin belli bir derejede howply bolup bilyar.birem taze gelin toy eden badyna bir cile bar bolmaly, bu temada men gaty bir gurrun acasym gelenok welin ejem doktor bolonson soradym, umuman aydanda bu temada hem saglyk tarapyndan tasirler bar eken, gyzlyk peryodyndan atze cykan taze gelinin ushemegi ol zenanyn zenanlyk ugurlaryndan kesellemegine getiryamishin, shonun ucin turkmenjilikde medisina tarapyndan shun yaly diyilip aydylman taze gelinin bir hepde 10 gun suwa dushmezlegini cile bilen dushunduryaler. nika temasynda welin cile diyilyan zat gaty manysyz yaly, kabir onaysyz yagdaylary turkmencilik bilen dushundurmek ucin oylanyp tapylan cile sahet yaly sozler gynansakda halkymyz tarapyndan ters manylarda ulanylyar,
bir dostum nemes chaga wrajyndan sorady. nahili howa bolsa-da shona gora geyindirda chykaryber diydi. elbetde hapa ya keselli yerlere barmaly. umumy uly adama-da barmaly dal. biz hapa yere chykaralyn diyemzoga.
dininem chilanem anyrsynda adamyn kellesindaki psihologiki ynanchlar yatyr
Уллакан адамлар, эдйэн гуррунлери велин...
Nähili?