Meñem sadalygym şundan ybarat...

,,Meniñ sadalygym şundan ybarat,
Her bir diýlen zada ynanyp ýörün...",
Wah halypam şol sadalyk gurasyn,
Biri hoş söz aýtsa gomalyp ýörün.

Gerekmejek zada gidirip wagtym,
Gözläp tapmalydyr öýdüpdim bagtym,
Dertleñ üýşen wagty, gussaly çagtym,
Biderek ýerlerde sömelip ýörün.

Gezsemem ýalanlañ içinde entäp,
Hergiz ýalñyşlarmy, öz kemim agtap,
Şükür, sabyr, toba üç sözi nygtap,
Ejizi göremde uýalyp ýörün.

Namarda zar bolman, el sermän ile,
Çeşme bolup aksam, meñzemän sile,
Başarsam hiçkimden saklaman kine,
Diñe öz güýjime daýanyp ýörün.

Awtory: Baýram Bejidow