Toba
Togsan dokuz adamyñ başyna ýeten rehimsiz bir adam bar eken. Bir gün ol eden işlerini ýatlap, gaýga çümüpdir we ylymly bir adamyñ ýanyna baryp, geçmişini gürrüň beripdir. Toba edip, dogry ýola gelmek isleýändigini, dürs ýaşamak isleýänini aýdypdyr. “Ýöne, munça adamyñ ganyna galamdan soñ, Tañry meniñ günämi
geçermikä?” diýip, ganhor ylym okan kişiden özelenip sorapdyr. Alym adam her näçe kän okanam bolsa, okan ylymyny doly özleşdirereden ejiz ekeni. “Ýok, munça adam öldüren bolsañ, Tañry seniñ günäñi geçmez” diýip, ol toba etmäge, ters
ýoldan dönmäge gelen ganhoryñ soragyna kesgin jogap beripdir. Ganhor bu söze dergazap bolupdyr: “Oñ ýaly bolsa, men senem aýap goýmaýyn”
diýip, ol alym adamyñ hem kellesini kesipdir. Soñra ol başga bir alymy gözläp tapypdyr we ýüz adamy öldürerini gürrüñ beripdir. “Eger toba etsem, Hudaý meniñ günämi geçmezmikä?” diýip, ganhor alymdan sorapdyr. Alym akylly adam ekeni. Ol ganhoruñ gözleriniň içine garap şeýle diýen: “Elbetde, eger ak ýürekden toba etseñ, Hudaý seni hökman bagyşlar. Ýöne meniñ bir nesihatym bar, toba edeñsoñ, bozuk adamlardan gaça dur, gowulara goşul, bozuk adamlar seni ýene öňki ters ýoluña dolap elter.”
Ýüz adam öldüren ganhor bu sözlere pagyş-para eräp, ýarym-ýaş halda eden ters işlerine toba edipdir we Hudaýdan özüni bagyşlamagyny sorapdyr. Şondan soñ ol özüniñ bet pygylly ýoldaşlaryndan ýüz öwrüp, päli-niýeti düzüw adamlaryñ ýaşaýan ýerine ýönelipdir. Ýöne ýolda toba eden ganhoryñ sanalgysy dolupdyr we ol dünýäden ötüpdir. Şol mütdetde hem dowzah we jennet perişdeleri merhumyñ janyna eýe çykmaga gelipdirler. Dowzah perişdleri merhumyñ dirilikde köp adamyň ganyna galandygyny aýdyp, onuñ janynyñ özlerine degişlidigini subut etmäge çalşypdyrlar. Ýöne jennet perişdeleri hem kem oturmandyr.
- Merhum ölmezden öñ toba etdi we dürs ýaşamak kararyna geldi. Şu niýet bilenem ol gowy adamlaryñ ýaşaýan ýerine ugrady, ýöne ýolda kazasy doldy - diýip, jennet perişdeleri aýdypdyr. Turupdyr bir dawa-galmagal. Onsoñ bu dawany çözmek üçin Jebraýyl perişde iberilipdir. Ol iki tarapy hem diñläp, şeýle karara gelipdir: “Ýeri, aralygy ölçäñ. Eger merhumuñ ölen ýeri gowy adamlaryñ ýaşaýan ýerine golaý bolsa, ol jennet perişdlerine degişli bolar. Ýöne birden onuñ ölen ýeri bozuk adamlaryñ ýaşaýan ýerine golaý bolsa, onda ony dowzah perişdelerine bermeli bolar.”
Bu karardan soñ ýeri ölçediler. Toba eden dürs adamlara tarap ýañy ýönelende jan berensoñ, ol heniz bozuk adamlara has golaý ekeni. Ýöne ol ak ýürekden toba edip, ýaman pälinden
gaýdypdyr we Hudaý onuň ýatan ýerini süýşirip, gowy adamlaryñ ýaşaýan şäheriniñ alkymyna getiripdir. Şeýlelikde eden ýalñyş işlerine çyndan ökünen we ak ýürekden toba eden bende jennet perişdelerine berlipdir.
