....

Sözleñ öñkisinden gury görünýär,
Gözleñde gussa bar, ajymtyk gussa,
Üýtgäpsiñ. Sen indi ,,birahat edip",
Zol-zol jañ edeñok ýüregiñ gyssa.

Janykmalar, jan ýakmalar ýok indi,
Buz üstinden tozan arap ýörmeýäñ,
Tarp ýerden gögeren öýke-kinäñem,
Sebäbini diñe menden görmeýäñ.

Hamala ikimiz nätanyş ýaly,
Nazarymyz kyn tapyşýar şu günler,
Häzir dymýan... Öñler gözi giderdi,
Bagtymyza hatda bagty çüwenleñ.

Indi biz ýönekeý oglan bilen gyz,
Şasenem-Garyp däl, Zöhre-Tahyr däl,
Dünýäñ iñ owadan gyzy däl sen-ä,
Menem indi hakdan içen şahyr däl.

Sapa Hommadow.