Heleý göreşi barada...
Aslynda nähili bolmalydygyny we näme maksat bilen edilýändigini, ideal ýagdaýlarda nähiliräk ýerine ýetirilýändigini menem şu gün Dildar gelnejäň bize ýetiren Berdi Kerbabaň poemasyndan bilip galdym.
Indi eger dogry düşünen bolsam şeýleräk bolmaly - Şol güne çenli gyz bolup gezen we saçyny öňüne atyp gezen gyz indi gelin bolandygy üçin saçyny yza atmaly bolýar. Tahýasyny-gupbasyny çykaryp gelinleriň geýýän başgabyny (börük) geýmeli bolýar. Şu prosese baş salmak diýilýän bolmaly. Bu ýagdaýy isleýän we talap edýän heleýler (ýaşlary orta ýaşaşan gelnejeler we daýzalar) bir tarapda, bu ýagdaýy islemeýän we joralaryny gorajak bolýan gyz-gelinler (juwan zenanlar) bir tarapda, iki taraply bir göreş bolýan bolmaly. Netijede daýzalar ýeňiji bolýan bolmaly. Şu ýalňyşmasam ideal -heleý göreşi- bolmaly.
Bizde nähili boldy - Ilki bilen işikde bir ýasama ring emele getirdiler. Öýde başga ýorgan-düşek galdymyka diýdirjek derejede kän ýorgan-düşek serdiler. Soňra kilosy we erjelligi boýunça biri birine deňeçerräk gelinlerimiz we gyzlarymyz jüp jüp boldular we orta goýulan baýraklar ugrunda göreşdiler. Baýraklar üç-bäş manat aralygyndady, bilemok ýaglyk-paglyk berlenem bolsa, üns bermändirin. Agalarymyň ýetişip barýan gyzlarynyň ikisi öz arasynda ýedi rounda çenli göreşdiler, sebäbi oglanlardan biri bularyň köpräk göreşerini islän bolmaly-da, bäş dollar baýrak goýdy. Bu dollar bolsa ýedi roundlap işledi.
Uly agalarymdan biriniň çykan gyzy, men deň duş, üç çaganyň enesi, tüweleme daýaw gelindigini ençeme gezek subut etdi. Ony ýykyp bilen bolmady. Kakamyň jigilerinden horajyk bedenli pylan ejemiz birnäçe gezek arkadan duýdurman topulsa-da gelin her gezek ony aňsatlyk bilen aşagyna aldy. Netijede baş salýançy we jemi birnäçe ýüz müň manatlyk baýragyň eýesi, bu üç gelniň ejesi gelin boldy.
Gelne telpek geýdirip daşyndan öýmemi, ýüpmi bir zat bilen maňa çekdirdilerem, ýalňyşmasam gupbasyny ýykmak maksady bilen bolmaly. Birinji we ikinji gezek ýuwaşlyk bilen çekdim dözmezçilik edip, ýüp elime geläýdi. Üçünji gezek gatyrak çekdim, Gülnar yza dogry tas ýykylýardy. Boldy onsoň ýene kowdular meni.
Bolany, gören eşidenim şular.
Saglygyňyz...
Arhiwiň ýagdaýy
● Doly tekst
● 45/45 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 19 maý 2012 ý. · Asyl sahypany gör ↗
Teswirler 45
Gaty gowy suratlandyrypsyñyz. Sagboluñ okap hezil etdim. Dogrudanam bilmeýän zatlarym bar eken.
Neme, teswirchi diýlende tüýs siz shol agza adyna mynasyp agam.
Ýöne men siziñ hem-de siz ýalylaryñ yzyñyzdan ýetmek ün siziñ orup giden hasylyñyzyñ, galyndylaryny chöpläp -chöpläp ýetermikäm diýýän. Enshallah!
Teswirchi agalarymyzy tüýs ýürekden gutlaýan. :-)
Haladyma basmany unudypdyryn. Bagyshlañ.
Al baryñyza menden+
:-)
+
gyzyklydygyny,hich gatnashyp goremokda bash salda,bir gun nesip bolsa bara🙂
haladym +++
menem seni haladym 😆
her kimin öz gaygysy......
Men kiçikäm daýym öýlenende mamamlarda şu göreşi edipdiler. Hezil edip görüpdim. Daýzalaň göreşi gyzyklydy. Şonda ejem hem göreşipdi we basylypdy welin, ejem basyldy diýip möňňürip aglanym şuwagtky ýaly ýadyma düşýär. 🙂
men şu hakda video gördüm facebookda. isleseniz ugradyp bilerin facedakilere blum
namemish faceda barmysh😆
😆
niresinin gülkünçdigine düşünmedim Selyavi aytsana bizem güleli
youtube da videosy bolmaly
a sen dushunmersinda dagam,dushunmeli bolsa ayratyn tesvir edip yazardym,shon uchinem rainmana jogaplap yazdym dushunen dushundi🙂
gyz goresh gelishmejek zatlay. Youtube-da in sonynda agyr agramdaky dayzalar goresh tutyar 😆 😆
Ilki yenil agramdakylar tutup bashlayar, sonundan betleri tutyar 150 kg - dakylar 😆 😆
👍
Bash saldy(heleý urush) ýagny bu toýyñ ertesi öýlän ýa agsham bolanda bash saldy edilýär.
Bu bash saldy edilmeli gün töwerek goñshy golomlara ýörite aýdylyp çykylýar ýagny ginlere,genejelere we durmusha çykmadyk ýash gyzlara aýdylyp çykylýar.Bash saldy bashlanda ýere düshekler uly edip ýazylýar,onsañ durmusha cykmadyk gyzlar täze gelni gorap durýalar we genejeler hem bu täze gelni gyzlar b.n urshup ony bash ujundan gujaklap aljak bolmaly,sheýdip urush bashlaýar.Täze gelin kürteli bolany ucin oýny gyzykdyrmak ucin,uzaga cekmek ucin durmusha cykmadyk gyzlar täze gelniñ eshiklerni,kürtesini geýip dasharyk cykýar.Urushda täze gelini genejeleñ biri zordan alansoñ täze gelini görseler ol bashga biri bolup cykýar,sheýdip täzeden urush gurnamaly bolýar we täze gelin ýenede öýden cykýar ol hakyky täze gelindigine göz ýetirip genejeler ursha bashlaýalar.sheýdip urshy uzaga cekdirýäler biziñ ýanlarymyzda.Kim täze gelni alyp bilse shoñada gaýynene gymat bahaly öýme ýapýar.
Bagytly boluñ agam
oran gyzykly sagja bol paylashanyn ucin cagyrjy we gaytarjy hakynda hem wagty gelende yazsan bir sallah oylenmedikler ucin azajygam bolsa tayynlyk bolar bilip goyan yagshy turkmenciligimizi...👍
birinji gezek eshtyan bular yaly zady.
Balkan tarapda hem barmy bu zat?
bash salynyar ertesi gun gyza, shonda gelinler we gyzlar oz arasynda dawa eden bolya, gyzlara saldyrmajak bolya, gelinlerem saljak bolya... ahyrynda gayny enesi gatydan urup goyberya we bash salya gelnine-ine shular yaly bolya balkan tarapda. goresh edenoklar yone, oyun ichinde yuwashlyk bilen dine gyz-gelinlerin arasynda sheyle etyaler.