Nep bolansoň...

Bähbidiňe hata gitdiň
Çendenaşa ötä gitdiň
"Sag-sag" diýip ötägitdim
Bar bileni çep bolansoň

Çekiç ursa-diýdi teşe
Ýalanlary boldy neşe
Şonuň üçin gybatkeşe
Ýanaşmadym gep bolansoň

Özün magtap ýan bermese
Kemin aýtman, hal görmese
Dymdym şeýdip kän gürlese
Diýjeklerim çöp bolansoň

Ýazdym şugün, öten hakda
Işgär, işçi ýatan hakda
Köp ýazmadym Watan hakda
"Watansöýji" köp bolansoň

Aýralygyň güli solsun
Ýalňyzlygyň soňy bolsun
Besdir inni ýürek gülsin
Gam-gussalar dep bolansoň

Ogluň şahyr däldir eje
...Wah, şonsuzam kändir eje
Ýazyp ýörün men diňeje
Köpüsine nep bolansoň

@ylham_gurbanaly