Muzaffer şyhyñ hekaýasy.
Arhiwiň ýagdaýy
● Doly tekst
● 27/27 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 15 noýabr 2011 ý. · Asyl sahypany gör ↗
Teswirler 27
wiy, gyzyl denizde gark bolan shahys Musa aleyhissalam we ona eyerenleri oldurmek ucin kowalap baryan Faraon we onun goshuny bolmaly.
bagyşlañ GarrySerdar! Menä bu şahs barada kän maglumat bilemok.
Hekaýa örän tanyş, köne kitaplaryň birinden alnan kyssa bolaýmasa. Tobanyň bagyşlatyjy gudratyna ynanmaga çagyrýan temasy örän güýçli berlipdir. Köp sagboluň paýlaşanyňyza.
Alla adam milletini ýalňyşyp toba edip bilýändigi üçin ýaradypmyş diýýärler. Bu bolsa biziň toba edip bilmek ukybymyzyň bizi has gowy gul edýändigi manysyna gelýän bolmaly. Ýalňyşmak maňlaýymyzda bolsa-da Allajan hemmämizi kitaplary sagyndan beriljek gullaryndan etsin enşalla.
Şu hekaýa örän gyzykly hekaýa. Adama umyt berýär, ýüregine suw serpýär.. Adam öldürmek iň uly günälerden bolmagyna garamazdan ýürekden toba edende onuň hem bagyşlanjagyny buşlamak bilen bilelikde ädim we hasap bilen hem Alla Tagalanyň merhemetini we rahmetini ýada salýar. Sebäbi, ol toba eden adam ädimini hasaplap ýöremedi ahyryn. Galyberse-de bu güne çenli hekaýalar arkaly gelip ýetip bize bir hakykady ýatladanokmy eýsem?! Sen Allaha bir ädim atsaň ol saňa on ädim äder, sen oňa garşy ýüz öwrüp ýöräp başlasaň ol saňa garşy ylgap başlar, eger sen oňa bütinleý boýun bolduňmy, ol onda seniň tutan eliň, ýöreýän aýagyň bolar, diýen hadysy ýatladýar..
Egerde chyndan tobany etmegi basharmasang name etmelika doganlar. Bu hekayada chyn tobasy uchin bu adamyng gunasini Allah bagyshlayar. Emma sheylerak yagdayy goz ongune getireling. Meselem: Men kan erbet gunaler etdim, yone indi men ol gunalerden saplanmak isleyan, toba etmelidigine dushunyan. Toba etmegem isleyan. Yone tobany yurekden edip bilemok. Manga hich hili sozler tasir etmeyar. Gynanybam bilemok begenibem. Indi men name etmeli. Ine men ozumden mesele getirdim, indi shular yaly yagdaydaky adamlara name maslahat beryangiz?
gatnashyan ynsanlaryny gozden gecir. Icinde haysysyny dini taydan has ynamdar we samimi/yhlasly gorden, sholar bn kopurak gatnash!
Ka hakykatlara yasamalykdanam gowshup bolyar. Yeter ki sende ona isleg bolsun. Meselem, pygamberimiz Kuran okan wagtymyz tukat halda, hatda, gozyashymyz bn okamany maslahat beren ekeni bir gezek, eger basharyp bilmesek, muny ozumize mejbur etmegimizi hem aydypdyr.
Diymek, toba etmek ucin ozumize zor salmaly. Yhlasly dindarrak dost-yarlarymyz bn gatnashyp, olar bn bu babatda pikir alyshmaly, goldaw berishmeli.
Galyberse-de, ynsan nisyan diyleni, yatdan cykaryp guna ishlenip bilyar tobadan sonam. Shondada ruhdan dushmeli dal we yene Allaha toba etmeli. Cunki Ol Gafur, Tewwab we Rahymdyr. Gunaleri bagyshlayan, tobalary kabul edyan we merhemetlidir.
Allah hemmamize gunalerimiz ucin yhlasly yagdayda toba etmegi miyesser etsin we tobalarymyzy in onat yagdayda kabul etsin! Amin!
Ata sagbolung maslahatlarynga.